Nehemĩa 8:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Neryo abandu mobahuluka, mobaletayo, mobayĩkokoterya ehitalikirire, obuli mundu oko lutwe lwʼenyũmba yiwe, nʼomo bibuga byabo, nʼomo bibuga byʼenyũmba ya Nyamuhanga, nʼahagalĩhĩre oko Lũkyo lwʼAmagetsi, nʼahagalĩhĩre oko Lũkyo lwa Efũraĩmũ.

Nehemĩa 8:16 Iomraidhean Croise

2 Samwelĩ 11:2

Neryo omwʼĩgolo-golo, Dawĩdĩ mwahangana akalũa omo ngyingo yiwe, neryo mwayĩgendya-gendya oko lutwe lwʼenyũmba yʼOmwami; nʼoko lutwe kwʼaho mwalangira omũkalĩ akayikosa; nʼomũkalĩ oyo abya mubuya kutsibu.

2 Abami 14:13

Neryo Yoasĩ omwami wa Ĩsraelĩ mwahamba Amazĩa omwami wa Yũda, mugala wa Yoasĩ omugala wa Ahazĩa, eBetĩ-semesĩ, neryo mwahĩka eYerũsalema, mwaterya olũhĩmbo lwʼeYerũsalema erĩtsũka oko lũkyo lwa Efũraĩmũ erĩhĩka oko lũkyo lwʼenũnga, metere hakũhĩ nʼamagana abiri.

2 Emyatsi yʼEmigulu 20:5

Neryo Yosafatĩ mwahangana omo ndeko ya Yũda nʼeyeYerũsalema, omo nyũmba yʼOmwami Mukulu, embere wʼekibuga kihya-kihya;

2 Emyatsi yʼEmigulu 33:5

Kandi mwahĩmba ekiherero busana nʼomulondo gosĩ wʼelubula omo bibuga bibiri byʼenyũmba yʼOmwami Mukulu.

Nehemĩa 12:37

Neryo hakũhĩ nʼolũkyo lwʼEngũnũnũko, nʼembere syabo, mobahetuka oko bisambiro byʼomũyĩ wa Dawĩdĩ, oko bwiruka bwʼolũhĩmbo, endata oko nyũmba ya Dawĩdĩ, erĩhĩka oko Lũkyo lwʼAmagetsi oko luhande lwʼendata.

Nehemĩa 12:39

nʼendata oko Lũkyo lwa Efũraĩmũ, nʼoko Lũkyo lwa Kera, nʼoko Lũkyo lwʼAmahere, nʼoko Nyũmba Nyiri-nyiri Eyĩsũngũlĩkĩre ya Hananelĩ, nʼeNyũmba Nyiri-nyiri Eyĩyĩsũngũlĩkĩre yʼErĩgana, erĩhĩka oko Lũkyo lwʼEsyombũlĩ; kandi mobahangana oko Lũkyo lwʼAbateya.

Nehemĩa 3:26

Neryo abagombe bʼeHekalũ abĩkere eOfelĩ mobasũbyalo aho halolĩrye erĩhĩka oko Lũkyo lwʼAmagetsi ahakalolaya endata, nʼenyũmba nyiri eyĩhũlũkĩre.

Nehemĩa 8:1

Nʼabandu bosĩ mobayĩhĩndanĩa haguma ngʼomundu muguma ahagalĩhĩre ahali embere wʼolũkyo lwʼAmagetsi; mobabwira Ezera omũhandĩkĩ, bati alete ekitabu kyʼemigambo ya Musa, eyo Mwami Mukulu ahana Ĩsraelĩ.

Nehemĩa 8:3

Neryo mwasoma mukyo omo kibuga ekyabya embere wʼolũkyo lwʼAmagetsi erĩtsũka omo ngyakya-ngyakya erĩhĩka omwʼitungi, embere syʼabalume nʼabakalĩ, abasĩ eriminya, kandi abandu bosĩ mobahulikirira ekitabu kyʼemigambo.

Yeremĩa 19:13

Nʼamanyũmba wʼeYerũsalema, nʼamanyũmba wʼabami bʼeYũda asyatsanda ngʼeTofetĩ busana nʼamanyũmba gosĩ ahabĩrĩhĩsĩrĩbwa kʼobukwa oko nyitwe syago oko milondo yosĩ yʼomo kyanya, nʼerĩũtũlĩra amahere wʼerĩpũlya oko Sindi nyamuhanga.

Yeremĩa 32:29

NʼAbakaldea, abakalwa nʼomũyĩ oyũ, basyingiramo nʼerĩhĩra omuliro oko mũyĩ nʼerĩhĩsyago, haguma nʼamanyũmba, aho bandu baherera Baalĩ obukwa oko nyitwe syabo, nʼerĩũtũlĩra esindi nyamuhanga amahere wʼerĩpũlya erĩnyĩhĩtanĩa.

Eryibuka Ebihano 22:8

Omugulu ũkahĩmba enyũmba nyihya-nyihya, mwasyahĩmba ekikunda oko lutwe lwenyũ, mukasyaleta olubanza lwʼomusasi oko nyũmba yenyũ omundu amatoga kuyo.