Nehemĩa 1:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nĩkwa mwamasuba ũkwʼĩngye, nʼerĩteya ebihano byage nʼerikolabyo, nomo mwangabya imwabiripanzwa nʼeribya oko syondũlĩ syʼekyanya, nĩkwa nasyabahĩndanĩa erĩlũayo, nasyabaleta aho nayisoga erĩĩkalyaho erĩna lyage.

Nehemĩa 1:9 Iomraidhean Croise

1 Abami 8:48

bamakusubako nʼomutima wabo gosĩ nʼekĩrĩmũ kyabo kyosĩ omo kihugo kyʼesyonzĩgũ syabo, abahekabo mo banyegwa, bamakusaba erĩlolya oko kihugo kyabo ekyo waha oko botata-kulu wabo, nʼomũyĩ ogo wabiriyisoga, nʼenyũmba eyo nabĩrĩhĩmba busana nʼerĩna lyawe;

1 Abami 9:3

Neryo Omwami Mukulu mwamubwira ati, Nabĩrĩowa erisaba lyawe, nʼerilaka lyawe, eryo wasaba embere syage; nabirihigula enyũmba eyĩ, eyo wabĩrĩhĩmba, erĩhĩraho erĩna lyage busana na kera na kera; nʼameso wage nʼomutima wage asyabyaho emigulu yosĩ.

1 Emyatsi yʼEmigulu 16:35

Mũbũge muti, Uwe Nyamuhanga wʼomulamo wetu ũtũlamaye, Ũtũhĩndanaye nʼerĩtũlamya oko bihanda, Tuhe erĩna lyawe lĩbũyĩrĩre lyʼewasĩngya, Nʼerĩsĩngana omwʼipipa lyawe.

Ezera 6:12

Na Nyamuhanga oyo waleka erĩna liwe ĩrĩkala aho, akĩnde abami bosĩ nʼebihanda, abakandisyasumba ebyala byabo eribindula omwatsi oyũ, nʼerĩtsandya enyũmba eyĩ ya Nyamuhanga eyiri eYerũsalema. Ĩngye Darĩo nabirihamula; likolawe nʼomũhwa gosĩ.

Esyonyimbo 106:47

Uwe Mwami Mukulu, Nyamuhanga wetu, ũtũlamaye, Ũtũsũbũlaye erĩlũa omo katĩkatĩ kʼebihanda, Tutoke eripipa erĩna lyawe lĩbũyĩrĩre, Nʼerikuha ewasĩngya omo butseme.

Esyonyimbo 107:3

Abo asũbũlaya akalũsyabo omo bihugo byʼehali, Abalũa ebwanga bwʼendata, nʼebwanga bwʼeyĩkwa, Nʼelutambi lwʼendata, nʼelutambi lwʼeyĩkwa.

Esyonyimbo 147:2

Omwami Mukulu akasũbaya eYerũsalema, erĩswahĩmbago, Akasũbũlaya abasayĩ ba Ĩsraelĩ.

Ĩsaya 11:12

Kandi asyasumbira ebihanda ebendera, asyahĩndanĩa abagusawa ba Ĩsraelĩ, nʼerĩhĩndanĩa haguma abapanza-panzawa ba Yũda erĩlũa oko nũnga ĩnĩ syʼekihugo.

Ĩsaya 27:12

Neryo oko kiro ekyo, Omwami Mukulu asyatsũka erĩhũmba liwe erĩtsũka oko Lũsĩ Efurata olukasenda erĩhĩka oko Kũsĩ kʼeMĩsĩrĩ. Nenyũ mwasyahĩndanĩbwa haguma muguma muguma, ĩnywe bana bʼeĨsraelĩ.

Ĩsaya 56:8

Omukama Omwami Mukulu, oyũkahĩndanaya abapanzawa ba Ĩsraelĩ, akabũga ati, Nasyahindanĩrya kubo abandi, ukwʼabo babĩrĩhĩndanĩbwa.

