Nehemĩa 2:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ Neryo monasũbĩryabo, nʼeribwirabo nyiti, Nyamuhanga wʼelubula, iye asyatũtokesya; busana nʼekyo ĩtwe bagombe buwe twasyahangana nʼerihĩmba; nĩkwa ĩnywe simuwite, erĩgabo kutse erĩbanza, kutse ekĩbũkyo, eYerũsalema.

Nehemĩa 2:20 Iomraidhean Croise

2 Emyatsi yʼEmigulu 26:5

Neryo mwayĩhĩra okwʼisonda-sonda Nyamuhanga omo biro bya Zekarĩa oyo wabya nʼeriminya omo syonzolĩ sya Nyamuhanga; nʼemigulu yosĩ eyo asonda-sonda Omwami Mukulu, Nyamuhanga mwamuha erigasa.

Ezera 4:3

Nĩkwa Zerũbabelĩ, na Yesũa, nʼabandi bʼoko bakulu bʼebĩtũnga byʼabotata ba Ĩsraelĩ, mobabwirabo bati, Sĩtũlĩre nenyũ ekihango erĩhĩmba enyũmba busana na Nyamuhanga wetu; nĩkwa ĩtwebene-bene haguma twasyahĩmbĩra Omwami Mukulu, Nyamuhanga wa Ĩsraelĩ ngoko mwami Kĩro, omwami wʼePersĩa atutegeka.

Nehemĩa 1:4

Neryo omugulu nowa ebĩnywa ebĩ, monĩkala ahisi nʼerĩtogongya emĩsonĩa, nʼeririra, oko biro ebyo; monatsira kalyo nʼerisaba embere sya Nyamuhanga wʼelubula.

Nehemĩa 2:4

Neryo omwami mwanyibwira ati, Ukasabakĩ kwehĩ? Neryo monasaba uku Nyamuhanga wʼelubula.

Esĩterĩ 4:11

Abagombe bosĩ bʼomwami, nʼabandu bʼomo bihugo byʼOmwami, banasĩ, ngoko obuli mundu, omulume kutse omũkalĩ, oyo wasyahĩka eyiri omwami omo kibuga kyʼomwisi, ataliabirikirawa, hali mwatsi muguma busana naye, lye nʼerĩĩtwa, omwami amatindamusumbira omũtso wuwe wʼesyamagetsi, atoke eribyaho; nĩkwa ĩngye sinditabirikirwa eriya eyiri omwami oko biro ebĩ amakũmĩ asatu.

Esyonyimbo 102:17

Asyowa abandu buwe ababĩrĩsĩganĩbwa, Kandi asyahulikirira erisaba lyabo.

Esyonyimbo 122:6

Musabe busana nʼobuholo bwʼeYerũsalema! Abakakwanza babane omugaso!

Esyonyimbo 20:5

Netu twasyatsemera erilama lyawe, Nʼeritsanga omwʼĩkĩnda lyawe itukapipa Nyamuhanga wetu. Omwami Mukulu aberereraye erisaba lyawe lyosĩ.

Esyonyimbo 35:27

Bayĩsyandire omo butseme, abakatsemera eritunganene ryage, Ega, babũge emigulu yosĩ bati, Omwami Mukulu ahame! Oyukatsemera omũyĩsa wʼomugombe wuwe;

Esyonyimbo 51:18

Uwe Nyamuhanga, ukolere eSĩonĩ ekibuya, nʼerĩwatĩkyago: Ũswehĩmba esyombĩmbo syʼeYerũsalema.

Erĩlũayo 28:29

Na Harũnĩ asyaheka amena wʼabana ba Ĩsraelĩ omo kyuma kyʼekĩkũba kyʼeritswera oko mutima wuwe, omugulu akingira ahabũyĩrĩre, busana nʼekĩbũkyo embere syʼOmwami Mukulu ebiro byosĩ.

Omũgambũlĩ 7:18

Lyowene iwahamba omwatsi muguma, kandi sũlwĩke ekindi, kusangwa oyukubaha Nyamuhanga akahuluka nʼebyosĩ bibiri.

Ĩsaya 56:5

Nasyahabo omo nyũmba yage nʼomwisi wʼesyombĩmbo syage ekĩbũkyo, nʼerĩna libuya erĩlabĩre eryʼabagala nʼeryʼabali. Nasyahabo erĩna lyʼerikota erĩtendĩsyalũsĩbwaho.

Abalawĩ 2:2

Neryo asyaletabo oko bahererĩ, abagala ba Harũnĩ; naye asyĩmya ekiganza kiwe kiguma okwʼĩsyano yʼenzelele nʼoko magũta wabo, haguma nʼoũbanĩ bosĩ bwabo. Nʼomuhererĩ asyokereryabo ngʼeryĩbũkya lyabo oko kiherero, obuhere obũkokĩbawa oko muliro, ekikumbo ekĩsĩhĩre busana nʼOmwami Mukulu,

Abalawĩ 24:7

Kandi Wasyahĩra oũbanĩ yowene oko buli mulondo eribya kĩbũkyo busana nʼamandu, obo ni buhere oko Mwami Mukulu erĩokĩbwa oko muliro.

Zekarĩa 6:14

Neryo embĩta yasyabya uku Helemũ, nʼuku Tobĩa, nʼuku Yedaya, nʼuku Henĩ, mugala wa Zefania, busana nʼekĩbũkyo omo Hekalũ yʼOmwami Mukulu.

Emiganzo 10:10

Nĩkwa oko kiro kyʼobutseme bwenyũ, nʼoko biro bikulu byenyũ ebyo mwahamulirawa, nʼoko nzũko syʼemikera yenyũ mwasyabuha esyongubi oko mahere wenyũ wʼerĩokererya, nʼendata oko mahere wenyũ wʼobuholo; nasyo syasyabya busana nenyũ eryibukwa embere sya Nyamuhanga wenyũ. Ĩngye indi Mwami Mukulu Nyamuhanga wenyũ.

Emibiri 10:31

ati, Kornelĩo! Nyamuhanga abĩrĩowa erisaba lyawe, kandi abiryibuka olũsũnzo lwawe.

Emibiri 10:4

Neryo mwasamalira omũlaĩka oyo nʼeriubaha lĩnene, ati, Mukama, ũtĩkĩ kwehĩ? Neryo omũlaĩka mwamubwira ati, Nyamuhanga abĩrĩrĩga erisaba lyawe, nʼolũsũnzo lwawe, kandi abirikwibuka.

Emibiri 8:21

Suwite ekihande kutse erĩgabo omo mũbĩrĩ oyũ, kusangwa omutima wawe siatunganene embere sya Nyamuhanga.