Nehemĩa 13:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Oko kiro ekyo mobasomera ekitabu kya Musa omo matwĩ wʼabandu; na mukyo mohabanika ĩmũsakĩre kiti, Omũamonĩ, na Moabũ sibingire omo ndeko ya Nyamuhanga na kera,

Nehemĩa 13:1 Iomraidhean Croise

2 Abami 23:2

Neryo omwami mwahetukira omo nyũmba yʼOmwami Mukulu, nʼabalume bosĩ ba Yũda, nʼesyondũlanĩ syʼeYerũsalema haguma naye, nʼabahererĩ, nʼabamĩnyererĩ, nʼabandu bosĩ, abake-bake nʼabakulu bakulu; neryo mwasomera omo matwĩ wabo mwʼebĩnywa byosĩ byʼekitabu kyʼendagano ekyabanika omo nyũmba yʼOmwami Mukulu.

Nehemĩa 13:23

Oko biro ebyo monalebya Abayũda ababya ĩbamahĩkya abakalĩ bʼAbaasĩdodĩ, nʼAbaamonĩ, nʼAbamoabũ.

Nehemĩa 2:10

Neryo Sanĩbalatĩ Omũhorĩ, na Tobĩa omukulu wʼAbaamonĩ, babere bowago, mobahitana kutsibu-tsibu, kusangwa omundu amabiasa erĩsondya omũyĩsa busana nʼabana ba Ĩsraelĩ.

Nehemĩa 2:19

Nĩkwa omugulu Sanĩbalatĩ Omũhorĩ, na Tobĩa omukulu wʼAbaamonĩ, na Gesemũ Omuarabu, bowago, mobatuseka nʼerĩtũsekererya, kandi mobatupona bati, Ekĩ nĩkĩ kyo mukakola kwehĩ? Mukasonda erihona oko mwami kwehĩ?

Nehemĩa 4:3

Neryo Tobĩa Omũamonĩ abya hakũhĩ naye, neryo mwabũga ati, Nʼekyo bakahĩmba, eboha yamahetukiraho, yasyasambula olũhĩmbo lwabo lwʼamabwe!

Nehemĩa 8:2

Nʼomũhererĩ Ezera mwaleta Emigambo embere syʼendeko yʼabalume nʼabakalĩ, nʼabosĩ abatoka erĩowa nʼeriminya, oko kiro kyʼerĩtsũka kyʼomukera wʼakalinda.

Nehemĩa 9:3

Neryo mobahangana aho wabo, mobasoma omo kitabu kyʼemigambo yʼOmwami Mukulu Nyamuhanga wabo omo mbindi nguma yʼomo bini yʼomusibo; nʼembindi nguma yʼomo bini mobabikula nʼerĩramya Omwami Mukulu Nyamuhanga wabo.

Ĩsaya 34:16

Mũsonda-sondaye omo kitabu kyʼOmwami Mukulu, musomekyo: Sihali nʼekiguma kyasyabulaho, sihali ekyasyabula mũlĩkyabo. Kusangwa obuno buwe bwabirihamulakyo, nʼOmũlĩmũ wuwe abĩrĩhĩndanĩabyo.

Yeremĩa 48:1

Busana na Moabũ. Omwami Mukulu wʼemilondo, Nyamuhanga wʼeĨsraelĩ akabũga ati, Obũlĩge uku Nebo! Kusangwa abĩrĩtsandĩbwa. Kĩrĩataĩmũ abirihemulwa, abĩrĩhũngwa. Ahakongotere hayo habirihemulwa nʼerisambulwa.

Amosĩ 1:13

Omwami Mukulu akabũga ati, Busana nʼamalolo asatu wʼabana ba Amonĩ, ega, busana nʼawani, sindiendisyakakĩrya erisuyira lyako; kusangwa babĩrĩlandũla abakule bʼeGĩleadĩ, ibatoka eritomeka oko mitano yabo.

Emiganzo 22:5

Neryo mwatuma abakwenda bʼuku Balama mugala wa Beorĩ, ePetorĩ, eyiri oko mũsĩke wʼolũsĩ Efurata, oko kihugo kyʼabana buwe, erimubirikira ati, Lebaya, hali abandu abalũa eMĩsĩrĩ. Tungerera, bamalĩba-lĩbanĩa ekihugo, kandi bĩkere eyisirya kwĩngye.

Luka 10:26

Yesu mwamũsũbĩrya ati, Ebĩsakĩre omo Migambo ni byahi kwehĩ? Ukasomabyo uti kwehĩ?

Emibiri 13:15

Neryo enyũma wʼerisoma omo Migambo ya Musa, nʼamasako wʼabamĩnyererĩ, abakulu bʼenyũmba yʼerĩhĩndanamo mobatuma uku Paũlo na Barnaba bati, Balĩkyetu, mwamabya muwite ekĩnywa kyʼerihana bandu, mũbũgekyo.

Emibiri 15:21

Kusangwa Emigambo ya Musa yabirisomwa biro bingi erĩtsũka kera omo manyũmba wʼerĩhĩndanamo oko buli Sabato, nʼebĩnywa biwe bĩkatũlawa omo buli mũyĩ.