Nehemĩa 6:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Kusangwa abosĩ babya bakasonda erĩtũbahĩsya bati, Ebyala byabo byasyoloba omo mũbĩrĩ, isiangakoleka. Nĩkwa lino uwe Nyamuhanga, uhe ebyala byage byʼakagala.

Nehemĩa 6:9 Iomraidhean Croise

2 Emyatsi yʼEmigulu 15:7

Nĩkwa ĩnywe mubye nʼamaka, muyisige; kusangwa omũbĩrĩ wenyũ asyahembwa.

2 Emyatsi yʼEmigulu 32:18

Mobabirikira nʼomulenge munene omo mũbũge wʼAbayũda oko bandu bʼeYerũsalema ababya oko lũhĩmbo, erĩũbahyabo, nʼerĩĩtabo obuba, bati batoke erihũnga omũyi.

Ezera 1:6

Nʼabosĩ ababya oko mbande syosĩ syabo mobasĩkya ebyala byabo omo bindu byʼekĩtsĩpa, nʼesyamagetsi, haguma nʼobuteke, nʼesyonyama, nʼebindu byʼobũgũlĩ, ebyosĩ ebyahabawa mo luhembo lwʼolwanzo biteko.

Nehemĩa 6:14

Uwe Nyamuhanga wage, Wibuke Tobĩa, na Sanĩbalatĩ omo mĩbĩrĩ yabo eyĩ, nʼomũmĩnyererĩ wʼobũkalĩ ye Noadĩa nibya, nʼabandi nʼabʼoko bamĩnyererĩ, abasonda erĩnyũbahya.

Esyonyimbo 138:3

Mowanyĩsũbĩrya ekiro nakulakira; Omo kagala kawe mowamba amaka.

Esyonyimbo 56:3

Uwe Wʼendata Kutsibu, omugulu ngubaha, Ngayiketera we.

Esyonyimbo 68:35

Nyamuhanga ni wʼeriswekera omo habũyĩrĩre huwe, Nyamuhanga wa Ĩsraelĩ, akaha abandu buwe amaka nʼobũtokĩ. Nyamuhanga apipawe!

Esyonyimbo 71:1

Uwe Mwami Mukulu nyĩgũmĩre aho wawe; Suleke ngahemulwa nakera!

Ĩsaya 40:29

Akaha amaka oko mundu oyukaluha nʼoko yutawite amaka akamutomekera Obũtokĩ.

Ĩsaya 41:10

Sigubahe, kusangwa indi haguma nawe. Susamalire handi nʼerisweka, kusangwa indi Nyamuhanga wawe. Ngandikuha amaka, kwenene ngandĩkũwatĩkya, kwenene ngandikuwatirira omo byala byʼamali byʼeritunganene lyage.

Yeremĩa 38:4

Neryo abakulu mobabwira omwami bati, Tũkakũbũlaya tuti, Omundu oyũ ĩtawe kusangwa akanogokalaya abandu bʼamalwa abakasĩgala omo mũyĩ oyũ, nʼabandu bosĩ, eribwirabo ebĩnywa ngʼebĩ, kusangwa omundu oyũ sĩalĩsondaya obubuya bwʼabandu aba, nĩkwa erĩagalyabo.

Ezekĩelĩ 30:24

Kandi nasyasĩkya amaboko wʼOmwami wʼeBabelĩ, nʼerĩhĩra omũyalĩ wage omo byala biwe. Nĩkwa nasyabũna amaboko wa Farao naye asyasĩmba embere siwe nʼemĩsĩmbo yʼomundu uhutere.

Zekarĩa 10:12

Nage nasyahabo amaka omo Mwami Mukulu; nʼOmwami Mukulu ati, Basyalendera omo lĩna liwe.

2 AbanyaKorinto 12:9

Naye mwanyĩsũbĩrya ati, Olukogo lwage lukakutoka, kusangwa obũtokĩ bwage bũkahĩkana omo bolo bwawe. Neryo nasyayihalamba omo butseme busana nʼemyatsi yʼobolo bwage, obũtokĩ bwa Kristo bunyibyeko.

AbanyaEfeso 3:16

Ngamusaba nyiti, omo lukengerwa luwe lunene, abahe obũtokĩ bwʼOmũlĩmũ wuwe Abũyĩrĩre imwatoka eribana amaka omo mitima yenyũ.

AbanyaEfeso 6:10

Neryo lino, mubane amaka erima­tikana nʼomukama. Mubane akagala omo bũtokĩ bunene buwe.

AbanyaFilipi 4:13

Nyĩtokĩre erikola ebyosĩ busana nʼamaka wa Kristo oyũkanyĩtokesaya.

AbaEbrania 12:12

Neryo mũsĩkaye ebyala byolobyolo nʼamarwĩ awakatitimana!

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

1 Samwelĩ 30:6

Kandi Dawĩdĩ mwasĩsĩkana kusangwa bandu mobabũga bati bamwĩte omo mabwe, kusangwa emitima yʼabandu bosĩ moyasĩrĩkalĩra, obuli mundu busana nʼabagala buwe na busana nʼabali buwe; nĩkwa Dawĩdĩ mwayibanira maka omo Mwami Mukulu Nyamuhanga wuwe.