Nehemĩa 10:36 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁶ Kandi tuti tulete ehimbere hyʼabana betu, nʼehyʼesyonde syetu nʼehyʼebihangulo byetu ngoko emigambo ĩkabũga, eriretahyo omo nyũmba ya Nyamuhanga wetu; busana nʼabahererĩ abakakolera omo nyũmba ya Nyamuhanga wetu.

Nehemĩa 10:36 Iomraidhean Croise

2 Emyatsi yʼEmigulu 31:5

Neryo erihamula eryo lyabere lyabihuluka, abana ba Ĩsraelĩ mobaha ebingi ebyʼobuyilula byʼengano, nʼebĩnyũ bihya-bihya, nʼamagũta, nʼobuki, nʼebyosĩ ebikera omo malima, nʼekihande kiguma kyʼerĩkũmĩ kyʼebindu byosĩ mobaleta bingi.

Nehemĩa 12:44

Nʼoko kiro ekyo abandu mobahĩrwa mo bahanganĩrĩ oko byumba byʼesyombĩso, na busana nʼesyonzũnzo, na busana nʼamayilula, na busana nʼekiguma kyʼerĩkũmĩ, erikuma-kumabyo omo malima wʼemĩyĩ, amagabo awahamulawa omo migambo busana nʼabahererĩ nʼAbalawĩ; kusangwa Yũda mobatsemera abahererĩ nʼAbalawĩ abahangana omo mũbĩrĩ.

Nehemĩa 13:5

ĩnĩabĩrĩkokotya ekyumba kinene busana na Tobĩa, aho bagenda bakahĩra erĩmbere amahere wʼeyĩsyano, nʼoufumba, nʼebindu, nʼekiguma kyʼerĩkũmĩ kyʼengano, nʼebĩnyũ bihya-bihya, nʼamagũta, ebyahamulawa erihabwa oko Balawĩ, nʼabĩmbĩ, nʼabateya bʼesyongyo; nʼesyonzũnzo busana nʼabahererĩ.

Erĩlũayo 13:2

Unyihigulire otumbere tosĩ, obuli mwana wʼerĩmbere omo katĩkatĩ kʼabagala ba Ĩsraelĩ, oko bandu nʼoko syonyama nibya; ebyo ni byage.

Erĩlũayo 23:19

Ebĩgũma ebĩkatsũka eriera omwʼirima lyawe wasyaletabyo omo nyũmba yʼOmwami Mukulu Nyamuhanga wawe. Sũsyehũka ekyana kyʼembene kyʼomo masabũ wʼenyĩnya wakyo.

Erĩlũayo 34:19

Ebyosĩ ebĩkatsũka eributwa ni byage; nʼamatungo wawe gosĩ wʼobulume, ehimbere hyʼesyonde nʼehyʼesyombũlĩ.

Malakĩ 3:10

Mulete ekiguma kyʼomwʼĩkũmĩ kyosĩ omo mbĩso, akalyo kabye omo nyũmba yage, kandi munyirenge lino Ũmwʼekĩ, Omwami Mukulu Wʼemilondo atya, nga sindiendisyabakingulira amadĩrĩsa wʼelubula nʼerĩbũtũlĩrako omũyĩsa, isihangabanika obwaga.

Emiganzo 3:13

Kusangwa ehimbere hyosĩ ni hyage; oko kiro ekyo naswĩraya otumbere tosĩ omo kihugo kyʼeMĩsĩrĩ monayihigulira ehimbere hyosĩ omo Ĩsraelĩ, ehyosĩ hyʼabandu nʼehyʼesyonyama hyasyabya hyage. Ĩngye indi Mwami Mukulu.

AbanyaGalatia 6:6

Litolere oyukakangĩrĩrĩbawa ebĩnywa bya Nyamuhanga iniasangira ebindu byowene byosĩ nʼOmũkangĩrĩrya wuwe.

Eryibuka Ebihano 12:6

Nʼaho ho mwasyaletera amahere wenyũ wʼerĩokererya, nʼamahongo wenyũ, nʼekiguma kyʼomwʼĩkũmĩ kyenyũ, nʼobuhere bwʼerisumba bwʼebyala byenyũ, nʼemisago yenyũ, nʼamahere wenyũ wʼeritswa, nʼehimbere hyʼesyonde syenyũ, nʼehimbere hyʼesyombũlĩ syenyũ.