Mĩka 7:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nasyaheka erihitana lyʼOmwami Mukulu, kusangwa nabĩrĩmũhalyako, erĩhĩka aho asyahanganira omwatsi wage, nʼerĩhĩka aho asyaberererya erĩbanza busana nage. Asyanyĩhũlũkĩrya eyĩhya omo kyakakala, nage nasyasamalira eritunganene riwe.

Mĩka 7:9 Iomraidhean Croise

2 Samwelĩ 24:17

Neryo Dawĩdĩ mwabũga nʼOmwami Mukulu omugulu alangira omũlaĩka akaswĩrya bandu, ati, Lebaya, nabĩrĩhalya, kandi nabirikola ekibi; nĩkwa esyombũlĩ esĩ, syakolĩrekĩ kwehĩ? kĩsĩ-kĩsĩ nyiti, ebyala byawe bilwe nage, bibye oko kĩtũnga kya tata wage.

Yobũ 23:10

Nĩkwa anasĩ enzira ngayamo; Omugulu amabinyirengako, nasyahuluka ngʼesyamagetsi.

Yobũ 35:14

Yobũ, uti sulitoka erilangira Nyamuhanga, Nĩkwa umulinde, omwatsi wawe ali embere siwe.

Esyonyimbo 119:154

Wimire omwatsi wage, unyibohole; Ũnyĩlamaye, ngoko wabirilaga!

Esyonyimbo 37:6

Asyaleka eritunganene ryawe ĩryakangabasanĩa ngʼekyakakala, Kandi asyaleka eritunganene lyawe ĩryakolerya ngʼeritungi.

Esyonyimbo 43:1

Uwe Nyamuhanga, ũbũge uti Sindi ko lubanza, Unyihanganire omo kihanda ekitekenga Nyamuhanga; Ũnyĩlamaye oko mundu oyukabiha, nʼoko mubi.

Esyonyimbo 7:6

Uwe Mwami Mukulu, uhangane omwʼihitana lyawe, Unyihanganire okwʼikarama lyʼesyonzĩgũ syage! Ubuke, ũnyĩwatĩkaye; kusangwa ukasonda erĩbanza litunganene.

Esyonyimbo 94:15

Erĩbanza lyasyaswabanika omwʼĩbũgĩro lyʼeritswera, Nʼabandu batunganene bosĩ basyahanganiralyo.

Ĩsaya 42:16

Kandi nasyasondola esyondĩmatĩme omo nzira esyo batasĩ. Nʼomo syonzira batasĩ nasyasondolabo. Nasyayira omwĩrĩmya mo kyakakala embere syabo, nʼahatakomĩre mo bwerere. Nasyakola emyatsi eyĩ. Sĩndĩendĩsyasĩgayo ĩtakolĩre.

Ĩsaya 42:7

erĩrĩbũla ameso wʼesyondĩma-tĩme, erĩhũlũkya ababohwa omo buhya bʼomũlĩkĩ, nʼerĩlũsya abĩkere omo mwĩrĩmya balũe omo nyũmba yʼomũlĩkĩ.

Ĩsaya 46:13

Ngaleta eritunganene ryage hakũhĩ, siriri hali. Omulamo wage siendisyamala. Kandi nasyaha omulamo eSĩonĩ, nʼolukengerwa lwage busana na Ĩsraelĩ.

Ĩsaya 51:22

Omukama wawe atya, Omwami Mukulu, na Nyamuhanga wawe, oyukimanira omwatsi wʼabandu buwe ati, Lebaya, nabĩrĩlũsya omo byala byawe olũtehĩ lwʼerĩtwĩkangalya, ekyo kye kibindi kyʼolũtehĩ lwʼerihitana lyage, sĩwendĩsyaswapũlyalo kandi.

