Nehemĩa 8:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Nʼabandu bosĩ mobayigendera eriyalya, nʼerĩpũlya, nʼerituma magabo, nʼeritsema lĩnene, kusangwa babya ibabiriminya ebĩnywa ebyagambulawa.

Nehemĩa 8:12 Iomraidhean Croise

1 Emyatsi yʼEmigulu 29:22

mobalya nʼerĩpũlya embere syʼOmwami Mukulu oko kiro ekyo nʼobutseme bunene. Kandi mobayira Solomono mugala wa Dawĩdĩ mo mwami engendo yʼakabiri, mobamũhakabya amagũta busana nʼOmwami Mukulu abye mukulu, na Zadokĩ eribya mũhererĩ.

Nehemĩa 8:10

Neryo mwabwirabo ati, Muyigendere, mulye esĩnenehĩre, mũpũlaye ebĩsĩhĩre, mutume amagabo oko yũtabĩkĩrwe kindu; kusangwa ekiro kino kĩbũyĩrĩre oko Mukama wetu; kandi sĩmũkwe bũlĩge; kusangwa obutseme bwʼomwami Mukulu ni kagala kenyũ.

Nehemĩa 8:11

Neryo Abalawĩ mobahũnerya bandu bosĩ, bati, Mubye bũkũtũ, kusangwa ekiro ekĩ kĩbũyĩrĩre; kandi sĩmũkwe bũlĩge.

Nehemĩa 8:13

Nʼoko kiro kyʼakabiri abakulu bʼebĩtũnga byʼabotata-kulu byʼabandu bosĩ, abahererĩ, nʼAbalawĩ, mobahĩndana oko mũsakĩ Ezera erihulikirira ebĩnywa byʼemigambo.

Esĩterĩ 9:22

Kusangwa oko biro ebyo Abayũda mobahumula nʼerilama busana nʼesyonzĩgũ syabo, nʼomukera oyo abindulawa busana nabo erĩlũa oko bũlĩge nʼeribana obutseme, nʼerĩlũa oko kiriro nʼeriluhuka. Bayire ebiro ebyo mo biro bikulu byʼeritsema, nʼeritumirana ebihembo, nʼeriha ebihembo oko bera.

Yobũ 23:12

Sinditasuba enyũma okwʼihana lyʼemĩnywa yiwe; Nabiribika ebĩnywa byʼobuno buwe kwilaba akalyo kage akatolere.

Esyonyimbo 119:111

Ebihano byawe ni buteke bwage bwʼerikota; Nabyo ni butseme bwʼomutima wage.

Esyonyimbo 119:127

Nyanzĩre ebihano byawe kwilaba esyamagetsi, Kandi kwilaba esyamagetsi esĩtũkwĩre.

Esyonyimbo 119:130

Erĩkũmbũla lyʼerĩkangĩrĩrya lyawe rikaleta ekyakakala, Kandi rikaleta amenge busana nʼabatasĩkĩ.

Esyonyimbo 119:14

Ngatsema erikwama ebihano byawe, Kwilaba eribana obuteke bunene.

Esyonyimbo 119:16

Ngatsemera emigambo yawe, Sindiendisyibirirwa ebihano byawe.

Esyonyimbo 119:171

Nasyakupipa emigulu yosĩ, Kusangwa ũkanyĩkangĩrĩraya amahamulo wawe.

Esyonyimbo 119:174

Mwami Mukulu, ngakwa olukando lwʼerĩlamya lyawe! Ngabana eritsema omo migambo yawe.

Esyonyimbo 119:72

Emigambo eyo ukaha yowene busana nage, Kwilaba esyofranka syosĩ omo kihugo.

Esyonyimbo 119:97

Ka nyanzĩre emigambo yawe! Ngaganĩrayayo omo musibo gosĩ.

Yeremĩa 15:16

Ebĩnywa byawe mobyabanika, nage monalyabyo. Nʼebĩnywa byawe mobyabya obutseme busana nage, nʼeritsanga lyʼomutima wage. Kusangwa ngahulawa omo lĩna lyawe, uwe Mwami Mukulu Nyamuhanga wʼemilondo.

Luka 24:32

Nabo mobabwirana bati, Emitima yetu moyĩtetahũhana omwisi wetu akakanĩa netu omo nzira, nʼomugulu alyatũkanĩraya Amasako kwehĩ?

AbanyaRoma 7:18

Kusangwa nyĩnasĩ ngoko hate kibuya ekĩkere omwisi wage, omwisi wʼomubiri wage; kusangwa nyĩnanzĩre omo mutima wage erikola ekibuya, nĩkwa sinditoka erikolakyo.

Eribisurirwa 11:10

Kandi esyondũlanĩ syʼekihugo basyatsemera oluholo lwʼabalangĩrĩ babiri aba. Basyatsanga nʼerĩhereranĩa olũsũnzo, kusangwa abamĩnyererĩ babiri aba mobagalya abandu abĩkere omo kihugo.