Nehemĩa 12:43 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴³ Nabo mobahonga esyohongo nene ekiro ekyo, mobatsema; kusangwa Nyamuhanga ĩnĩabĩrĩtsemesyabo nʼobutseme bunene; nʼabakalĩ nibya nʼabana mobatsema; litya obutseme bwʼeYerũsalema obo mobowĩbwa ehali.

Nehemĩa 12:43 Iomraidhean Croise

2 Emyatsi yʼEmigulu 20:13

NʼAbayũda bosĩ mobahangana embere syʼOmwami Mukulu, haguma nʼesyomekeke syabo, nʼabakalĩ babo, nʼabana babo.

2 Emyatsi yʼEmigulu 20:27

Neryo mobasubula obuli mundu wʼe Yũda nʼowʼeYerũsalema, na Yosafatĩ embere syabo, erisuba eYerũsalema nʼobutseme; kusangwa Omwami Mukulu mwatsemesyabo busana nʼesyonzĩgũ syabo.

2 Emyatsi yʼEmigulu 7:10

Nʼoko kiro kyʼamakũmĩ abiri nʼebisatu oko mukera wʼakalinda, mwakũlũkya abandu eriya ewabo, ĩbatsemĩre nʼeritsanga lyʼomutima busana nʼebibuya ebyo Mwami, Mukulu akangaya Dawĩdĩ, na Solomono, nʼabandu buwe Abaĩsraelĩ.

Ezera 3:13

Neryo abandu mobatatoka eriminyerera omulenge wʼobogo bʼobutseme nʼomulenge wʼabandu abakalira; kusangwa abandu mobũta obogo, bunene, nʼomulenge oyo mogũbwa ehali.

Nehemĩa 12:27

Neryo oko mugulu wʼeriha Nyamuhanga olũhĩmbo lwʼeYerũsalema mobasondya Abalawĩ ewabo ehosĩ, eriretabo eYerũsalema, bayire eriha eryo uku Nyamuhanga nʼobutseme, haguma nʼeriha ewasĩngya, nʼeriimba, omo masengo, nʼomo nzenze, nʼomo nanga.

Nehemĩa 12:42

na Maseya, na Semaya, na Eleazarĩ, na Ũzĩ, na Yehohananĩ, na Malkĩa, na Elamũ, na Ezerĩ. Nʼabĩmbĩ mobimba nʼomulenge munene, haguma na Yezerahĩa Omũhanganĩrĩ wabo.

Yobũ 34:29

Omugulu Nyamuhanga akabya bũkũtũ, nindi wangamutswera kwehĩ? Nʼomugulu akabĩsa obũsũ buwe, abandu bangabya buyira.

Esyonyimbo 27:6

Neryo nasyakĩnda esyonzĩgũ syage esĩnyĩtĩmbĩreko. Kandi omo butseme nasyaha amahere omo Hekalũ yiwe; Nasyimba, ega, nasyapipa Omwami Mukulu.

Esyonyimbo 28:7

Omwami Mukulu ni maka wage nʼomwĩmĩrĩ wage; Omutima wage akayiketera ye, namawatĩkĩbwa. Kandi omutima wage akatsema kutsibu, Nasyamupipa omo nyimbo syage.

Esyonyimbo 9:2

Nasyatsema nʼeritsanga busana nawe! Nasyimbira erĩna lyawe erikupipa, Uwe Wʼendata Kutsibu.

Esyonyimbo 92:4

Emĩbĩrĩ yawe yʼamaka, uwe Mwami Mukulu, ĩkanyĩtsemesaya; Ngimba nʼobutseme busana nʼebyo wabirikola.

Ĩsaya 61:3

eriha abandu abakalirira eSĩonĩ, erihabo omusanga wʼeriambala omo mwanya wʼerĩbũ, nʼamagũta wʼobutseme omo mwanya wʼeririra, nʼolukimba lwʼeripipa omo mwanya wʼekĩrimũ kikalembera. Ibabana eriahulwa mo miti yʼeterebĩntĩ yʼeritunganene, eyaherawa nʼOmwami Mukulu, atoke erikengwa.

Yeremĩa 31:13

Neryo omukondo asyatsema omwʼitsanga, nʼabalwana haguma nʼabakulu. Kusangwa nasyabindula eririra lyabo eribya butseme, kandi nasyakĩranĩabo, nʼerihabo obutseme busana nʼobũlĩge bwabo.

Yeremĩa 33:11

omulenge wʼobutseme, nʼomulenge wʼeritsanga, nʼomulenge wʼĩba wʼomũherũkĩ, nʼomulenge wʼomũherũkĩ, nʼomulenge wʼabo abakabũga bati, Muhe ewasĩngya oko Mwami Mukulu wʼemilondo, kusangwa Omwami Mukulu ni mubuya, kusangwa obubuya buwe bʼolwanzo ni bwa kera na kera; nʼabakaleta esyohongo syʼewasĩngya omo nyũmba yʼOmwami Mukulu. Kusangwa Omwami Mukulu ati, Nasyasũbũlya omũyĩsa wʼekihugo ngoko abya erĩmbere.

Emiganzo 10:10

Nĩkwa oko kiro kyʼobutseme bwenyũ, nʼoko biro bikulu byenyũ ebyo mwahamulirawa, nʼoko nzũko syʼemikera yenyũ mwasyabuha esyongubi oko mahere wenyũ wʼerĩokererya, nʼendata oko mahere wenyũ wʼobuholo; nasyo syasyabya busana nenyũ eryibukwa embere sya Nyamuhanga wenyũ. Ĩngye indi Mwami Mukulu Nyamuhanga wenyũ.

Matayo 21:15

Nĩkwa abahererĩ bakulu nʼabakangĩrĩrya bʼEmigambo mobahitana omugulu balangira emyatsi yʼeriswekera eyo akola, kandi ngoko bana babirikira omo Hekalũ bati, Eripipwa uku Mugala wa Dawĩdĩ!

Matayo 21:9

Nʼesyondeko mobagenda embere wa Yesu, nʼabamukwama mobabirikira, bati, Omugala wa Dawĩdĩ apipawe! Nyamuhanga ahire mũyĩsa oko yukasa omo lĩna lyʼomukama! Nyamuhanga wʼahendata kutsibu apipawe!

Yoane 16:22

Neryo, nenyũ nibya muli nʼobũlĩge lino; nĩkwa nasyaswabalolako kandi, nʼemitima yenyũ yasyatsema, kandi sihali mundu oyo wasyabasagula obutseme bwenyũ.

AbanyaEfeso 5:19

Mũkanaye omo bĩnywa byʼewasĩngya nʼebyʼesyonyimbo nʼemirenge yʼeripipa Nyamuhanga, kandi mwimbe nʼeriyira omulenge owene busana nʼomukama omo mitima yenyũ.

Yakobo 5:13

Hali mundu omo katĩkatĩ kenyũ akagalawa kwehĩ? Asabe. Hali Oyukatsema kwehĩ? Imbe nʼeripipa.

1 Samwelĩ 4:5

Nʼomugulu erĩsandũko lyʼendagane yʼOmwami Mukulu lyahĩka omo kilaliriro, Abaĩsraelĩ bosĩ mobũta obogo, kyaleka ekihugo ĩkyasũkana.