Nehemĩa 2:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo oko mukera wa Nĩsanĩ, oko mwaka wʼamakũmĩ abiri wʼOmwami Artasasta, omugulu ebĩnyũ byabya embere siwe, monĩmya ebĩnyũ ebyo nʼerihabyo omwami. Nĩkwa oko mugulu wʼerĩmbere mondabya nʼobũlĩge embere siwe.

Nehemĩa 2:1 Iomraidhean Croise

Enzũko 40:11

Neryo olũtehĩ lwa Farao lwabya omo byala byage. Nage monĩmya ebĩgũma nʼerikamulirabyo omo lũtehĩ lwa Farao, kandi monahererya olũtehĩ omo byala bya Farao.

Enzũko 40:21

Neryo mwasũbya omũtengĩ mukulu okwʼitenga liwe, neryo mwabya akaha olũtehĩ omo byala bya Farao.

Ezera 4:7

Nʼoko biro bya Artasasta, ye Bĩsĩlamũ, na Mĩtĩredatĩ, na Tabeelĩ, nʼabandi nʼabalĩkyabo, mobasakira Artasasta omwami wʼePersĩa; nʼerisaka lyʼebarua lyasakawa omo Kĩsũrĩa; moyatondekwa omo Kĩsũrĩa.

Ezera 7:1

Neryo enyũma wʼemyatsi eyĩ, omo butabale bʼomwami Artasasta wʼePersĩa, Ezera mugala wa Seraya, mugala wa Azaria, mugala wa Hĩlĩkĩa,

Ezera 7:7

Kandi abandi bʼoko bana ba Ĩsraelĩ nʼoko bahererĩ, nʼoko Balawĩ, nʼoko bĩmbĩ, nʼabateya bʼesyongyo, nʼabagombe bʼeHekalũ, mobahetukira eYerũsalema, oko mwaka wʼakalinda wʼOmwami Artasasta.

Nehemĩa 1:1

Ebĩnywa bya Nehemĩa mugala wa Hakalĩa. Neryo oko mukera wʼeKĩsĩlewũ, oko mwaka wʼamakũmĩ abiri, omugulu nabya eSũsa, ekikali kyʼOmwami.

Nehemĩa 1:11

Ngakulemba uwe Mukama, lino okũtũ kwawe utegeko busana nʼerisaba lyʼomugombe wawe, nʼokwʼisaba lyʼabagombe bawe, abatsemĩre erikenga erĩna lyawe, kandi ngakusaba ũtokesaye omugombe wawe mũnabwĩre, kandi umuhe olukogo omo meso wʼomundu oyũ. Nĩkwa ĩngye nabya mũtengĩ busana nʼomwami.

Esĩterĩ 3:7

Neryo oko mukera wʼerĩtsũka, go mukera wa Nĩsanĩ, oko mwaka wʼerĩkũmĩ nʼeyĩbĩrĩ wʼOmwami Ahasuero, mobagusa ePũrĩ, ako ko kawira, embere sya Hamanĩ obuli kiro, nʼobuli mukera, erĩhĩka oko mukera wʼerĩkũmĩ nʼeryĩbĩrĩ, go mukera wa Adarĩ.

Danĩelĩ 9:25

Neryo Uminye ũyĩtegereraye, erĩtsũka ekihamulo kyʼerĩsũbya nʼerĩswahĩmba eYerũsalema, erĩhĩka oko Mesĩa Munya-mwami, hasyabya amayenga alinda nʼamayenga makũmĩ ndatu nʼabiri. EYerũsalema yasyaswahĩmbwa haguma nʼesyombalu nʼomugende owakatĩmba, omo migulu yʼobũlĩge nibya.