Nehemĩa 1:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Nabo mobambwira bati, Ababala erĩhũngwa eyo omo kihugo, bali omo maligo manene nʼeritsumwa; nʼolũhĩmbo lwʼeYerũsalema lwabirisambulwa, nʼesyongyo syako syabĩrĩhĩsĩbwa omo muliro.

Nehemĩa 1:3 Iomraidhean Croise

1 Abami 9:7

neryo nasyatwa Abaĩsraelĩ erĩlũa omo kihugo ekyo nahabo; nʼenyũmba eyo nabirihigula busana nʼerĩna lyage, nasyagusayo erĩlũa omo meso wage. NʼAbaĩsraelĩ basyabya omũsyo nʼekĩnywa kyʼerisekwa omo bihanda byosĩ.

2 Abami 25:10

Nʼomulondo gosĩ wʼAbakaldea, ababya haguma nʼomukulu wʼabateya, mobahĩmbũla esyombĩmbo syʼeYerũsalema oko mbande syosĩ.

2 Emyatsi yʼEmigulu 36:19

Neryo mobahĩsya enyũmba ya Nyamuhanga, kandi mwasambula ekikunda kyʼeYerũsalema, mobahĩsya amanyũmba awakongotere waho omo muliro, kandi mwaherya ebindu byako bibuya byʼobũgũlĩ bunene byosĩ.

Ezera 2:1

Aba ba bana bʼekihugo abalũa oko bunyegwa bwabo abahũngawa, abo Nebũkadeneza omwami wʼeBabelĩ aheka omo bunyegwa eBabelĩ, abasuba eYerũsalema nʼeYũda, obuli mundu oko mũyĩ wuwe.

Ezera 5:8

Kiminyikale oko mwami, ngoko twingira omo kihugo kyʼeYũda, oko nyũmba ya Nyamuhanga Mukulu, eyahĩmbawa omo mabwe manene manene, nʼemiti ĩhĩrĩrwe omo syombĩmbo; nʼomũbĩrĩ oyũ anemugenda-genda nʼomũhwa nʼeribana omũyĩsa omo byala byabo.

Nehemĩa 11:3

Neryo aba bo bakulu bʼebihugo abĩkala eYerũsalema; nĩkwa omo mĩyĩ yʼeYũda obuli mundu mwĩkala oko kitaka kiwe omo mĩyĩ yabo, Abaĩsraelĩ, nʼabahererĩ, nʼAbalawĩ, nʼabagombe bʼeHekalũ, nʼabana bʼabagombe ba Solomono.

Nehemĩa 2:13

Nʼomo kiro monahuluka oko lũkyo lʼomusya oko luhande lwʼekitehero kyʼeboha, nʼoko lũkyo lwʼekyabũ, monalangira esyombĩmbo syʼeYerũsalema, esyasambulawa, nʼesyongyo syako ĩsyabĩrĩhĩsĩrĩrĩbwa omo muliro.

Nehemĩa 2:17

Neryo monabwirabo nyiti, Mwanamalebya omwatsi mubi ogo tulimo, ngoko Yerũsalema iri mulala, nʼesyongyo syayo syabĩrĩhĩsĩbwa omo muliro; mwase, tũhĩmbe olũhĩmbo lwʼeYerũsalema, situbye kandi nʼekĩtsũmĩ.

Nehemĩa 2:3

Monabwira omwami nyiti, Omwami akote. Busana nakĩ obũsũ bwage sibwangabya nʼobũlĩge omugulu omũyĩ, ahali esisinda syʼabotata wage hakabya mulala, nʼesyongyo syako syabĩrĩhĩsĩrĩrĩbwa omo muliro kwehĩ?

Nehemĩa 7:6

Aba ba bana bʼekihugo abahetuka bakalũa omo bunyegwa bwabo abahũngawa, abo mwami wʼeBabelĩ ye Nebũkadeneza aheka, abasuba eYerũsalema nʼeYũda, obuli mundu oko mũyĩ wuwe,

Esĩterĩ 1:1

Neryo emyatsi eyĩ moyabya oko biro bya Ahasuero, Ahasuero oyo yo watabala erĩtsũka eBũhĩndĩ erĩhĩka eEtĩopĩa, oko bihugo erĩgana nʼamakũmĩ abiri nʼebirinda (127).

Esyonyimbo 79:4

Ebihanda ebĩtũtĩmbĩreko bakatuseka, Bakatuseka nʼerĩtũsekererya.

Emĩsyo 25:28

Oyũteganaya ekĩrĩmũ kiwe Ali ngʼomũyĩ owasambukere owate kwʼesyombĩmbo.

