Nehemĩa 5:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Kandi monakunguta olukimba lwage, monabũga nyiti, Nyamuhanga akungute obuli mundu erĩlũa omo nyũmba yiwe atya, nʼoko mũbĩrĩ wuwe, oyũtendĩberererya erilaga erĩ; akungutawe atya, nʼerĩũtwa. Nʼendeko yosĩ moyabũga iti, Amina, mobapipa Omwami Mukulu. Nʼabandu abo mobakola ngʼerilaga erĩ.

Nehemĩa 5:13 Iomraidhean Croise

2 Abami 23:3

Neryo omwami mwahangana hakũhĩ nʼendũyĩ, neryo mwayira endagano embere syʼOmwami Mukulu, erikwama Omwami Mukulu, nʼerĩteya ebihano biwe, nʼerĩtũlago liwe, nʼemigambo yiwe, nʼomutima wuwe gosĩ, nʼekĩrĩmũ kiwe kyosĩ, erĩsĩkya ebĩnywa byʼendagano eyĩ ebyasakawa omo kitabu ekĩ; nʼabandu bosĩ mobimanira oko ndagano eyo.

1 Emyatsi yʼEmigulu 16:36

Omwami Mukulu Nyamuhanga wa Ĩsraelĩ abane omũyĩsa, Erĩtsũka kera na kera nʼerĩhĩka kera na kera. Nʼabandu bosĩ mobabũga bati, Bibere aho, mobapipa Omwami Mukulu.

Nehemĩa 8:6

Na Ezera mwahamya Omwami Mukulu, Nyamuhanga mukulu; nʼabandu bosĩ mobasũbĩrya bati, Amina, Amina! ibanemusumba ebyala byabo; neryo mobũnama ahisi, mobaramya Omwami Mukulu nʼamũsũ wabo mwahĩka oko kitaka.

Esyonyimbo 119:106

Nasyaberererya erilaga lyage lĩbũyĩrĩre, Erikenga ebihano byawe bitunganene.

Esyonyimbo 50:14

Eriha ewasĩngya uku Nyamuhanga libye obuhere bwawe, Kandi ulihe Owendata Kutsibu erĩlahĩrya lyawe.

Esyonyimbo 76:11

Uhe Omwami Mukulu Nyamuhanga wawe ebyo wamulaga, Nʼebihanda byosĩ ebiri hakũhĩ bimuletere esyonzũnzo; Nyamuhanga akaleka abandu ibamubaha.

Emĩsyo 28:4

Abakasĩganaya ebihano bakapipa ababi; Nĩkwa abakategaya ebihano bakalwa nabo.

Omũgambũlĩ 5:5

Kumbe lyowene isiwalagakĩ, kwilaba erilaga nʼeritindatũhalyo.

Emiganzo 5:22

nʼamagetsi awakaleta eritakira aya asyaya omo nda yawe, nʼerĩbĩmbya enda yawe, nʼerĩũmya ekihinga kyawe, nʼomũkalĩ asyabũga ati, Amina, amina.

Matayo 10:14

Nʼomundundi oyutebakokaya, kutse erĩowa ebĩnywa byenyũ, omugulu mũkalũa omo nyũmba eyo kutse omo mũyĩ oyo, mukungute olũtũtũ lʼoko bisando byenyũ.

Emibiri 13:51

Nĩkwa abakwenda mobakungutira kubo kwʼolũtũtũ lwʼebisando byabo, neryo mobaya eĨkonĩo.

Emibiri 18:6

Nĩkwa omugulu balwa naye nʼeritsuma, Paũlo mwakungutirabo esyongimba siwe ati, Omusasi wenyũ abye oko mitwe yenyũ! Sindi ko lubanza lwenyũ. Erĩtsũka lino ngaya oko Bihanda.

1 AbanyaKorinto 14:16

Neryo wamaha ewasĩngya uku Nyamuhanga omo kĩrĩmũ kisa, nĩkwa omundu oyuli haguma nawe, asyabũga ati, Amina, busana nʼewasĩngya yawe kwehĩ? kusangwa sĩasĩ ebyo ũkabũga.

1 Samwelĩ 15:28

Na Samwelĩ mwamubwira ati, Mũnabwĩre Omwami Mukulu amakutulangirako obwami bwa Ĩsraelĩ, abirihabo uku mũlĩkyenyũ, omubuya kwilaba we.