Nehemĩa 13:25 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁵ Neryo monalwa nabo, nʼeritakirabo, nʼerĩswĩrya abandi ba kubo, nʼerikula esyonzwiri syabo, nʼerĩlahĩrĩryabo uku Nyamuhanga, nyiti, Simuhe abana-bato benyũ bʼoko bagala babo, kutse sĩmũtahĩraye abana-bato babo bʼoko bana benyũ abo mwabuta, kutse busana nenyũ.

Nehemĩa 13:25 Iomraidhean Croise

2 Abami 2:24

Neryo mwakebera enyũma mwalangirabo, mwatsumabo oko lĩna lyʼOmwami Mukulu. Neryo mohahuluka esyodubu ĩbĩrĩ syʼobũkalĩ sĩkalũa omo mũsĩtũ, mosyatulanga abalwana makũmĩ ani nʼababiri ba kubo.

Ezera 10:5

Neryo Ezera mwahangana mwalahĩrĩsya abakulu bʼabahererĩ, nʼAbalawĩ, nʼAbaĩsraelĩ bosĩ bakole ngʼekĩnywa ekĩ. Neryo mobalahĩrya batya.

Ezera 7:26

Nʼobuli mundu oyukagana erikola emigambo ya Nyamuhanga wawe, nʼemigambo yʼOmwami, atswerawe nʼomũhwa gosĩ, kyamabya ni luholo kutse erihigwa, kũtse erĩĩmya ebindu biwe, kutse omũlĩkĩ.

Nehemĩa 13:11

Neryo monakunga abatabalĩ, nyiti, Busana nakĩ enyũmba ya Nyamuhanga yamasĩgwa kwehĩ? Neryo monahĩndanĩabo haguma, nʼerĩhĩrabo omo myanya yabo.

Nehemĩa 13:17

Neryo monakunga abakulu ba Yũda, monabwirabo nyiti, Ni mwatsi wahi mubi ogo mukakola, nʼerisunata ekiro kyʼeSabato kwehĩ?

Nehemĩa 13:24

Nʼabana babo babya bakabũga ekihande kyʼomũbũge wʼAbaasĩdodĩ, kandi isihali oyukatoka erĩbũga omo mũbũge wʼAbayũda nĩkwa omo mũbũge wʼebindi bihanda.

Nehemĩa 5:13

Kandi monakunguta olukimba lwage, monabũga nyiti, Nyamuhanga akungute obuli mundu erĩlũa omo nyũmba yiwe atya, nʼoko mũbĩrĩ wuwe, oyũtendĩberererya erilaga erĩ; akungutawe atya, nʼerĩũtwa. Nʼendeko yosĩ moyabũga iti, Amina, mobapipa Omwami Mukulu. Nʼabandu abo mobakola ngʼerilaga erĩ.

Nehemĩa 5:6

Nage monahitana kutsibu omugulu nowa eririra lyabo nʼebĩnywa ebĩ.

Esyonyimbo 119:53

Ngahitana kutsibu, Omugulu ngalangira ababi bakaketa emigambo yawe.

Esyonyimbo 15:4

Kandi akapona oyo Nyamuhanga aka­gana, Nĩkwa akasĩkaya abakubaha Omwami Mukulu. Ebiro byosĩ akakola ebyo akalaga, nomo byangamwagalya.

Erĩlũayo 34:16

nʼakandi ĩwahĩkĩrya abali babo bʼabagala bawe, nʼabana-bato bawe ibaragana nʼesyonyamuhanga syabo, kandi iwaleka abana benyũ erianza esyonyamuhanga syabo.

Emĩsyo 28:4

Abakasĩganaya ebihano bakapipa ababi; Nĩkwa abakategaya ebihano bakalwa nabo.

Ĩsaya 50:6

Monaha omugongo wage oko bandu abakanyĩswĩraya, nʼamatema wage ukwʼabo bakula esyonderũ. Mondaswika obũsũ bwage erilola okwʼĩsonĩ, nʼerĩtwĩrwa kwʼamatande.

Eryibuka Ebihano 6:13

Mwasyubaha Omwami Mukulu Nyamuhanga wenyũ; neryo mwasyamukolera, kandi mwasyalahĩrya omo lĩna liwe.

Eryibuka Ebihano 7:3

kutse sĩmũsyesĩmolanaya nabo; na mwali wawe Susyemuha mugala wuwe, kutse mwali wuwe sũmũherũkĩraye mugala wawe.

Yosũa 23:12

Kusangwa mwamasuba enyũma na kera, nʼerimakirira oko basĩgalĩre oko bihanda ebĩ, nʼerĩherũkanĩa nabo, nʼerisiba nabo, nabo ewenyũ,