Nehemĩa 10:29 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁹ mobamakirira abagala babo, nʼabakulu babo, mobingira omwʼitakira, nʼomwʼĩlahĩrya, bati bakalendera omo migambo ya Nyamuhanga eyahabawa Musa omugombe wa Nyamuhanga, nʼerikunata nʼerikola amahano gosĩ wʼOmwami Mukulu, Omukama wetu, nʼesyonzwere siwe nʼemigambo yiwe;

Nehemĩa 10:29 Iomraidhean Croise

2 Abami 10:31

Nĩkwa Yehu mwatateya nʼomutima wuwe gosĩ erirendera omo migambo yʼOmwami Mukulu Nyamuhanga wʼeĨsraelĩ; mwataleka ebibi bya Yeroboamũ, ebyo akosesayamo Abaĩsraelĩ.

2 Abami 23:3

Neryo omwami mwahangana hakũhĩ nʼendũyĩ, neryo mwayira endagano embere syʼOmwami Mukulu, erikwama Omwami Mukulu, nʼerĩteya ebihano biwe, nʼerĩtũlago liwe, nʼemigambo yiwe, nʼomutima wuwe gosĩ, nʼekĩrĩmũ kiwe kyosĩ, erĩsĩkya ebĩnywa byʼendagano eyĩ ebyasakawa omo kitabu ekĩ; nʼabandu bosĩ mobimanira oko ndagano eyo.

1 Emyatsi yʼEmigulu 9:2

Nĩkwa esyondũlanĩ syʼerĩmbere abĩkala omo syonzĩgalya syabo omo mĩyĩ yabo babya Baĩsraelĩ, abahererĩ, Abalawĩ, nʼabagombe bʼeHekalũ.

2 Emyatsi yʼEmigulu 34:31

Nʼomwami mwahangana aho wuwe, mwayira endagano embere syʼOmwami Mukulu, erikwama Omwami Mukulu, nʼerĩteya ebihano biwe, nʼerĩtũlago liwe, nʼemigambo yiwe, omo mutima wuwe gosĩ, nʼekĩrĩmũ kiwe kyosĩ, erikola ebĩnywa byʼendagano ebyasakawa omo kitabu ekĩ.

2 Emyatsi yʼEmigulu 6:16

Na lino, uwe Mwami Mukulu, Nyamuhanga wa Ĩsraelĩ, ũtegaye ekyo walaga omugombe wawe tata wage Dawĩdĩ, uti, Siwendisyabula ko mundu omo meso wage wʼerĩĩkala oko kĩtũmbĩ kyʼobwami kya Ĩsraelĩ, abana bawe bamateya esyonzira syabo, nʼerirendera omo migambo yage ngoko wabirilendera embere syage.

Nehemĩa 13:25

Neryo monalwa nabo, nʼeritakirabo, nʼerĩswĩrya abandi ba kubo, nʼerikula esyonzwiri syabo, nʼerĩlahĩrĩryabo uku Nyamuhanga, nyiti, Simuhe abana-bato benyũ bʼoko bagala babo, kutse sĩmũtahĩraye abana-bato babo bʼoko bana benyũ abo mwabuta, kutse busana nenyũ.

Nehemĩa 7:46

Abagombe bʼeHekalũ: abana ba Sĩha, abana ba Hasũfa, abana ba Tabaotĩ.

Nehemĩa 8:2

Nʼomũhererĩ Ezera mwaleta Emigambo embere syʼendeko yʼabalume nʼabakalĩ, nʼabosĩ abatoka erĩowa nʼeriminya, oko kiro kyʼerĩtsũka kyʼomukera wʼakalinda.

Nehemĩa 8:3

Neryo mwasoma mukyo omo kibuga ekyabya embere wʼolũkyo lwʼAmagetsi erĩtsũka omo ngyakya-ngyakya erĩhĩka omwʼitungi, embere syʼabalume nʼabakalĩ, abasĩ eriminya, kandi abandu bosĩ mobahulikirira ekitabu kyʼemigambo.

Nehemĩa 9:2

Neryo abana ba Ĩsraelĩ mobayisolola oko bosĩ bʼehandi, nʼerihangana nʼeribikula amalolo wabo, nʼebibi byʼabotata wabo.

Nehemĩa 9:38

Neryo busana nʼebyosĩ ebĩ tukayira endagano oko barua, tukasakayo; nʼabakulu betu, nʼAbalawĩ betu, nʼabahererĩ betu bakahira ekĩmĩnyĩsyo kuyo.

Esyonyimbo 105:45

Abandu buwe batoke erĩowa emigambo yiwe, Nʼerikwama ebihano biwe. Ĩnywe, mupipe Omwami Mukulu!

