Nehemĩa 7:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Monabwirabo nyiti, Esyongyo syʼeYerũsalema sisikingulawe eryuba lite ryakala; nʼomugulu bakategaya, bakinge esyonyũyĩ, bahĩre kwʼesyongomo; bahĩre abateya bʼoko syondũlanĩ syʼeYerũsalema, obuli mundu oko bũteya buwe nʼobuli mundu embere wʼenyũmba yiwe.

Nehemĩa 7:3 Iomraidhean Croise

Nehemĩa 13:19

Neryo, omugulu omwĩrĩmya atsũka omwʼĩgolo-golo oko syongyo syʼeYerũsalema embere wʼeSabato, monahamula nyiti esyonyũyĩ sikingawe, kandi monahamula nyiti sisikingulawe eSabato ite yahwa. Kandi monahĩra abandi bʼoko bagombe bage erĩteya esyongyo, omuheke siatwalawemo oko kiro kyʼeSabato.

Nehemĩa 3:23

Nʼenyũma wuwe Benyamĩna na Hasabũ mobakokotyalo embere wʼenyũmba yabo. Nʼenyũma wuwe Azaria mugala wa Maseya, mugala wa Anania mwakokotya aho mũsĩke wʼenyũmba yiwe.

Nehemĩa 7:2

monahamula mugala wetu Hananĩ, na Hanania omũtabalĩ wʼahakongotere nyiti babye bakulu bʼeYerũsalema; kusangwa Hananta abya mundu uteregula, nʼoyukakenga Nyamuhanga kwilaba bangi.

Nehemĩa 7:4

Nĩkwa omũyĩ abya mugali kandi ini munene, nĩkwa abandu babyamo babya bake, nʼesyonyũmba ĩsĩsyesyahĩmbwa.

Esyonyimbo 127:1

Omwami Mukulu amatindahĩmba enyũmba, Omũbĩrĩ wʼabahĩmbĩ ini buyira; Omwami Mukulu amatendateya omũyĩ. Abateya ibakakũbĩrato busa.

Esyonyimbo 147:13

Akategaya esyongyo syawe isyakala; Akatsumula abandu bawe.

Matayo 10:16

Lebaya, ngabatuma ngʼesyombũlĩ omo katĩkatĩ kʼesyombwa syʼomolĩ. Neryo mubye nʼamenge ngʼesyonzoka, kandi mubye bandu bolo ngʼehĩrĩkũkũ.