Yeremĩa 12:15

Kandi, omugulu namabikulabo, nasyasubula nʼeriganyirabo, kandi nasyaswaletabo, obuli mundu oko mwandu wuwe, nʼobuli mundu oko kitaka kiwe.

Yeremĩa 3:14

Omwami Mukulu ati, ĩnywe bagala abakalegula, musubule, kusangwa ĩngye indi mukama wenyũ. Nage nasyabĩmya omuguma wʼoko mũyĩ, nʼababiri oko buli kĩtũnga, nasyabakolya eSĩonĩ.

Yeremĩa 31:10

Ĩnywe bihanda, muhulikirire ekĩnywa kyʼOmwami Mukulu, kandi mũtũlego omo bitsira byʼehali, mũbũge muti, Oyo wapanza-panza Ĩsraelĩ, asyamukuma-kuma nʼerĩmũteya, ngoko mũlĩsya akategaya ekihangulo kiwe.

Yeremĩa 32:37

Lebaya, nasyahĩndanĩabo erĩlũsyabo omo bihugo byosĩ eyo nahigirabo omwʼihitana lyage nʼomwʼagalirwa lyage, nʼomwʼihiririkana lyage ringi. Kandi nasyaletabo hano, kandi nasyĩkalyabo buholo.

Yeremĩa 6:22

Omwami Mukulu ati, Lebaya, abandu bakasira ekihugo kyʼelutambi lwʼendata, nʼekihanda kinene kyasyahanganĩbwa erĩlũa oko ndũlĩ-ndũlĩ syʼekihugo.

Ezekĩelĩ 14:6

Neryo Ubwire ekihanda kya Ĩsraelĩ uti, Omukama Iye Omwami Mukulu ati, Mubinduke erireka ebibi, mũbũnũkale oko syosanamu syenyũ. Mubindule amũsũ wenyũ oko nye syenyũ syosĩ.

Ezekĩelĩ 36:24

Kusangwa nasyabalũsya omo bihanda, nʼeribakuma-kuma erĩbalũsya omo bihugo byosĩ, nʼeribaleta omo kihugo kyenyũ.

Abalawĩ 26:3

Mwamalendera omo migambo yage, nʼerĩteya ebihano byage, nʼerikolabyo;

Zekarĩa 8:7

Omwami Mukulu Wʼemilondo akabũga ati, Lebaya, nasyalamya abandu bage erĩlũa omo kihugo kyʼendata, nʼerĩlũa omo kihugo kyʼeyĩkwa;

Matayo 24:31

Neryo Yesu asyatuma abamalaĩka buwe nʼomulenge munene wʼengubi, nabo basyahĩndanĩa abayisogawa ba Nyamuhanga erĩlũa oko bihande bini byʼekihugo, erĩtsũka oko ndũlĩ nguma yʼekyanya erĩhĩka oko yindi ndũlĩ yʼekyanya.

Eryibuka Ebihano 12:21

Aho Mwami Mukulu Nyamuhanga wenyũ asyayisoga erĩhĩra erĩna liwe, ha­mabya ini hali ũkwʼĩnywe, neryo mwa­syĩta oko kihangulo kyawe kyʼesyonde nʼoko kĩhyo kyawe, esyo Mwami Mukulu abiribaha, ngoko nabiribahana; imwaba­na eririrasyo omo syongyo syenyũ, ngʼamerũ wenyũ kwʼali.

Eryibuka Ebihano 12:5

Nĩkwa aho Mwami Mukulu Nyamuhanga wenyũ asyayisoga omo katĩkatĩ kʼebihanda byenyũ byosĩ, erĩhĩra erĩna liwe ryoho, aho mwasyasa embere siwe.

Eryibuka Ebihano 30:1

Neryo omugulu emyatsi eyĩ yosĩ ikababyako, omũyĩsa nʼeritakira, ebyo nabĩrĩhĩra embere syawe, mukayibukirabyo omo katĩkatĩ kʼebihanda eyo Mwami Mukulu Nyamuhanga wenyũ abiribahigira,