Nehemĩa 7:70 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷⁰ Nʼabandi bʼoko bakulu bʼebĩtũnga byʼabotata-kulu mobahĩtya esyonzũnzo busana nʼomũbĩrĩ. Nʼomũtabalĩ mukulu mwaha oko mbĩso yʼebindu ebitswe byʼesyamagetsi ebikahulawa mo esyodalĩkĩ syʼesyamagetsi elfu nguma (1,000), nʼebibindi makũmĩ atanu (50), nʼesyongimba syʼabahererĩ amagana atanu nʼamakũmĩ asatu (530).

Nehemĩa 7:70 Iomraidhean Croise

1 Abami 7:45

nʼesyonyungu, nʼemyũko, nʼebibindi byʼebindu byosĩ ebĩ, ebyo Hĩramũ akokoteraya omwami Solomono, omo nyũmba yʼOmwami Mukulu, ebyosĩ byabya byʼemiringa eyĩkakangabasanaya.

1 Emyatsi yʼEmigulu 28:17

nʼesyombugo, nʼamatũba, nʼesyondehĩ syʼesyamagetsi esĩtũkwĩre; na busana nʼebibindi byʼesyamagetsi omo bũlĩto bwasyo busana nʼobuli kibindi; kandi busana nʼebibindi byʼekĩtsĩpa nʼobũlĩto bwʼobuli kibindi.

2 Emyatsi yʼEmigulu 4:11

Na Hĩramũ mwakokotya esyonyungu, nʼemyũko, nʼebibindi. Neryo Hĩramũ mwabuga erikola omũbĩrĩ oyo, ogo akolera omwami Solomono omo nyũmba ya Nyamuhanga.

2 Emyatsi yʼEmigulu 4:8

Nibya mwakokotya esyomesa ĩkũmĩ, mwahĩrasyo omo Hekalũ, esĩtanu oko luhande lwʼamali nʼesĩtanu oko luhande lwʼamalembe. Kandi mwakokotya ebibindi byʼesyamagetsi erĩgana.

Nehemĩa 10:1

Neryo oko barua eyo eyahĩrawa kwʼekĩmĩnyĩsyo: habya amena aya: Nehemĩa omũtabalĩ mukulu, mugala wa Hakalĩa, na Zedekĩa,

Nehemĩa 7:65

Nʼomũtabalĩ mwabwirabo ati, sibalye oko bindu bĩbũyĩrĩre kutsibu erĩhĩka aho mũhererĩ asyahanganira oyuli na Ũrĩmũ na Tũmĩmũ.

Nehemĩa 7:69

esyongamia syabo, amagana ani nʼamakũmĩ asatu nʼesĩtanu (435); esyopunda syabo elfu ndatu nʼamagana alinda nʼamakũmĩ abiri (6,720).

Nehemĩa 7:71

Nʼabandi bʼoko bakulu bʼebĩtũnga byʼabotata-kulu mobaha omo mbĩso yʼomũbĩrĩ ebitswe byʼesyamagetsi ebikahula wa mo esyodalĩkĩ syʼesyamagetsi elfu makũmĩ abiri (20,000), nʼesyomane syʼebĩtsĩpa ebitswe elfu ĩbĩrĩ nʼamagana abiri (2,200).

Nehemĩa 8:9

Neryo Nehemĩa, oyo wabya mũtabalĩ mukulu, nʼomũhererĩ Ezera omũhandĩkĩ, nʼAbalawĩ abĩgĩsaya abandu, mobabwira bandu bosĩ bati, Ekiro kino kĩbũyĩrĩre oko Mwami Mukulu Nyamuhanga wenyũ; sĩmũsũsũmane, simulire. Kusangwa abandu bosĩ mobalira, omugulu bowa ebĩnywa byʼemigambo.

Erĩlũayo 12:22

Neryo mwasyĩmya emitahi yʼehĩsopo, mũhĩreyo omo musasi owali omwʼĩtũba, nʼerĩhĩrago oko kisayi nʼoko syonzeguliro ĩbĩrĩ; isihabya mundu omo katĩkatĩ kenyũ oyukahuluka omo lũkyo lwʼenyũmba yiwe erĩhĩka omo ngyakya-ngyakya.

Erĩlũayo 24:6

Na Musa mwĩmya ekihande kyʼomusasi, mwahĩrago oko matũba; nʼekihande kyʼomusasi mwatsatsangago oko kiherero.

Yeremĩa 52:19

Nʼesyondehĩ, nʼebĩbĩrĩryo byʼomuliro, nʼebibindi, nʼesyonyungu, nʼemitagala yʼesyotala, nʼemyũko, nʼeminaga, eyabya yʼesyamagetsi esĩtũkwĩre nʼebyabya byʼekĩtsĩpa ekĩtũkwĩre, omukulu wʼabateya mwahekabyo.