Nehemĩa 5:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo mobabũga bati, Tũkandĩsyasũbũlĩrya byobo, sitwendisyasonda kubo ko kindu; twasyakola tutya, ngoko ũkabũga. Neryo monabirikira abahererĩ, monalahĩsyabo, bakole ngʼerilaga erĩ.

Nehemĩa 5:12 Iomraidhean Croise

Ezera 10:12

Neryo endeko yosĩ mobasũbĩrya mobabũga nʼomulenge munene bati, Ngoko wamabĩbũga busana netu, litolere itwakola tutya.

Ezera 10:5

Neryo Ezera mwahangana mwalahĩrĩsya abakulu bʼabahererĩ, nʼAbalawĩ, nʼAbaĩsraelĩ bosĩ bakole ngʼekĩnywa ekĩ. Neryo mobalahĩrya batya.

Nehemĩa 10:29

mobamakirira abagala babo, nʼabakulu babo, mobingira omwʼitakira, nʼomwʼĩlahĩrya, bati bakalendera omo migambo ya Nyamuhanga eyahabawa Musa omugombe wa Nyamuhanga, nʼerikunata nʼerikola amahano gosĩ wʼOmwami Mukulu, Omukama wetu, nʼesyonzwere siwe nʼemigambo yiwe;

Nehemĩa 10:30

kandi tuti sitwendisyaha, abana-bato betu oko bihanda byʼekihugo, kutse sitwendĩsyahĩkĩrya, abana-bato babo bʼabagala betu twabuta.

Nehemĩa 10:31

Nʼebihanda byʼekihugo bamaleta ebindu byʼerĩgũlya kutse akalyo kahi oko kiro kyʼeSabato erĩgũlyako, isitwendigula kuko omo Sabato, kutse omo kiro kĩbũyĩrĩre; kandi tuti tukandisyaleka amalima omo mwaka wʼakalinda nʼerĩtũhya obuli mwĩnda.

Nehemĩa 13:25

Neryo monalwa nabo, nʼeritakirabo, nʼerĩswĩrya abandi ba kubo, nʼerikula esyonzwiri syabo, nʼerĩlahĩrĩryabo uku Nyamuhanga, nyiti, Simuhe abana-bato benyũ bʼoko bagala babo, kutse sĩmũtahĩraye abana-bato babo bʼoko bana benyũ abo mwabuta, kutse busana nenyũ.

Nehemĩa 5:11

Ngababwira nyiti, Mũsũbũlĩrayebo mũnabwĩre amalima wabo, nʼamalima wabo wʼebĩnyũ, nʼamalima wabo wʼemĩzeĩtũnĩ, nʼamanyũmba wabo, nʼekiguma kyʼerĩgana kyʼebĩtsĩpa, nʼekyʼengano, nʼebĩnyũ bihya-bihya, nʼamagũta ebyo mũkalũsaya kubo.

Matayo 26:63

Nĩkwa Yesu mwabya bũkũtũ. Neryo omukulu wʼabahererĩ bosĩ mwabwira Yesu ati, Ngakusema busana na Nyamuhanga oyuliho, utubwire wamabya uli Kristo, Mugala wa Nyamuhanga.

Luka 19:8

Neryo Zakayo mwahangana mwabwira Omukama ati, Lebaya, Mukama, ngaha ekihande kyʼebindu byage oko bera; kandi namabya naliteba mundu kwʼekindu kiwe ngandĩsũbũlyakyo ngendo ĩnĩ.