Nehemĩa 12:27 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁷ Neryo oko mugulu wʼeriha Nyamuhanga olũhĩmbo lwʼeYerũsalema mobasondya Abalawĩ ewabo ehosĩ, eriretabo eYerũsalema, bayire eriha eryo uku Nyamuhanga nʼobutseme, haguma nʼeriha ewasĩngya, nʼeriimba, omo masengo, nʼomo nzenze, nʼomo nanga.

Nehemĩa 12:27 Iomraidhean Croise

2 Samwelĩ 6:12

Neryo omwami Dawĩdĩ mwabwirwa, ambu, Omwami Mukulu abiritsumula ekĩtũnga kya Obedĩ-edomũ, nʼebyosĩ awite, busana nʼerĩsandũko lya Nyamuhanga. Neryo Dawĩdĩ mwayenda erĩsandũko lya Nyamuhanga lyʼomo nyũmba ya Obedĩ-edomũ, mwakolyalyo omo mũyĩ wa Dawĩdĩ nʼobutseme.

1 Abami 8:63

Na Solomono mwahera ehongo yʼamahere wʼobuholo, esyo aherera Omwami Mukulu, esyonume syʼesyonde elfu makũmĩ abiri nʼĩbĩrĩ (22,000), nʼesyombũlĩ elfu erĩgana nʼamakũmĩ abiri (120,000). Neryo omwami nʼabana bosĩ bʼeĨsraelĩ mobahigula batya enyũmba yʼOmwami Mukulu.

1 Emyatsi yʼEmigulu 13:8

Na Dawĩdĩ nʼAbaĩsraelĩ bosĩ mobatsangira embere sya Nyamuhanga nʼamaka wabo gosĩ, haguma nʼesyonyimbo nʼamasengo, nʼesyonanga, nʼesyonzoga, nʼesyongubi.

1 Emyatsi yʼEmigulu 15:12

neryo mwabwirabo ati, Ĩnywe muli bakulu bʼebĩtũnga byʼabotata bʼAbalawĩ; muyihigule, ĩnywe nʼabagala benyũ, imwatoka erireta erĩsandũko lyʼOmwami Mukulu, Nyamuhanga wa Ĩsraelĩ, aho nabĩrĩkokotya busana nalyo.

1 Emyatsi yʼEmigulu 15:16

Na Dawĩdĩ mwabwira bakulu bʼAbalawĩ bahĩre abagala babo mo bĩmbĩ, haguma nʼebindu byʼeriimba, esyonanga, nʼamasengo, nʼesyonzenze, erĩbũgya olusengo nʼerisumba omulenge nʼobutseme.

1 Emyatsi yʼEmigulu 15:28

Neryo Abaĩsraelĩ bosĩ mobahetũkya erĩsandũko lyʼerilagana lyʼOmwami Mukulu nʼerĩũta obogo, nʼomo mirenge yʼorumaka, nʼengubi, nʼomo masengo erĩbũgya omulenge munene haguma nʼesyonanga, nʼesyonzenze.

1 Emyatsi yʼEmigulu 15:4

Kandi Dawĩdĩ mwahĩndanĩa bagala ba Harũnĩ nʼAbalawĩ.

1 Emyatsi yʼEmigulu 16:42

Na haguma nʼabo, Hemanĩ na Yedũtũnĩ nʼesyongubi nʼamasengo busana nabo abakabũgaya omulenge, haguma nʼebindu byʼesyonyimbo sya Nyamuhanga; nʼabagala ba Yedũtũnĩ busana nʼolũkyo.

1 Emyatsi yʼEmigulu 16:5

Asafũ yo mukulu, nʼoyũmũkwamĩre ye Zekarĩa, na Yeĩelĩ, na Semaramotĩ, na Yehĩelĩ, na Matĩtĩa, na Elĩabũ, na Benaya, na Obedĩ-edomũ, na Yeĩelĩ, omo binanda byʼeriimba, haguma nʼesyonanga nʼesyonzenze; na Asafũ nibya haguma nʼamasengo erĩbũga omo mulenge munene;

1 Emyatsi yʼEmigulu 23:5

nʼeelfu ĩnĩ (4,000) babya bateya bʼesyonyũyĩ; nʼeelfu ĩnĩ (4,000) ibakapipa Omwami Mukulu omo binanga ebyo Dawĩdĩ abamba eripipa mubyo.

1 Emyatsi yʼEmigulu 26:31

Oko Bahebũronĩ, Yerĩa abya mukulu wʼAbahebũronĩ, ngʼesyondengo syabo omo bĩtũnga byʼabotata. Omo mwaka wʼamakũmĩ ani wʼeritabala lya Dawĩdĩ mobasondĩbwa, nʼabandu esyombangĩ kutsibu mosyabanika omo katĩkatĩ kabo eYazerĩ yʼeGĩleadĩ.

2 Emyatsi yʼEmigulu 29:25

Neryo Hezekĩa mwahĩra Abalawĩ omo nyũmba yʼOmwami Mukulu haguma nʼamasengo, nʼesyonzenze, nʼesyonanga, ngʼerihana lya Dawĩdĩ, nʼerya Gadĩ omũhanĩ wʼOmwami, nʼeryʼomũmĩnyererĩ Natana; kusangwa Omwami Mukulu mwahanabo busana nʼabamĩnyererĩ.

