Nehemĩa 7:65 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶⁵ Nʼomũtabalĩ mwabwirabo ati, sibalye oko bindu bĩbũyĩrĩre kutsibu erĩhĩka aho mũhererĩ asyahanganira oyuli na Ũrĩmũ na Tũmĩmũ.

Nehemĩa 7:65 Iomraidhean Croise

Ezera 2:63

Nʼomũtabalĩ mwabwirabo ati sibalye oko bindu ebĩbũyĩrĩre kutsibu, erĩhĩkĩra aho mũhererĩ asyahangana oyuli na Ũrĩmũ na Tũmĩmũ.

Nehemĩa 10:1

Neryo oko barua eyo eyahĩrawa kwʼekĩmĩnyĩsyo: habya amena aya: Nehemĩa omũtabalĩ mukulu, mugala wa Hakalĩa, na Zedekĩa,

Nehemĩa 7:64

Aba mobasonda-sonda etsapa yabo omo katĩkatĩ kabo, abaganzawa omo syondengo syʼabotata wabo, nĩkwa moyitetabanika: busana nʼekyo mobaganzwa ngʼabatsandĩrya nʼerihigwa omo bũhererĩ.

Nehemĩa 7:66

Endeko yosĩ haguma babya elfu makũmĩ ani nʼĩbĩrĩ nʼamagana asatu nʼamakũmĩ ndatu (42,360).

Nehemĩa 7:70

Nʼabandi bʼoko bakulu bʼebĩtũnga byʼabotata-kulu mobahĩtya esyonzũnzo busana nʼomũbĩrĩ. Nʼomũtabalĩ mukulu mwaha oko mbĩso yʼebindu ebitswe byʼesyamagetsi ebikahulawa mo esyodalĩkĩ syʼesyamagetsi elfu nguma (1,000), nʼebibindi makũmĩ atanu (50), nʼesyongimba syʼabahererĩ amagana atanu nʼamakũmĩ asatu (530).

Nehemĩa 8:9

Neryo Nehemĩa, oyo wabya mũtabalĩ mukulu, nʼomũhererĩ Ezera omũhandĩkĩ, nʼAbalawĩ abĩgĩsaya abandu, mobabwira bandu bosĩ bati, Ekiro kino kĩbũyĩrĩre oko Mwami Mukulu Nyamuhanga wenyũ; sĩmũsũsũmane, simulire. Kusangwa abandu bosĩ mobalira, omugulu bowa ebĩnywa byʼemigambo.

Erĩlũayo 28:30

Kandi Wasyahĩra omo kyuma kyʼekĩkũba kyʼeritswera Ũrĩmũ na Tũmĩmũ; nabyo byasyabya oko mutima wa Harũnĩ, omugulu akingira embere syʼOmwami Mukulu; na Harũnĩ asyaheka eritswera lyʼabana ba Ĩsraelĩ oko mutima wuwe embere syʼOmwami Mukulu ebiro byosĩ.

Abalawĩ 2:10

Nʼobukasaka oko buhere bwʼeyĩsyano nʼengano, bwasyabya bwa Harũnĩ nʼabagala buwe; ni kindu kĩbũyĩrĩre kutsibu ekyʼomo mahere wʼOmwami Mukulu awakokĩbawa oko muliro.

Abalawĩ 2:3

nʼebikasaka byʼobuhere bwʼeyĩsyano byasyabya bya Harũnĩ nʼabagala buwe; ni kindu kĩbũyĩrĩre kutsibu omo mahere wʼOmwami Mukulu, awakokĩbawa oko muliro.

Abalawĩ 6:17

Sĩbwendĩsyagũmbĩkwa nʼekĩhamya. Nabiriha bobo ngʼerĩgabo lyabo omo mahere wage awabiriyirwa omo muliro; nĩ bũbũyĩrĩre kutsibu ngʼobuhere bwʼebibi, kandi ngʼobuhere bwʼolubanza.

Abalawĩ 8:8

Kandi mwamũhĩra kwʼekyuma kyʼekĩkũba; nʼomo kyuma kyʼekĩkũba mwahĩramo Ũrĩmũ na Thũmĩmũ.

Emiganzo 27:21

Kandi, asyahangana embere syʼomũhererĩ Eleazarĩ, oyo wasyamũbũlĩrya omwʼitswera lya Ũrĩmũ embere syʼOmwami Mukulu. Omo kihano kiwe basyahuluka, nʼoko kihano kiwe basyingira, iye, nʼabagala ba Ĩsraelĩ, ye ndeko yosĩ.

Eryibuka Ebihano 33:8

Na busana na Lawĩ mwabũga ati, Tũmĩmũ yawe na Ũrĩmũ yawe bibye nʼomundu wawe oyukakenga Nyamuhanga, Oyo walengako eMasa, Oyo wanegena naye oko magetsi wʼeMerĩba;