Nehemĩa 1:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Utege okũtũ kwawe, nʼameso wawe ahagukale, iwatoka erĩowa erisaba lyʼomugombe wawe, eryo ngasaba embere syawe oko mugulu oyũ, omo musibo nʼomo kiro, busana nʼabana ba Ĩsraelĩ abagombe bawe, omugulu ngabikula amalolo wʼabana ba Ĩsraelĩ, ago twakũhalĩraya. Ega, ĩngye nʼekĩtũnga kya tata wage twabĩrĩhalya.

Nehemĩa 1:6 Iomraidhean Croise

1 Abami 8:30

Kandi uhulikirire emilake yʼomugombe wawe, nʼeyʼabandu bawe Abaĩsraelĩ, omugulu basyalolya erisaba lyabo hano; ega, gowe omo lubula eyo aho wĩkere; nʼomugulu ũkowa, ubuyire.

1 Abami 8:47

nĩkwa bamayĩbũlya omo mitima yabo omo kihugo eyo batwalawa mo banyegwa bati, Twabirikola ebibi, twabirikola ebĩhengemĩre, twabirikola nabi;

2 Emyatsi yʼEmigulu 28:10

Na lino mukakandayirira eriyira abana ba Yũda nʼabʼeYerũsalema mo bakobe benyũ bʼobulume nʼabʼobũkalĩ. Nenyũ simuwite erĩhalya lyenyũ busana nʼOmwami Mukulu Nyamuhanga wenyũ kwehĩ?

2 Emyatsi yʼEmigulu 29:6

Kusangwa abotata wetu babĩrĩhalya, nʼerikola ebibi omo meso wʼOmwami Mukulu Nyamuhanga wetu, kandi babĩrĩmũsĩganĩa babirikebera ehandi erĩlũa oko herĩĩkala lyʼOmwami Mukulu, nʼerĩmũlolya kwʼemigongo.

2 Emyatsi yʼEmigulu 6:40

Na lino uwe Nyamuhanga wage, ngakulemba-lemba, ũkalaye ameso wawe, na utege amatwĩ wawe erĩowa, erisaba erikasabawa hano.

Ezera 10:1

Neryo omugulu Ezera abya akasaba nʼeritsira ebibi, iniakalira nʼeriyigusanga ahisi embere wʼenyũmba ya Nyamuhanga, endeko nene kutsibu moyahĩndana aho ali erĩlũa omo Baĩsraelĩ, abalume nʼabakalĩ nʼabana; kusangwa abandu mobalira kutsibu.

Ezera 10:11

Neryo lino mubikulire Omwami Mukulu, Nyamuhanga wʼabotata wenyũ, mukole ebĩkamũtsemesaya; muyisolole oko bihanda byʼekihugo, nʼoko bakalĩ bʼehandi.

Nehemĩa 1:11

Ngakulemba uwe Mukama, lino okũtũ kwawe utegeko busana nʼerisaba lyʼomugombe wawe, nʼokwʼisaba lyʼabagombe bawe, abatsemĩre erikenga erĩna lyawe, kandi ngakusaba ũtokesaye omugombe wawe mũnabwĩre, kandi umuhe olukogo omo meso wʼomundu oyũ. Nĩkwa ĩngye nabya mũtengĩ busana nʼomwami.

Esyonyimbo 102:17

Asyowa abandu buwe ababĩrĩsĩganĩbwa, Kandi asyahulikirira erisaba lyabo.

Esyonyimbo 106:6

Twabĩrĩhalya, ngoko aboso-kulu wetu bakola; Twabiribya babi nʼabʼebibi.

Esyonyimbo 130:2

Uwe Mukama wowe erilaka lyage, Uhulikirire erilaka lyage busana nʼerĩwatĩkya!

Esyonyimbo 32:5

Neryo monakũkangya ebibi byage, Mondabĩsa erikola nabi lyage. Monabũga nyiti, Ngandĩkangya Omwami Mukulu amalolo wage; Nawe mowabuyira embuga yʼebibi byage.

Esyonyimbo 34:15

Ameso wʼOmwami Mukulu akatungerera abatunganene, Kandi amatwĩ wuwe akowa erilaka lyabo.

Esyonyimbo 55:17

Erilaka lyage nʼerĩsĩmba lyage bikamuhetukirako omwʼĩgolo-golo, nʼomo ngyakya, nʼomwʼitungi; Naye akandĩowa omulenge wage.

