Nehemĩa 7:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² monahamula mugala wetu Hananĩ, na Hanania omũtabalĩ wʼahakongotere nyiti babye bakulu bʼeYerũsalema; kusangwa Hananta abya mundu uteregula, nʼoyukakenga Nyamuhanga kwilaba bangi.

Nehemĩa 7:2 Iomraidhean Croise

Enzũko 42:18

Ekiro kyʼebisatu Yosefũ mwabũga nabo ati, Mukole ekĩ imomwabyaho, kusangwa ngubaha Nyamuhanga;

2 Samwelĩ 23:3

Nyamuhanga wa Ĩsraelĩ mwabũga, Omũlemberĩ wa Ĩsraelĩ mwabũga nage, Oyukatabala oko bandu nʼeritunganene Oyukatabala omʼubaha lya Nyamuhanga,

1 Abami 18:12

Neryo omugulu namabĩkũsĩga, Omũlĩmũ wʼOmwami Mukulu akandikutwala eyo ndasĩ; neryo omugulu namabiyabwira Ahabũ, naye amatendikubana, asyanyĩta; nĩkwa ĩngye mugombe wawe ngakenga Omwami Mukulu erĩtsũka omo bũlwana bwage.

1 Abami 18:3

Na Ahabũ mwabirikira Obadĩa, oyo wabya mukulu wʼenyũmba. Nĩkwa Obadĩa abya iniakakenga Omwami Mukulu yo kutsibu;

Nehemĩa 1:2

Neryo Hananĩ omuguma wʼoko bagala betu mwasa, iye nʼabandi balume bakalũa eYũda; neryo, monabũlyabo emyatsi yʼAbayũda abatibita nʼeribala, erĩhũngwa, nʼomwatsi wʼeYerũsalema.

Nehemĩa 10:23

Hoseya, Hanania, Hasũbũ,

Nehemĩa 13:13

Kandi monayira abahanganĩrĩ bʼesyombĩso, ye Selemĩa omũhererĩ, nʼomũhandĩkĩ Zadokĩ, nʼoko Balawĩ, ye Pedaya; nʼakandi abandi ba kubo habya Hananĩ mugala wa Zakũrĩ, mugala wa Matanĩa; kusangwa baganzawa ngʼabandu bateregula, nʼomũbĩrĩ wabo abya erigabira abagala babo.

Nehemĩa 2:8

Kandi nyihabawe ebarua uku Asafũ omũteya wʼomũsĩtũ wʼOmwami, iniaminya erimba emiti yʼeribatsa esyonzeguliro busana nʼesyongyo syʼekikali esikabya oko nyũmba, na busana nʼolũhĩmbo lʼomũyĩ, na busana nʼenyũmba eyo ngandisyingiramo. Neryo omwami mwamba, kusangwa ebyala bibuya bya Nyamuhanga byanyibyako.

Nehemĩa 5:15

Nĩkwa abatabalĩ ababya embere syage mobatsotsoberya bandu, mobĩmya kubo kwʼebyalya nʼebĩnyũ, na kwilaba aho esyosekelĩ makũmĩ ani syʼekĩtsĩpa; ega, nʼabagombe babo mobatabala oko bandu; nĩkwa ĩngye mondakola nyitya busana nʼeriubaha Nyamuhanga.

Nehemĩa 7:3

Monabwirabo nyiti, Esyongyo syʼeYerũsalema sisikingulawe eryuba lite ryakala; nʼomugulu bakategaya, bakinge esyonyũyĩ, bahĩre kwʼesyongomo; bahĩre abateya bʼoko syondũlanĩ syʼeYerũsalema, obuli mundu oko bũteya buwe nʼobuli mundu embere wʼenyũmba yiwe.

Yobũ 1:1

Omo kihugo kyʼeŨzĩ habya mundu erĩna liwe iyo Yobũ; nʼomundu oyo abya ahĩkene nʼoyutunganene, nʼoyukakenga Nyamuhanga, ĩnĩakahũtata oko bibi.

Esyonyimbo 101:6

Nasyasĩma abandu abatendisyalegula uku Nyamuhanga, Nasyaleka ĩbĩkala omo kikali kyage. Kandi abatateba nʼahake, basyanyikolera.

Erĩlũayo 18:21

Kandi wasyayibanira omo katĩkatĩ kʼendeko abandu bʼamenge, nʼabakubaha Nyamuhanga, abandu bʼekwenene, abakagalirawa oko ndũndĩ itatunganene; ĩwahĩra aba bʼendata oko bandu eribya batabalĩ bʼamaelfu, nʼabatabalĩ bʼamagana, nʼabatabalĩ bʼamakũmĩ atanu, nʼabatabalĩ bʼamakũmĩ.

Danĩelĩ 6:4

Neryo abakulu nʼabatabalĩ mobasondya omwatsi ogo bangatsongera ko Danĩelĩ busana nʼobwami; nĩkwa mobatabana mwatsi kutse erĩlolo, kusangwa abya oyuteregula, kandi mwatabanika kwʼekibi, kutse oluhabo.

Emiganzo 12:7

Nĩkwa omugombe wage Musa kwʼate atya; iye ni mutalegula omo nyũmba yage yosĩ;

Matayo 24:45

Omugombe oyuteregula nʼowʼamenge nindi kwehĩ? Yo nʼoyo mukama wuwe asĩgĩra bagombe bʼenyũmba yiwe erĩteya nʼerihabo akalyo kabo oko mugulu atolere.

Matayo 25:21

Neryo omukama wuwe mwamubwira ati, Wamakola ndeke, uwe mugombe mubuya oyuteregula! Sulitalegula omo bindu bike, nasyakũhĩra erĩteya ebindu bingi. Wingire omo butseme bwʼomukama wawe!

1 AbanyaKorinto 4:2

Nĩkwa omwatsi muguma atolere omũteya, ambu abanike ngʼoyuteregula oko mukama wuwe.

2 Timoteo 2:2

Wĩmaye ebĩnywa ebyo wowa ngabũga embere syʼabalangĩrĩ banene, ũkangĩrĩrayebyo oko bandi bandu abateregula, abakatoka erĩkangĩrĩrya abandi bandu.