Nehemĩa 1:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Neryo monabũga nyiti, Ngakulemba, uwe Mwami Mukulu, Nyamuhanga wʼelubula, Nyamuhanga Mukulu, nʼowʼerĩswekya, oyũkaberereraya endagano nʼekibuya kyʼolwanzo oko bandu bakamwanza nʼerĩteya ebihano biwe.

Nehemĩa 1:5 Iomraidhean Croise

1 Abami 8:23

Mwabũga ati, Uwe Mwami Mukulu, Nyamuhanga wa Ĩsraelĩ, sihali Nyamuhanga oyuli nga we, omo lubula endata, kutse omo kihugo eyĩkwa; oyũkategaya endagane nʼobubuya bwʼolwanzo busana nʼabagombe bawe, abakalendera embere syawe nʼomutima wabo gosĩ.

1 Emyatsi yʼEmigulu 17:21

Muna-kihugo ekindi kihanda ni kyahi ekiringene nʼabandu bawe Abaĩsraelĩ, ekyo Nyamuhanga atongolaya busana naye eribya kihanda, erikuyirira erĩna omo myatsi mikulu nʼeyʼerĩũbahya, erihiga ebihanda embere syʼabandu bawe, abo watongolaya erĩlũa eMĩsĩrĩ kwehĩ?

Ezera 1:2

Kĩro omwami wʼePersĩa akabũga ati, Omwami Mukulu Nyamuhanga wʼelubula abirimba amami gosĩ wʼekihugo; kandi abirinyihamula ati nyĩmũhĩmbĩre enyũmba eYerũsalema, eyiri eYũda.

Nehemĩa 2:4

Neryo omwami mwanyibwira ati, Ukasabakĩ kwehĩ? Neryo monasaba uku Nyamuhanga wʼelubula.

Nehemĩa 4:14

Neryo monasamalira, monahangana, monabwira bakulu, nʼabatabalĩ, nʼabandu abasĩgala nyiti, Simubahebo; mwibuke Omukama, oyuli mukulu nʼowʼerĩũbahya, mulwire abagala benyũ, nʼabana benyũ, nʼabali benyũ, nʼabakalĩ benyũ, nʼebĩtũnga byenyũ.

Nehemĩa 4:8

Kandi abosĩ mobaya embĩta haguma eriyalwa nʼeYerũsalema, nʼerireta omwaga.

Nehemĩa 9:32

Neryo lino, Nyamuhanga wetu, omukulu, nʼowʼobũtokĩ, na Nyamuhanga wʼerĩũbahya, oyũkategaya endagano nʼobubuya bʼolwanzo, supone obũlĩge bosĩ obo, Suleke bukabya nga buke embere syawe obwabĩrĩtũhĩkako, nʼoko bami betu, nʼabakulu betu, nʼabahererĩ betu, nʼabamĩnyererĩ betu, nʼabotata wetu, nʼabandu bawe bosĩ, erĩtsũka oko mugulu wʼabami bʼeAsũrĩa nʼerĩhĩka mũnabwĩre.

Esyonyimbo 47:2

Omwami Mukulu Owendata Kutsibu, angubahwa; Iye ni Mwami mukulu, akatabala omo kihugo kyosĩ.

Esyonyimbo 76:8

Mowamĩnyĩsya eritswera lyawe inune elubula, Ekihugo mokyubaha, mokyabya bũkũtũ,

Esyonyimbo 89:2

Nyĩnasĩ olwanzo lwawe ko lukakota, Kandi eritindalegula lyawe lĩsĩkĩre ngʼekyanya.

Esyonyimbo 89:3

Wabĩrĩbũga uti, Nabirilagana nʼomundu oyo nayisoga; Nabirilaga omugombe wage Dawĩdĩ, nyiti,

Esyonyimbo 89:8

Uwe Mwami Mukulu, Nyamuhanga Wʼemilondo, sihali mundu wʼamaka nga we; Uwe Mwami Mukulu, omo myatsi yosĩ Suliregula.

Erĩlũayo 20:6

nʼerĩkangya obubuya bʼolwanzo oko elfu nʼamaelfu wʼabandu abanyanzĩre nʼerĩteya ebihano byage.

Eryibuka Ebihano 7:12

Neryo kusangwa mukahulikirira eritswera erĩ, nʼerĩteyalyo nʼerikolalyo, Omwami Mukulu Nyamuhanga wawe asyaberererya ũkwʼĩnywe endagano bubuya bʼolwanzo ebyo alahĩrĩraya abotata-kulu bawe.

Eryibuka Ebihano 7:21

Simusyubahabo; kusangwa Omwami Mukulu Nyamuhanga wenyũ ali omo katĩkatĩ kenyũ, Nyamuhanga munene nʼoyũkaswekaya.

Eryibuka Ebihano 7:9

Neryo Uminye ko Mwami Mukulu Nyamuhanga wawe, iye ni Nyamuhanga, Nyamuhanga wʼeritendiregula, oyũkaberereraya endagano nʼobwenge oko bamwanzĩre nʼabakabika ebihano biwe erĩhĩka oko syondengo elfu.