Esyonyimbo 88:1

Uwe Mwami Mukulu, Nyamuhanga, Omũlamya, ngalaka omo musibo gosĩ, Nʼomo kiro ngahĩka embere syawe.

Ĩsaya 6:5

Neryo monabũga nyiti, Obũlĩge ũkwʼĩngye! Kusangwa nyĩtsandĩre; kusangwa indi mundu wʼemĩnywa ĩtsandĩre, kandi nyĩkere omo katĩkatĩ kʼabandu bʼemĩnywa eyĩtsandĩre. Kusangwa ameso wage abirilangira Omwami, Omwami Mukulu wʼemilondo.

Ekiriro 5:7

Abotata wetu mobahalya, nabo sibakiriho. Netu twabiriheka obubi bwabo.

Danĩelĩ 9:15

Na lino uwe Mwami Mukulu Nyamuhanga wetu, oyo wabĩrĩlũsya abandu bawe omo kihugo kyʼeMĩsĩrĩ omo byala byʼamaka, kandi wabiriyibanira erĩkũmayira nga mũnabwĩre; twabirikola nabi, twabĩrĩhalya.

Danĩelĩ 9:20

Neryo omugulu nabya ngabũga, nʼerisaba, nʼerĩkangya ebibi byage nʼebibi byʼabandu bage Ĩsraelĩ, nʼerireta emilake yage embere syʼOmwami Mukulu Nyamuhanga wage busana nʼekitwa kĩbũyĩrĩre kya Nyamuhanga wage.

Danĩelĩ 9:4

Neryo monasaba Omwami Mukulu Nyamuhanga wage, monakanganĩa, nyiti, Ĩyoo, Uwe Mukama, Nyamuhanga Mukulu nʼowʼerĩũbahya, oyũkategaya endagano yiwe, nʼobubuya buwe bʼolwanzo ukwʼabo abamwanzĩre nʼabakategaya ebihano biwe,

Danĩelĩ 9:5

twabirikola nabi, nʼerikola nʼepono, twabirikola amalolo, twabirihona, erikitira emũsĩke oko bihano byawe nʼamahamulo wawe.

Danĩelĩ 9:8

Uwe Mwami Mukulu, erihemuka ni ryetu, nʼoko bami betu, nʼoko banya-mwami betu, nʼoko botata wetu, kusangwa twabirikukolera nabi.

Luka 18:7

Neryo Nyamuhanga naye siendisyaha abayisogawa buwe erĩbanza kwehĩ? Abakamulakira oko musibo nʼomo kiro kwehi? Kandi asyamala erĩwatĩkyabo kwehĩ?

Luka 2:37

Kandi iniabiribya mũkwakalĩ emyaka makũmĩ munani nʼĩnĩ. Ĩsĩalĩlũa omo Hekalũ, ĩnĩakaramaya Nyamuhanga omo kiro nʼomo musibo, haguma nʼeritsira ebyalya nʼerisaba.

AbanyaEfeso 2:3

Netu twabya ngʼabo, itukakwama esyongumbu syʼemibiri yetu, itukakola erisonda lyʼemibiri yetu nʼobũlengekanĩa bwetu. Netu nibya ngʼabandu bosĩ, twabya tutolere erihitana nʼeritswera lya Nyamuhanga.

1 Timoteo 5:5

Nĩkwa oyuli mũkwakalĩ kwenene, oyutawite mundu wʼerĩmũwatĩkya, abĩhĩra amaha wuwe uku Nyamuhanga, akakwamirira erisaba nʼerĩmũbũlya erĩmũwatĩkya omo kiro nʼomwʼitungi.

2 Timoteo 1:3

Ngaha Nyamuhanga oyo ngakolera yo wasĩngya, omo bunya-mutima obute mwʼebibi, ngoko aboso-kulu wage bakola. Kandi ngamuha ewasĩngya omugulu ngakwibuka ebiro byosĩ omwʼisaba lyage, omo kiro nʼomwʼitungi.

1 Yoane 1:9

Nĩkwa twamakangya kwenene, ebibi byetu, Nyamuhanga sialiregula, kandi akakola ekitunganene. Asyatubuyira ebibi byetu nʼerĩtwerya kwʼekitatunganene kyetu kyosĩ.

1 Samwelĩ 15:11

Namayĩkũbya bomo erĩhĩra Saũlo eribya mwami; kusangwa abirisuba enyũma butanyikwama, kandi sĩalĩtaberererya ebihano byage. Neryo Samwelĩ mwakwa obũlĩge, kandi mwalakira Omwami Mukulu omo kiro kyosĩ.