Nehemĩa 10:39 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁹ Kusangwa abana ba Ĩsraelĩ nʼabana ba Lawĩ basyaleta obuhere bwʼerisumba obwʼengano, nʼobwʼebĩnyũ bihya-bihya, nʼobwʼamagũta, omo syongonde, aho ebibindi byʼahabũyĩrĩre biri, nʼabahererĩ abakakola, nʼabateya bʼesyongyo, nʼabĩmbĩ. Litya sĩtwendĩsyasĩganĩa enyũmba ya Nyamuhanga wetu.

Nehemĩa 10:39 Iomraidhean Croise

2 Abami 7:10

Neryo mobayabirikira abateya bʼesyongyo syʼomũyĩ; mobabwirabo bati, Motũkahĩka oko kilaliriro kyʼAbasũrĩa, neryo, lebaya, isihali mundu eyo, kutse omulenge wʼomundu, nĩkwa esyosabayĩrĩ ĩsĩnahangĩre, nʼesyopunda ĩsĩnahangĩre, nʼesyohema isine buyira.

2 Emyatsi yʼEmigulu 31:11

Neryo Hezekĩa mwahanabo bakokotaye ebyumba omo nyũmba yʼOmwami Mukulu; nabo mobakokotyabyo.

2 Emyatsi yʼEmigulu 31:12

Neryo mobĩngĩrya erĩhĩtya nʼekiguma kyʼerĩkũmi nʼebindu ebyahigulawa. Na Konanĩa Omũlawi mwabya mukulu wabyo, na Sĩmeĩ mugala wabo abya wʼakabiri.

Nehemĩa 12:47

NʼAbaĩsraelĩ bosĩ omo biro bya Zerũbabelĩ, nʼomo biro bya Nehemĩa, mobaha amagabo awakahabawa abĩmbĩ, nʼawʼabateya bʼesyongyo, obuli kiro ngoko babya basondĩre; kandi mobahigula erĩgabo busana nʼAbalawĩ; nʼAbalawĩ mobahigulira erĩgabo busana nʼabagala ba Harũnĩ.

Esyonyimbo 122:9

Busana nʼenyũmba yʼOmwami Muku­lu, Nyamuhanga wetu, Ngasaba busana nʼomugaso wawe.

Emiganzo 18:26

Wasyabũga nʼAbalawĩ, nʼeribwirabo uti, Omugulu mũkĩmaya ekihande kiguma kyʼomwʼĩkũmĩ oko bana ba Ĩsraelĩ ekyo nabiribaha erĩlũa kubo eribya mwandu wenyũ, neryo mwasyaleta oko Mwami Mukulu obuhere bwa kukyo, ekihande kiguma kyʼomwʼĩkũmĩ omo kihande kiguma kyʼomwʼĩkũmĩ.

Emiganzo 18:30

Neryo wasyabwirabo uti, Omugulu mwabirihera kubyo ebyowene musyo, neryo ebikasaka byasyaganzirwa oko Balawĩ ngʼendũndĩ yʼekĩhũmbĩro, kandi ngʼendũndĩ yʼekikamiro kyʼebĩnyũ.

Eryibuka Ebihano 12:17

Simusyelira omo syongyo syenyũ mwʼekiguma kyʼerĩkũmĩ kyʼengano ye­nyũ, kutse kyʼebĩnyũ bihya-bihya byenyũ, kutse amagũta wenyũ, kutse ehimbere hyʼebihangulo byenyũ kutse ehyʼekĩhyo kyenyũ, kutse omusigo nʼomuguma wenyũ ogo mũkalahĩraya kutse amahere wenyũ wʼeriyitswa, kutse obuhere bwʼe­risumba bwʼebyala byenyũ;

AbaEbrania 10:25

Situleke erĩhĩndana lyetu haguma, ngʼemibere yʼabandi bandu, nĩkwa tũsĩkanaye. Kandi tuyitsinge umwʼebyo, omugulu tukalangira ekiro kyʼomukama kĩkahĩka hakũhĩ.