Nehemĩa 4:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Neryo monasamalira, monahangana, monabwira bakulu, nʼabatabalĩ, nʼabandu abasĩgala nyiti, Simubahebo; mwibuke Omukama, oyuli mukulu nʼowʼerĩũbahya, mulwire abagala benyũ, nʼabana benyũ, nʼabali benyũ, nʼabakalĩ benyũ, nʼebĩtũnga byenyũ.

Nehemĩa 4:14 Iomraidhean Croise

2 Samwelĩ 10:12

Mubye nʼamaka, tulwe kilume-lume busana nʼabandu betu, na busana nʼemĩyĩ ya Nyamuhanga wetu; kandi Omwami Mukulu akole ekiri kibuya omo meso wuwe.

2 Emyatsi yʼEmigulu 32:7

Muyire amaka, muhande emitima simubahe kutse erĩhanga-hangya busana nʼomwami wʼeAsũrĩa, kutse busana nʼomulondo gosĩ owali haguma naye; kusangwa oyuli haguma netu ni mukulu kwilaba oyuli naye.

Nehemĩa 1:5

Neryo monabũga nyiti, Ngakulemba, uwe Mwami Mukulu, Nyamuhanga wʼelubula, Nyamuhanga Mukulu, nʼowʼerĩswekya, oyũkaberereraya endagano nʼekibuya kyʼolwanzo oko bandu bakamwanza nʼerĩteya ebihano biwe.

Yobũ 37:22

Erĩkangabasanĩa lĩkalũa eLutambi lwʼEndata, Nʼolukengerwa lwa Nyamuhanga lukatuha olubahwa.

Esyonyimbo 143:5

Ngibuka ebiro ebyalaba; Ngaganĩraya ebyosĩ ebyo wabirikola, Ngibuka emĩbĩrĩ yawe yosĩ.

Esyonyimbo 20:7

Abandi bakayiketera esyogalĩ syabo syʼamalwa, Nʼabandi bakayiketera esyosabayĩrĩ; Nĩkwa ĩtwe tukayiketera erĩna lyʼOmwami Mukulu Nyamuhanga wetu.

Esyonyimbo 27:1

Omwami Mukulu ni kyakakala kyage, nʼerilama lyage; Nasyubahandi kwehĩ? Omwami Mukulu akahanganira engebe yage; Sindiendisyubaha mundu.

Esyonyimbo 46:11

Omwami Mukulu, Omũtokĩ Wʼebyosĩ ali haguma netu; Nyamuhanga wa Yakobo ni busayiro bwetu!

Esyonyimbo 65:5

Uwe Nyamuhanga, Omũlamya wetu, ũkatũsũbĩraya, Ũkatũlamaya eritukolera emyatsi yʼeriswekera. Abandu abakalũa oko syondũlĩ syʼekihugo; Nʼabali oko syongetsi syʼehali, bakayiketera we.

Esyonyimbo 66:3

Mubwire Nyamuhanga muti, Emyatsi eyo ukakola ni yʼeriswekera! Busana nʼobukulu bwʼobukulu bwʼobũtokĩ bwawe, Esyonzĩgũ syawe syasyũnama embere syawe omʼiubaha.

Esyonyimbo 66:5

Mwase mũlebaye ebyo Nyamuhanga abirikola; Mwase, mũlebaye emĩbĩrĩ yiwe yʼeriswekera omo katĩkatĩ kʼabandu.

Erĩlũayo 14:14

Omwami Mukulu asyabalwira, nenyũ mwasyayibombeka bũkũtũ.

Erĩlũayo 14:25

Kandi mwalũsya ebĩrĩngo byʼesyogalĩ syabo, mosyalĩtoha okwʼĩgendibwa; kyaleka Abanya Mĩsĩrĩ ĩbabũga bati, Tusage obũsũ bwʼAbaĩsraelĩ; kusangwa Omwami Mukulu akalwirabo erilwa nʼAbanya Mĩsĩrĩ.

Omũgambũlĩ 12:1

Wibuke nibya Omũhangĩkĩ wawe omo biro byʼobũlwana bwawe, ebiro bibi bite byahĩka, kutse emyaka ite yasegera hakũhĩ, omugulu wasyabũga uti, Sinditsemera mubyo.

Danĩelĩ 11:32

Neryo omo kĩsehya asyabindula abandu abakakola nabi erĩsĩga endagano ati sibekenga Nyamuhanga. Nĩkwa abandu abasĩ Nyamuhanga wabo basyabya nʼamaka nʼerikola ebĩkalĩre.

Zekarĩa 14:3

Neryo Omwami Mukulu asyahuluka, nʼerilwa nʼebihanda ebyo, ngoko akalwa omo kiro kyʼamalwa.

Emiganzo 14:9

Ekiguma kisa simuyisamambule oko Mwami Mukulu kandi simubahe abandu bʼekihugo; kusangwa basyabya kalyo busana netu; ekilondero kyabo kyamalũsĩbwa kubo, Omwami Mukulu ali haguma netu; simubahebo.

Matayo 10:28

Kandi simubahe abakĩta omubiri, nĩkwa sibetoka erĩĩta omutima; nĩkwa kumbe mwangubaha Nyamuhanga oyukatoka erĩherya omutima nʼomubiri omo Kũlĩmũ.

Eryibuka Ebihano 1:21

Lebaya, Omwami Mukulu Nyamuhanga wenyũ abĩrĩhĩra ekihugo embere syenyũ; muhetuke, mwĩmayekyo, ngoko Mwami Mukulu, Nyamuhanga wʼaboso-kulu wenyũ, abĩrĩbũga nenyũ. Simubahe, kutse sĩmũhahũkaye emitima.

Eryibuka Ebihano 10:17

Kusangwa Omwami Mukulu Nyamuhanga wenyũ, iye ni Nyamuhanga wʼesyonyamuhanga, nʼOmwami Mukulu wʼabakama, yo mukulu, ye mbangĩ, na Nyamuhanga wʼeriswekera, oyuteyira obutaga, kutse erĩĩmya ekyũtũlĩro.

AbaEbrania 13:6

Kikaleka ĩtwabũga butsira eriubaha tuti, Omwami Mukulu nĩ mũwatĩkya wage, sindiendisyubaha! Kwʼabandu banganyikolakĩ kwehĩ?

Yosũa 1:9

Sinditakuhana kwehĩ? Ubye nʼamaka, uyisige ndeke; Sigubahe kutse erĩhahũkya omutima; kusangwa Omwami Mukulu Nyamuhanga wawe ali haguma nawe ehosĩ ukaya.

Abatswerĩ 3:27

Neryo, omugulu ahĩka, mwabuha engubi omo kihugo kyʼebitwa kya Efũraĩmũ; nʼabana ba Ĩsraelĩ mobandagala haguma naye erĩlũa omo kihugo kyʼebitwa, neryo Ehũdĩ abya embere syabo.