2 Emyatsi yʼEmigulu 29:30

Kandi omwami Hezekĩa nʼabakulu na Abalawĩ eriimbira Omwami Mukulu eripipa omo bĩnywa bya Dawĩdĩ, nʼebya Asafũ omũlangĩrĩ. Neryo mobimba eripipa nʼobutseme, mobũnama nʼerĩramya.

2 Emyatsi yʼEmigulu 5:13

neryo omugulu ababũhĩ bʼesyongubi nʼabĩmbĩ babya ngʼomuguma, erĩbũgya omulenge wʼerĩowĩbwa wʼeripipa nʼeriha Omwami Mukulu ewasĩngya; nʼomugulu basumba emirenge yabo haguma nʼesyongubi nʼamasengo nʼebindu byʼeriimba, omugulu bapipa Omwami Mukulu bati, Kusangwa ni mubuya; kusangwa obubuya buwe bʼolwanzo bukabyaho kera na kera; neryo oko mugulu oyo enyũmba yʼOmwami Mukulu moyũsũla nʼekĩtũ.

2 Emyatsi yʼEmigulu 7:6

Nʼabahererĩ mobahangana, oko mĩbĩrĩ yabo kwʼiri; Abalawĩ nibya omo bindu byʼeriimbira Omwami Mukulu, ebyo mwami Dawĩdĩ akokotaya eriha ewasĩngya oko Mwami Mukulu mubyo, kusangwa ebibuya biwe byʼolwanzo ni bya kera na kera, omugulu Dawĩdĩ apipa omo mũbĩrĩ wabo; nʼabahererĩ mobabuha esyongubi embere syabo; nʼAbaĩsraelĩ bosĩ mobahangana.

Ezera 6:16

Nʼabana ba Ĩsraelĩ, abahererĩ nʼAbalawĩ nʼabandi bʼoko banyegawa, mobahigula enyũmba eyĩ ya Nyamuhanga nʼobutseme.

Nehemĩa 11:20

Nʼabandi ba Ĩsraelĩ, oko bahererĩ, nʼoko Balawĩ, ababya omo mĩyĩ yosĩ ya Yũda, obuli mundu omo kitaka kiwe.

Nehemĩa 12:43

Nabo mobahonga esyohongo nene ekiro ekyo, mobatsema; kusangwa Nyamuhanga ĩnĩabĩrĩtsemesyabo nʼobutseme bunene; nʼabakalĩ nibya nʼabana mobatsema; litya obutseme bwʼeYerũsalema obo mobowĩbwa ehali.

Nehemĩa 8:17

Nʼendeko yosĩ yʼabandu abalũa omo bunyegwa mobakokotya ehitalikirire, mobĩkala omo hitalikirire ehyo; kusangwa erĩtsũka oko kiro kya Yesũa mugala wa Nũnĩ erĩhĩka oko kiro ekyo abana ba Ĩsraelĩ isibetaswayira batya. Mohabya obutseme bunene kutsibu.

Esyonyimbo 149:3

Mupipe erĩna liwe omwʼisata; Muwate esyongoma nʼesyonanga nʼerimupipa.

Esyonyimbo 30:1

Uwe Mwami Mukulu, ngakupipa, kusangwa Wabĩrĩnyĩlamya, Kandi sulitaleka esyonzĩgũ syage sikanyitsemera.

Eryibuka Ebihano 16:11

Kandi mwasyatsema embere syʼOmwami Mukulu Nyamuhanga wenyũ, uwe, na mugala wawe, na mwali wawe, nʼomugombe wawe wʼobulume, nʼomugombe wawe wʼobũkalĩ, nʼOmũlawĩ oyuli omo butala bwenyũ, nʼowʼehandi, nʼengũbĩ, nʼomũkwakalĩ, abali omo katĩkatĩ kenyũ, aho Mwami Mukulu asyayisoga, erĩhĩra erĩna liwe ryʼaho.

Eryibuka Ebihano 20:5

Nʼabakulu basyabũga nʼabandu bati, Nindi abĩrĩhĩmba enyũmba nyihya-nyihya, isialiahigulayo kwehĩ? Agende asube omo nyũmba yiwe, akasyahola omo malwa, nʼogundi mundu akahigulayo.

AbanyaFilipi 4:4

Mutseme omo migendere yenyũ busana nʼOmukama emigulu yosĩ; kandi ngababwira nyiti, Mutseme!

Eribisurirwa 5:8

Neryo abere abihamba ekitabu, ebĩhangĩkĩre bini nʼabakulu amakũmĩ abiri nʼabani mobawa ahisi embere syʼEkyana kyʼEmbũlĩ. Obuli mundu abya awite enanga haguma nʼebibindi byʼesyamagetsi ĩbyoswĩre mwʼobukwa, nʼobukwa obo ni ʼsaba lyʼabandu ba Nyamuhanga.