Nehemĩa 2:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kandi nyihabawe ebarua uku Asafũ omũteya wʼomũsĩtũ wʼOmwami, iniaminya erimba emiti yʼeribatsa esyonzeguliro busana nʼesyongyo syʼekikali esikabya oko nyũmba, na busana nʼolũhĩmbo lʼomũyĩ, na busana nʼenyũmba eyo ngandisyingiramo. Neryo omwami mwamba, kusangwa ebyala bibuya bya Nyamuhanga byanyibyako.

Nehemĩa 2:8 Iomraidhean Croise

Enzũko 32:28

Neryo omundu oyo mwabũga ati, Erĩna lyawe siryendisyaswahulwa mo Yakobo, nĩkwa Ĩsraelĩ, kusangwa wabirirengana na Nyamuhanga nʼabandu, nawe wamasĩnga.

Ezera 5:5

Nĩkwa erĩso lya Nyamuhanga wabo lyabya oko bakulu bʼAbayũda, mobatetatsĩrĩsyabo, erĩhĩka aho mwatsi oyo asyahĩkĩra uku Darĩo, neryo erĩsũbĩrya lyasyasũbũlĩbwa omo barua busana nago.

Ezera 6:22

Kandi mobateya ebiro bikulu byʼobundu obute mo kĩhamya ebiro birinda nʼobutseme; kusangwa Omwami Mukulu mwatsemesyabo nʼeribindula omutima wʼOmwami wʼeAsũrĩa busana nabo, erĩsĩkya ebyala byabo omo mũbĩrĩ wʼenyũmba ya Nyamuhanga, Nyamuhanga wa Ĩsraelĩ.

Ezera 6:8

Kandi ngahamula ngoko mwasyakolera bakulu aba bʼAbayũda busana nʼerĩhĩmba enyũmba eyĩ ya Nyamuhanga; nyiti, erĩhĩmba lyʼeHekalũ libanike omo ngemu yʼembĩso yʼOmwami omo bihugo byʼeyisirya oko lũsĩ Efũratĩ. Kandi abandu aba balihawe batya nʼomũhwa sĩbakakĩrĩbawe.

Ezera 7:6

Ezera oyũ mwahetuka akalũa eBabelĩ. Naye abya mũhandĩkĩ omunyima omo migambo ya Musa, eyo Mwami Mukulu wa Ĩsraelĩ ahabo. Neryo omwami mwamuha ebyosĩ ebyo asaba, kusangwa ebyala byʼOmwami Mukulu, Nyamuhanga wuwe byamubyako.

Ezera 7:9

Kusangwa oko kiro kyʼerĩtsũka kyʼomukera wʼerĩtsũka, Ezera mwatsũka erihetuka akalũa eBabelĩ; nʼoko kiro kyʼerĩtsũka kyʼomukera wʼakatanu mwahĩka eYerũsalema busana nʼebyala bibuya bya Nyamuhanga wuwe ebyamubyako.

Nehemĩa 7:2

monahamula mugala wetu Hananĩ, na Hanania omũtabalĩ wʼahakongotere nyiti babye bakulu bʼeYerũsalema; kusangwa Hananta abya mundu uteregula, nʼoyukakenga Nyamuhanga kwilaba bangi.

Emĩsyo 21:1

Omutima wʼOmwami ali omo byala byʼOmwami Mukulu ngʼesyonzira syʼamagetsi, Akabindulirago eyo anzĩre.

Omũgambũlĩ 2:5

Monayirimira amalima, nʼamalima wʼamasoyo, kandi monahera mwʼemiti yʼemĩsĩndo yosĩ yʼebĩgũma.

Omũgambũlĩ 2:6

Monayitakulira ebitsinga byʼamagetsi wʼerĩhĩra omo mũsĩtũ wʼemiti eyikalasa.

Ĩsaya 66:14

Nenyũ mwasyalangirakyo, nʼemitima yenyũ yasyatsema, nʼamakũha wenyũ asyaboga ngʼebiti bibisi bihya-bihya. Ebyala byʼOmwami Mukulu byasyaminyikala oko bagombe buwe, nĩkwa asyabya nʼerihitana busana nʼesyonzĩgũ siwe.

Danĩelĩ 1:9

Nĩkwa Nyamuhanga mwaleka Danĩelĩ ĩnĩalĩgwa nʼerisasirwa omo meso wʼomukulu wʼabakonĩre.

Emibiri 26:22

Neryo kusangwa Nyamuhanga mwanyĩwatĩkya, nyimene erihĩka mũnabwĩre erĩtũlago oko bagunda nʼoko bakulu. Ebyo ngabũga go nʼomwatsi ogo abamĩnyererĩ na Musa babũga bati akandisyabererera.

Emibiri 7:10

Kandi mwamũlamya omo malĩge wuwe gosĩ. Kandi mwaha Yosefũ yʼamenge nʼerĩsĩmwa omo meso wa Farao, omwami wʼeMĩsĩrĩ. Kandi Farao mwayira Yosefũ mo mũtabalĩ mukulu wʼeMĩsĩrĩ, nʼowʼekĩtũnga kyosĩ kyʼOmwami.

2 AbanyaKorinto 8:16

Ngaha Nyamuhanga yʼewasĩngya kusangwa abiriha Tĩto yʼomũhwa ngʼowetu busana nʼerĩbawatĩkya.