Ĩsaya 43:28

Busana nʼekyo ngandĩsyatsandya abanya-mwami bʼahabũyĩrĩre, nasyayira Yakobo mwʼitakira, na Ĩsraelĩ mo kĩtsũmĩ.

Ĩsaya 5:5

Na lino uleke nyibabwire ekyo nasyakolera eririma lyage lyʼebĩnyũ. Ngandĩlũsyaho ekikunda kyalyo, lyasyahĩsĩbwa. Kandi ngandĩhĩmbũla olũhĩmbo lwalyo, nalyo lyasyalyatangirirwa oko kitaka.

Yeremĩa 24:9

Nasyayirabo ekyʼerĩũbahya nʼebibi omo mami gosĩ wʼekihugo; babye ekĩponĩrwe nʼomũsyo, nʼerisekwa nʼekĩtsũmĩ, ehosĩ eyo nasyapanza-panzirabo.

Yeremĩa 29:18

Kandi nasyakwamabo omo mũyalĩ, nʼenzala, nʼendwala yʼakasũsũ, kandi nasyayirabo mwʼekyʼerĩũbahya omo katĩkatĩ kʼamami wʼekihugo, eribya ekĩtakĩrwe, nʼesyonye nʼekyʼeriahirwa, nʼekyʼeriponwa, omo bihanda byosĩ eyo nahigirabo.

Yeremĩa 39:8

NʼAbakaldea mobahĩsya ekikali kyʼOmwami, nʼamanyũmba wʼabandu omo muliro, mobaterya esyombĩmbo syʼeYerũsalema.

Yeremĩa 42:18

Kusangwa Omwami Mukulu wʼemilondo, Nyamuhanga wa Ĩsraelĩ ati, Ngoko erihitana lyage, nʼeriagalirwa lyage byabĩrĩũtũlĩrwa oko ndũlanĩ syʼeYerũsalema, erihitana lyage ko lyasyũtũlĩrwa litya ũkwʼĩnywe, omugulu mwasyingira eMĩsĩrĩ. Nenyũ mwasyabya kĩtsũmĩ, nʼekindu kyʼenye nʼobutakirwa, nʼekĩponĩrwe. Kandi simwendisyaswalangira hano.

Yeremĩa 5:10

Musambe oko mbĩmbo siwe syʼebĩnyũ, mũherayesyo, nĩkwa simubugirirebo. Mũlũsaye emitahi yiwe; kusangwa si yʼOmwami Mukulu.

Yeremĩa 52:14

Nʼomulondo gosĩ wʼabasĩrĩkanĩ bʼAbakaldea, owabya haguma nʼomukulu wʼabateya mobasambula esyombĩmbo syosĩ syʼeYerũsalema erĩtĩmba ehosĩ.

Ekiriro 1:7

Yerũsalema omo biro byʼobũlĩge nʼeriagalwa liwe, Akibuka ebibuya biwe byosĩ Ebyabya oko mugulu wa kera. Omugulu abandu buwe bawa omo byala byʼenzĩgũ, Isihali mundu wʼerĩmũwatĩkya, Esyonzĩgũ siwe mosyamulolako Mosyasekererya erihwa liwe.

Ekiriro 2:9

Esyongyo syamatsikira omo kitaka, Abĩrĩherya nʼeritulanga emĩkangyĩ yako. Omwami wako nʼabanya-mwami bako bali omo katĩkatĩ kʼebihanda. Emigambo siyikiri. Kandi abamĩnyererĩ bako sibebana erilota lĩkalũa oko Mwami Mukulu.

Ekiriro 3:61

Uwe Mwami Mukulu, wabĩrĩowa eritsuma lyabo, Nʼesyombĩta syabo syosĩ busana nage.

Ekiriro 5:1

Uwe Mwami Mukulu, Wibuke ekyabĩrĩtũhĩkako. Ũlebaye, ulangire erihemulwa lyetu!

Abalawĩ 26:31

Kandi nasyayira emĩyĩ yenyũ mo bĩma, nʼahabũyĩrĩre henyũ nasyatsandyaho, kandi sindiendisyakumbirwa oko bumba bwʼekikumbo kĩsĩhĩre kyenyũ.

Abalawĩ 26:33

Nĩkwa, Ĩnywe, nasyabapanza-panzira omo bihanda, kandi nasyabakulira omũyalĩ; nʼekihugo kyenyũ kyasyabya mulala, nʼemĩyĩ yenyũ yasyasinduka.