Nehemĩa 6:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo monaminya, ngoko Nyamuhanga mwatamutuma; nĩkwa mwaminyerera atya ati akanyĩta; na Tobĩa na Sanĩbalatĩ ĩbabĩrĩmũkondesya.

Nehemĩa 6:12 Iomraidhean Croise

Nehemĩa 6:11

Nage monabũga nyiti, Omundu oyuli nga ngye anganatibita kwehĩ? Nindi, oyo wangabya nga ngye, oyo wangaya omo Hekalũ erĩlamya engebe yiwe kwehĩ? Sindiendingira.

Nehemĩa 6:13

Kusangwa mobamũkondesya bati nyubahe, nʼerikola litya, nʼerĩhalya, batoke eribana omwatsi wʼengulu nyibi, ibatoka erinyitsuma.

Ĩsaya 56:11

Ega, esyombwa esyo ni syʼomururu, sĩsyũgũta. Kandi nĩ balĩsya batawite eriminya. Abosĩ babirikitira omo nzira syabo, obuli mundu oko ndũndĩ yiwe eyite kwenene, erĩhĩka oko wʼenyũma-nyũma.

Yeremĩa 14:14

Neryo Omwami Mukulu mwambwira ati, Abamĩnyererĩ bakaminyerera omo mabehĩ oko lĩna lyage. Mondatumabo, kutse sinditahanabo, kutse mondabũga nabo. Bakaminyerera busana nenyũ esyonzolĩ syʼamabehĩ, nʼerilagula, nʼebitya-bitya, nʼeriteba lyʼobũlengekanĩa bwabo.

Yeremĩa 23:16

Omwami Mukulu wʼemilondo ati, Simuhulikirire ebĩnywa byʼabamĩnyererĩ abakaminyerera busana nenyũ. Bakabasondola omo bitya-bitya. Bakabũga esyonzolĩ syʼomutima wabo, esĩtalũa omo buno bʼOmwami Mukulu.

Yeremĩa 23:25

Nabĩrĩowa ebyo abamĩnyererĩ babĩrĩbũga, abakaminyerera amabehĩ oko lĩna lyage bati, Nalotĩre, nalotĩre!

Yeremĩa 28:15

Neryo omũmĩnyererĩ Yeremĩa mwabwira omũmĩnyererĩ Hanania ati, Hanania, uhulikirire lino. Omwami Mukulu mwatakutuma nĩkwa ukaleka abandu aba ibayiketera amabehĩ.

Ezekĩelĩ 13:19

Kandi mwabirinyitsuma omo katĩkatĩ kʼabandu bage busana nʼamakũndĩ wʼekisusu na busana nʼebitole byʼobundu, erĩĩta ebĩrĩmũ ebite byangahola, nʼerĩbalya ebĩrĩmũ ebiriho ebite byangabyaho, busana nʼeribihira abandu bage abakahulikirira amabehĩ.

Ezekĩelĩ 13:22

Kusangwa mwabĩrĩagalya emitima yʼabatunganene omo mabehĩ, omugulu nabya nyite nabaha obũlĩge, nĩkwa ĩmwabĩrĩsĩkya omubi, sĩabũnũkale nʼerireka enzira nyibi yiwe, nʼerĩlamya engebe yiwe.

Ezekĩelĩ 13:7

Simwetalangira esyonzolĩ syʼamabehĩ, kandi simwetabũga erilagula lyʼamabehĩ omugulu mwabũga muti, Omwami Mukulu akabũga kwehĩ? nĩkwa ĩngye mondabũga.

Mĩka 3:11

Abasondolĩ bako bakatswera busana nʼerihembwa, nʼabahererĩ bako bakakangĩrĩraya busana nʼobũhĩngĩ, nʼabamĩnyererĩ bako bakalagula busana nʼesyofranka. Nĩkwa bakayegemeraya oko Mwami Mukulu, bakabũga bati, Omwami Mukulu siali omo katĩkatĩ ketu kwehĩ? Erĩkwa siryendĩsyatũhĩkako.

Emibiri 20:33

Sinditarumwa busana nʼesyofranka, kutse esyamagetsi, kutse esyongimba syʼomundu.

1 AbanyaKorinto 12:10

Kandi Omũlĩmũ akaha ogundi mundu obũtokĩ bwʼerikola ebitikotiko; nʼoko gundi akaha olũsũnzo lwʼerĩbũga engulu ya Nyamuhanga; kandi oko gundi akaha amenge wʼerisombola omo lũsũnzo olũkalũa oko Mũlĩmũ nʼolũtelũa oko Mũlĩmũ. Nʼoko gundi, akamuha erĩbũga emĩsĩndo-mĩsĩndo yʼebĩnywa, nʼogundi akamuha erĩkũmbũla ebĩnywa ebyo.

1 AbanyaKorinto 2:15

Nĩkwa omundu oyuwite Omũlĩmũ akatoka erisoha endũndĩ yʼemyatsi yosĩ, nĩkwa iye sialisohawa nʼomundu.

1 Timoteo 3:3

Kandi siabye mũtamĩrĩ, kutse owʼomururu, nĩkwa abye mugenge, abye mundu wʼobuholo, siabye oyo wanzĩre ebindu.

Tito 1:7

Kusangwa omukulu Oyukasondola omũbĩrĩ wa Nyamuhanga, litolere iniabya butsira kahinira. Siabye oyukayiheka, kutse oyukahitana lũba, kutse eribya mũkũndĩrya, kutse wʼomwaga, kutse oyuli nʼomwĩso.

1 Petero 5:2

Mũlĩsaye esyombũlĩ sya Nyamuhanga esiri omo katĩkatĩ kenyũ. Mulemberesyo kusangwa mwanzĩre erikola mutya busana na Nyamuhanga, butsira erihatikanwa. Kandi Simukole mutya busana nʼerihembwa lisa, nĩkwa omo mũhwa wʼerikola.

2 Petero 2:3

Neryo omo muhuguru wabo abakangĩrĩrya bʼamabehĩ aba, basyababana kwʼendũndĩ omo malagu wabo abakangĩrĩrya bʼamabehĩ aba, bakera, kandi erihera lyabo likalindirirabo.

1 Yoane 4:1

Abanze betu, sĩmwĩkĩrĩraye obuli kĩrĩmũ, nĩkwa mulenge oko bĩrĩmũ byʼabandu erĩrebya nga bĩkalũa uku Nyamuhanga; kusangwa abamĩnyererĩ bangi bʼamabehĩ babiriyitsatsanga omo kihugo.

Eribisurirwa 18:13

na dalasĩnĩ, na karafũ, nʼobukwa, nʼamanũkato, na ũbanĩ; nʼebĩnyũ, nʼamagũta wʼemĩzeĩtũnĩ, nʼeyĩsyano yʼenzelele, nʼengano nʼesyonde, nʼesyombũlĩ, nʼesyosabayĩrĩ, nʼesyogalĩ, nʼabakobe, nʼemitima yʼabandu.