Esyonyimbo 119:106

Nasyaberererya erilaga lyage lĩbũyĩrĩre, Erikenga ebihano byawe bitunganene.

Esyonyimbo 8:1

Uwe Mwami Mukulu, Mukama wetu, Erĩna lyawe ni ribuya kutsibu omo kihugo kyosĩ! Olukengerwa lwawe wabĩrĩhĩralo endata oko lubula!

Esyonyimbo 8:9

Uwe Mwami Mukulu, Omukama wetu, Erĩna lyawe ko liri ibuya kutsibu litya omo kihugo kyosĩ!

Ĩsaya 14:1

Omugulu Omwami Mukulu asyaganyira Yakobo, nʼeriswayisoga Ĩsraelĩ, nʼerĩhĩrabo omo kihugo kyabokyabo. Neryo abʼehandi basyayitomeka kubo nabo basyamatana oko kĩtũnga kya Yakobo.

Yeremĩa 26:4

Nawe wasyabwirabo uti, Omwami Mukulu ati, Mwamatindambulikirira, erirendera omo mahano wage, ago nabĩrĩhĩra embere syenyũ,

Yeremĩa 34:15

Nenyũ mwabya imwabiribinduka, imwabirikola ekitunganene omo meso wage erĩtũlago eribohola obuli mundu mũlĩkyabo, kandi imwabiriyira endagano embere syage omo nyũmba eyikahulawa omo lĩna lyage.

Ezekĩelĩ 36:27

Kandi nasyahĩra Omũlĩmũ wage omwisi wenyũ, nʼerireka imwalendera omo migambo yage, nenyũ mwasyateya erikola ebilayiro byage.

Abalawĩ 20:26

Nenyũ mwasyabya babũyĩrĩre busana nage; kusangwa ĩngye Mwami Mukulu indi mũbũyĩrĩre, nabiribasolola oko bihanda, imwabya bage.

Malakĩ 4:4

Mwibuke emigambo ya Musa omugombe wage, ni mahano nʼebilayiro ebyo namuhana eHorebũ busana na Ĩsraelĩ bosĩ.

Emiganzo 5:21

neryo omũhererĩ asyasema omũkalĩ omo kisemo kyʼeritakira, nʼomũhererĩ asyabũga nʼomũkalĩ ati, Omwami Mukulu akuyire mo mutakirwa nʼekisemo omo bandu bawe, omugulu Omwami Mukulu asyaleka ekihinga kyawe ikyuma, nʼenda yawe ĩyabĩmba;

Yoane 1:17

Kusangwa Nyamuhanga mwaha Musa Emigambo, nĩkwa olukogo nʼekwenene, Yesu Kristo yo waletabyo.

Yoane 15:14

Nenyũ muli bĩra bage, mwamakola ebyo ngabahana.

Yoane 7:19

Musa mwatabaha Emigambo kwehĩ? Nĩkwa sihali muguma gʼũkwʼĩnywe oyukakenga Emigambo. Busana nakĩ mukasonda-sonda erĩnyĩta kwehĩ?

Emibiri 11:23

Neryo abere ahĩka nʼerilangira olukogo lwa Nyamuhanga, mwatsema, neryo mwahanabo ati, abosĩ bakwame Omukama nʼomutima asĩkĩre, nʼeritendiregula.

Emibiri 17:34

Nĩkwa abandi bandu mobayitomeka uku Paũlo mobĩkĩrĩrya. Dĩonĩsĩo Omũareopago abya muguma wa kubo, nʼomũkalĩ erĩna liwe iyo Damarĩa, nʼabandi haguma nabo.

Emibiri 23:21

Nĩkwa sũlĩgĩrebo, kusangwa abalume bangi kwilaba makũmĩ ani bakamulambira omo nzira. Nabo babĩrĩlahĩrya bati sibendirya kutse erĩpũlya bate bĩta Paũlo. Na lino babĩrĩyĩtegekanĩa eririnda endagane yawe.

AbanyaRoma 12:9

Olwanzo lubye butsira eriteba. Ũkwe ekibi kyo nye. Ukwamirire ekibuya.

Eryibuka Ebihano 33:4

Musa mwatuhana, omo mugambo, Enzĩgalya busana nʼendeko ya Yakobo.

Eryibuka Ebihano 5:1

Neryo Musa mwabirikira Abaĩsraelĩ bosĩ, mwabwirabo ati, Ĩnywe Baĩsraelĩ, mowe emigambo nʼebilayiro ebyo ngabũgĩra omo matwĩ wenyũ mũnabwĩre, imwabana eriigabyo, nʼerikolabyo.

Eryibuka Ebihano 5:32

Neryo litya mwasyateya erikola ngoko Mwami Mukulu Nyamuhanga wenyũ abiribahana; simusyekitira oko byala byʼamali kutse oko malembe.