Nehemĩa 13:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo Abayũda bosĩ mobaleta ekiguma kyʼerĩkũmĩ kyʼengano nʼebĩnyũ bihya-bihya, nʼamagũta oko byumba byʼesyombĩso.

Nehemĩa 13:12 Iomraidhean Croise

2 Emyatsi yʼEmigulu 31:4

Kandi mwahana abandu ababya bĩkere eYerũsalema eriha erĩgabo lyʼabahererĩ nʼeryʼAbalawi, ibatoka erĩyĩhĩra oko migambo yʼOmwami Mukulu.

2 Emyatsi yʼEmigulu 31:5

Neryo erihamula eryo lyabere lyabihuluka, abana ba Ĩsraelĩ mobaha ebingi ebyʼobuyilula byʼengano, nʼebĩnyũ bihya-bihya, nʼamagũta, nʼobuki, nʼebyosĩ ebikera omo malima, nʼekihande kiguma kyʼerĩkũmĩ kyʼebindu byosĩ mobaleta bingi.

Nehemĩa 12:44

Nʼoko kiro ekyo abandu mobahĩrwa mo bahanganĩrĩ oko byumba byʼesyombĩso, na busana nʼesyonzũnzo, na busana nʼamayilula, na busana nʼekiguma kyʼerĩkũmĩ, erikuma-kumabyo omo malima wʼemĩyĩ, amagabo awahamulawa omo migambo busana nʼabahererĩ nʼAbalawĩ; kusangwa Yũda mobatsemera abahererĩ nʼAbalawĩ abahangana omo mũbĩrĩ.

Abalawĩ 27:30

Nʼekihande kiguma kyosĩ kyʼomwʼĩkũmĩ kyʼekitaka, kyamabya ini mbuto yʼekitaka, kutse ebĩgũma byʼomuti, ni byʼOmwami Mukulu, nĩ bĩbũyĩrĩre oko Mwami Mukulu.

Malakĩ 3:10

Mulete ekiguma kyʼomwʼĩkũmĩ kyosĩ omo mbĩso, akalyo kabye omo nyũmba yage, kandi munyirenge lino Ũmwʼekĩ, Omwami Mukulu Wʼemilondo atya, nga sindiendisyabakingulira amadĩrĩsa wʼelubula nʼerĩbũtũlĩrako omũyĩsa, isihangabanika obwaga.

Malakĩ 3:8

Ko mundu anganĩba uku Nyamuhanga kwehĩ? Nĩkwa ĩnywe mũkanyĩbako. Nĩkwa ĩnywe mũkabũga muti, Twabĩrĩkwĩbako tuti kwehĩ? Omo bihande byʼomwʼĩkũmĩ nʼomwʼĩhĩtya.

Eryibuka Ebihano 14:22

Mwasyabana ekiguma kyʼomwʼĩkũmĩ oko byosĩ omwʼikanya lyʼesyombuto syenyũ esĩkalũa omwʼirima lyenyũ oko mwaka nʼoko mwaka.