Nehemĩa 4:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo mwabũga embere syʼabagala babo nʼembere syʼomulondo wʼeSamarĩa, ati, Abayũda aba batsekemene bakakolakĩ kwehĩ? Basyayikongoteralo kwehĩ? Basyahonga amahere kwehĩ? Basyabugiralo kiro kiguma kwehĩ? Basyatoka erĩsũbya mabwe awabiribya kilundo kyʼolũtũtũ, awabirihya kwehĩ?

Nehemĩa 4:2 Iomraidhean Croise

Ezera 4:4

Neryo abandu bʼekihugo mobolobya ebyala byʼabandu ba Yũda, mobũbahyabo bakahĩmba.

Nehemĩa 12:27

Neryo oko mugulu wʼeriha Nyamuhanga olũhĩmbo lwʼeYerũsalema mobasondya Abalawĩ ewabo ehosĩ, eriretabo eYerũsalema, bayire eriha eryo uku Nyamuhanga nʼobutseme, haguma nʼeriha ewasĩngya, nʼeriimba, omo masengo, nʼomo nzenze, nʼomo nanga.

Nehemĩa 12:43

Nabo mobahonga esyohongo nene ekiro ekyo, mobatsema; kusangwa Nyamuhanga ĩnĩabĩrĩtsemesyabo nʼobutseme bunene; nʼabakalĩ nibya nʼabana mobatsema; litya obutseme bwʼeYerũsalema obo mobowĩbwa ehali.

Nehemĩa 4:10

Neryo Yũda mwabũga ati, Amaka wʼabahekĩ bʼemiheke akahwa, kandi muli ebibaya bingi; kikaleka itutatoka erĩhĩmba olũhĩmbo.

Nehemĩa 6:15

Neryo litya olũhĩmbo molwahwa oko kiro kyʼamakũmĩ abiri nʼebitanu kyʼomukera wʼeElũlĩ, omo biro makũmĩ atanu nʼebibiri.

Esyonyimbo 83:4

Bakabũga bati, Mwase, tũtogotaye ekihanda kyabo, Neryo Ĩsraelĩ asyibiriranwa kera na kera.

Yeremĩa 26:18

Mĩka wʼeMoratĩ mwaminyerera oko biro bya Hezekĩa omwami wʼeYũda. Mwabwira abandu bosĩ bʼeYũda ati, Omwami Mukulu wʼemilondo akabũga ati, eSĩonĩ yasyalimwa ngʼeririma, nʼeYerũsalema yasyabya kĩhĩnga, nʼekitwa kyʼenyũmba ikyabya ngʼehitwa omo mũsĩtũ.

Yeremĩa 33:24

Sũlĩtaganĩrya ebyo abandu aba babĩrĩbũga kwehĩ? Bati, Ebĩtũnga bibiri ebyo Mwami Mukulu ayisoga, abiriganabyo. Ko bakapona batya abandu bage, Sibabye ekihanda kandi omo meso wabo.

Danĩelĩ 9:25

Neryo Uminye ũyĩtegereraye, erĩtsũka ekihamulo kyʼerĩsũbya nʼerĩswahĩmba eYerũsalema, erĩhĩka oko Mesĩa Munya-mwami, hasyabya amayenga alinda nʼamayenga makũmĩ ndatu nʼabiri. EYerũsalema yasyaswahĩmbwa haguma nʼesyombalu nʼomugende owakatĩmba, omo migulu yʼobũlĩge nibya.

Habakũkĩ 3:2

Uwe Mwami Mukulu, nabĩrĩowa esyongulu syawe, neryo ngubaha: Uwe Mwami Mukulu ũswehanganaya omũbĩrĩ wawe omo myaka, Omo myaka ũmĩnyĩsayego; Omwʼihitana Wibuke eriganyira.

Zekarĩa 12:8

Oko kiro ekyo, Omwami Mukulu asyalwira esyondũlanĩ syʼeYerũsalema; oyuli molo omo katĩkatĩ kabo oko kiro ekyo asyabya nga Dawĩdĩ; nʼekĩtũnga kya Dawĩdĩ kyasyabya nga Nyamuhanga, ngʼomũlaĩka wʼOmwami Mukulu embere syabo.

Zekarĩa 4:10

Kusangwa nindi abiripona ekiro kyʼemyatsi mike-mike kwehĩ? Nĩkwa abalinda aba basyatsema erilangira olulengo omo byala bya Zerũbabelĩ; aya ni meso wʼOmwami Mukulu, awakalendera eyĩ nʼeyĩ omo kihugo kyosĩ.

1 AbanyaKorinto 1:27

Nĩkwa Nyamuhanga mwayisoga emyatsi mĩkĩrũ yʼekihugo erihemula abandu bʼamenge. Kandi Nyamuhanga abiriyisoga emyatsi myolo yʼekihugo erihemula esyombangĩ.