Nehemĩa 8:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Neryo ekiro nʼekiro, erĩtsũka oko kiro kyʼerĩtsũka erĩhĩka oko kiro kyʼendũlĩ, Ezera mwasoma omo kitabu kyʼemigambo ya Nyamuhanga, Mobalya nʼeriusa ebiro birinda; nʼoko kiro kyʼomunani mohabya erĩhĩndana lĩbũyĩrĩre, ngoko kyahamulawa.

Nehemĩa 8:18 Iomraidhean Croise

Nehemĩa 8:2

Nʼomũhererĩ Ezera mwaleta Emigambo embere syʼendeko yʼabalume nʼabakalĩ, nʼabosĩ abatoka erĩowa nʼeriminya, oko kiro kyʼerĩtsũka kyʼomukera wʼakalinda.

Nehemĩa 8:3

Neryo mwasoma mukyo omo kibuga ekyabya embere wʼolũkyo lwʼAmagetsi erĩtsũka omo ngyakya-ngyakya erĩhĩka omwʼitungi, embere syʼabalume nʼabakalĩ, abasĩ eriminya, kandi abandu bosĩ mobahulikirira ekitabu kyʼemigambo.

Abalawĩ 23:36

Ebiro birinda mwasyaletera Omwami Mukulu obuhere obũkokĩbawa oko muliro. Oko kiro kyʼomunani hasyabya erĩhĩndana lĩbũyĩrĩre busana nenyũ; mwasyaherera Omwami Mukulu obuhere obũkokĩbawa oko muliro; nĩ ʼhindana lĩbũyĩrĩre. Simusyekola omũbĩrĩ owakalĩre nʼomuke.

Abalawĩ 23:41

Nenyũ mwasyateyabyo mo biro bikulu busana nʼOmwami Mukulu ebiro birinda omo mwaka. Ni mugambo wʼebiro byosĩ omo syondengo syenyũ syosĩ; mwasyateyabyo oko mukera wʼakalinda.

Emiganzo 29:35

Nʼoko kiro kyʼomunani: mwasyabya nʼerĩhĩndana lĩbũyĩrĩre; simusyekola mũbĩrĩ nʼomuke wʼendũhĩ;

Yoane 7:37

Neryo oko kiro kyʼenyũma-nyũma kyʼebiro bikulu ebyo, ekiro kinene kyʼeryusa, Yesu mwahangana mwabũga nʼomulenge munene ati, Omundu amakwa enyota, ase kwĩngye apũlaye.