Ĩsaya 56:1

Omwami Mukulu akabũga ati, Mũtegaye erĩbanza litunganene, kandi mukole eritunganene, kusangwa omulamo wage ali hakũhĩ nʼerĩhĩka, nʼeritunganene lyage lyasyabĩsũlwa.

Yeremĩa 10:19

Obũlĩge ũkwʼĩngye busana nʼerĩbũnĩka lyage! Ekironda kyage kikagana eribala. Nĩkwa monabũga nyiti, Kwenene eyĩ ni ndwala, nage litolere inahekayo.

Yeremĩa 14:7

Nomo ebibi byetu bikatuhandikirira, uwe, Mwami Mukulu, Ukole busana nʼerĩna lyawe. Kusangwa kwenene eritswa lyetu ni ringi. Twabĩrĩkũhalyako.

Yeremĩa 51:10

Omwami Mukulu abĩrĩhũlũkya eritunganene lyetu. Mwase tũkanganaye eSĩonĩ omũbĩrĩ wʼOmwami Mukulu Nyamuhanga wetu.

Ekiriro 1:18

Omwami Mukulu yutunganene, Kusangwa nabirihona oko kihano kiwe. Mowe lino, ĩnywe bandu bosĩ, Kandi mũlebaye obũlĩge bwage. Abambesa bage nʼabalwana bage Babiriya omo bunyegwa.

Abalawĩ 26:41

Nage monalwa nabo, eriretabo omo kihugo kyʼesyonzĩgũ syabo; neryo emitima yabo itabwene yamayĩkehya, nabo basyaliha olubanza lwʼebibi byabo;

Malakĩ 3:18

Neryo mwasyasubula, mwasyasombola nʼeriminyerera omo katĩkatĩ kʼabatunganene nʼababi, nʼomo katĩkatĩ kʼoyukakolera Nyamuhanga, nʼoyutemukolera.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

2 Timoteo 4:8

Kandi nabiribikirwa embĩta yʼeritunganene eyo Mukama, Omũtswerĩ oyutunganene, asyamba oko Kiro ekyo. Kandi si busana nage ĩngyowene, nĩkwa asyahayo oko bosĩ abanzĩre eributuka liwe.

Eribisurirwa 18:20

Uwe lubula, utsemerego! Nʼinywe bandu ba Nyamuhanga, nʼabakwenda, nʼabamĩnyererĩ, mutsemerego! Kusangwa Nyamuhanga abiritswerago busana nenyũ.

1 Samwelĩ 24:15

Neryo Omwami Mukulu abye mũtswerĩ, atwe olubanza omo katĩkatĩ kage nawe, kandi alangire, imire omwatsi wage, kandi anyĩlamaye omo byala byawe.

1 Samwelĩ 25:39

Neryo omugulu Dawĩdĩ owa ko Nabalĩ abirihola, mwabũga ati, Omwami Dawĩdĩ akahalaya Saũlo kandi Mukulu apipawe, kusangwa abĩrĩkĩsya omwatsi wʼebĩtsũmĩ byage omo byala bya Nabalĩ, kandi abĩrĩkakĩrya omugombe wuwe erikola ebibi. Nʼerikola nabi lya Nabalĩ, Omwami Mukulu abĩrĩsũbyalyo oko mutwe wuwe. Kandi Dawĩdĩ mwatuma erĩyabũlya busana na Abĩgaĩlĩ busana nʼerĩmũhĩkya.

1 Samwelĩ 26:10

Neryo Dawĩdĩ mwabũga nibya ati, Ngoko Mwami Mukulu aliho, Omwami Mukulu asyamutsimita; kutse ekiro kiwe kyʼerihola kyasyahĩka; kutse asyandagalira omo malwa, iniahola.

1 Samwelĩ 3:18

Neryo Samwelĩ mwamubwira ebyosĩ-ĩbyosĩ, mwatamũbĩsako nʼekiguma. Neryo Elĩ mwabũga, ati, Yo nʼOmwami Mukulu. Akole ekyowene omo meso wuwe.