Nehemĩa 13:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Uwe Nyamuhanga wage, unyibuke, busana nʼekĩ, kandi susangule emĩbĩrĩ yage mibuya eyo nakola busana nʼenyũmba ya Nyamuhanga wage, nʼokwʼitondeka lyayo.

Nehemĩa 13:14 Iomraidhean Croise

2 Abami 20:3

Uwe Mwami Mukulu ngakulakira nyiti Wibuke ngoko nalendera embere syawe omo kwenene nʼomutima ahĩkene, kandi nabirikola ebibuya omo meso wawe Na Hezekĩa mwalira kutsibu.

1 Emyatsi yʼEmigulu 29:3

Kandi kusangwa nabĩrĩhĩra olwanzo lwage oko nyũmba ya Nyamuhanga, kandi kusangwa nyinawite embĩso yage yʼesyamagetsi nʼeyʼebĩtsĩpa; ngahabyo busana nʼenyũmba ya Nyamuhanga wage, kwilaba ebyosĩ ebyo nabĩrĩtegekanĩa busana nʼeHekalũ ĩbũyĩrĩre,

2 Emyatsi yʼEmigulu 24:16

Mobamuta omo katĩkatĩ kʼabami omo mũyĩ wa Dawĩdĩ, kusangwa akolera Abaĩsraelĩ bʼebibuya, na busana na Nyamuhanga nʼenyũmba yiwe.

Ezera 7:20

Nʼekĩndũkĩ ekyo kyasyabya bwaga busana nʼenyũmba ya Nyamuhanga wawe, ekyo wasyaliha, ũkĩlũsaye omo nyũmba yʼembĩso yʼOmwami.

Ezera 7:24

Nibya tũkabamĩnyĩsaya tuti sĩrĩhamwĩre erĩsolesya abahererĩ, nʼAbalawĩ, nʼabĩmbĩ, nʼabateya bʼesyongyo, nʼabagombe bʼeHekalũ, kutse abagombe bʼenyũmba eyĩ ya Nyamuhanga, kutse engemu, kutse omusolo wʼenzira.

Ezera 7:27

Omwami Mukulu, Nyamuhanga wʼabotata wetu apipawe, oyo wabĩrĩhĩra omwatsi ngʼoyũ omo mutima wʼOmwami, erisitika enyũmba yʼOmwami Mukulu eyiri eYerũsalema;

Nehemĩa 13:22

Kandi monahana Abalawĩ bayihigule, kandi base bategaye esyongyo, nʼerihigula ekiro kyʼeSabato. Uwe Nyamuhanga wage, unyibukire ekĩ nakyo, unyiganyire ngʼobungi bʼobubuya bwawe bwʼolwanzo.

Nehemĩa 13:31

Kandi monategeka omwatsi busana nʼesyongwĩ, oko migulu eyahamulawa, na busana nʼamayilula. Uwe Nyamuhanga wage, unyibuke busana nʼobubuya.

Nehemĩa 5:19

Uwe Nyamuhanga wage, unyibuke busana nʼebibuya, busana nʼebyosĩ nabirikolera abandu aba.

Ĩsaya 38:3

ati, Ngakulemba-lemba, uwe Mwami Mukulu, Wibuke ngoko nabirilendera embere syawe omo kwenene nʼomo mutima ahĩkene, kandi nabirikola ebibuya omo meso wawe. Neryo Hezekĩa mwalira kutsibu-tsibu.

AbaEbrania 6:10

Kusangwa Nyamuhanga sialikola ekitatunganene. Siangibirirwa omũbĩrĩ wenyũ, nʼolwanzo olo mwakangaya busana naye, imwabirikolera, kandi mukinakolera abandu ba Nyamuhanga.

Eribisurirwa 3:5

Oyũkakĩnda asyambalĩbwa esyongimba nyeru-nyeru, kandi sindiendisyasangula erĩna liwe omo kitabu kyʼengebe. Nasyakangya erĩna liwe embere sya Tata wage, nʼabamalaĩka buwe.