Nehemĩa 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nʼaho ahahererenĩe nabo Abanya Tekoa mobasũbyaho; nĩkwa abakulu babo mobatawatĩkya omũbĩrĩ wʼabakama babo.

Nehemĩa 3:5 Iomraidhean Croise

2 Samwelĩ 14:2

Neryo Yoabũ mwatuma eTekoa, mwendayo omũkalĩ wʼamenge, mwamubwira ati, Ngakusaba, uyiyire ngʼomũlĩrĩ, wambale olukimba lwʼekiriro, kandi sũyĩhakabaye amagũta, nĩkwa ubye ngʼomũkalĩ oyo wamabuga mugulu muli akalira abaholĩ.

2 Emyatsi yʼEmigulu 11:6

Mwahĩmba eBetelehemũ, nʼeEtamũ, nʼeTekoa,

Nehemĩa 3:27

NʼEnyũma kwiye, Abatekoa mobakokotya olundi luhande, erĩlolya ahali enyũmba eyĩsũngũlĩkĩre eyikahuluka, nʼerĩhĩka oko lũhĩmbo lwa Ofelĩ.

Nehemĩa 3:4

Nʼahahererenĩe naho, Meremotĩ mugala wa Ũrĩa, mugala wa Hakozĩ, mwasũbyaho. Nʼahahererenĩe naye Mesũlamũ mugala wa Berekĩa, mugala wa Mesezabelĩ, mwakokotyaho. Nʼahahererenĩe nabo Zadokĩ mugala wa Baana mwasũbyaho.

Nehemĩa 3:6

Neryo Yoyada mugala wa Pasea na Mesũlamũ mugala wa Besodĩya mobakokotya Olũkyo lwa Kera; mobahĩra esyonzeguliro syalo, mobasingika esyonyũyĩ syalo, nʼesyongomo syalo, nʼebĩsũmĩro byalo.

Yeremĩa 27:12

Neryo Yeremĩa mwabwira Zedekĩa omwami wʼeYũda ebĩnywa ngʼebĩ ati, Mowe ebĩnywa byʼOmwami wʼeBabelĩ, mumukolere nʼabandu buwe, mubye nʼengebe!

Yeremĩa 27:2

Omwami Mukulu mwambwira ati, Ũyĩkokoteraye ebikoba nʼesyongomo, ũhĩrebyo omo bĩkya byawe.

Yeremĩa 27:8

Neryo kyasyabya, ekihanda nʼobwami obo abasyagana erikolera omwami wʼeBabelĩ, Nebũkadeneza, nʼerigana erĩhĩra ebĩkya byabo omo ngomo yʼOmwami wʼeBabelĩ, Omwami Mukulu ati, Nasyasuyira ekihanda ekyo omo mũyalĩ, nʼomo nzala, nʼendwala yʼakasũsũ, erĩhĩka aho nasyabugirabo omo byala biwe.

Yeremĩa 6:1

Mutibite ahayĩbombekĩre, ĩnywe bana ba Benyamĩna, erĩlũa omo Yerũsalema, mubuhire engubi eTekoa, kandi musumbe ekiminyikalo endata wʼeBete-Hakeremũ, kusangwa ebibi bĩlolĩre eyĩkwa erihuluka elutambi lwʼendata, nʼerĩherya lĩnene.

Amosĩ 1:1

Ebĩnywa bya Amosĩ oyo wabya muguma gʼoko balĩsya bʼeTekoa, ebyo alangira busana na Ĩsraelĩ omo biro bya Ũzĩa omwami wʼeYũda, nʼomo biro bya Yeroboamũ mugala wa Yoasĩ omwami wʼeĨsraelĩ, emyaka ĩbĩrĩ embere wʼomũsĩkĩ wʼekitaka.

Matayo 11:29

Mwĩmaye engomo yage, muhekeyo, mwigire ũkwʼĩngye, kusangwa indi molo-molo nʼowʼomutima ahehere; nenyũ mwasyabana eriluhuka omo mitima yenyũ.

Emibiri 15:10

Neryo lino busana nakĩ mukalenga uku Nyamuhanga muti mũkahĩra emiheke oko migongo yʼabiga, eyo aboso-kulu kutse ĩtwe batatoka eriheka kwehĩ?

1 AbanyaKorinto 1:26

Balĩkyetu, mwibuke ngoko mwabya ekiro Nyamuhanga ababirikira. Sihabya bangi omo katĩkatĩ kenyũ abakahulawa mo bandu bʼamenge, kutse esyombangĩ, kutse abakulu.

Abatswerĩ 5:23

Omũlaĩka wʼOmwami Mukulu ati, Mutakire Merozĩ, Mutakire erĩkalĩre esyondũlanĩ syako, Kusangwa mobatahĩka erĩwatĩkya Omwami Mukulu, Erĩwatĩkya Omwami Mukulu eribambira abalwĩ.