Mĩka 7:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Uwe enzĩgũ yage, Sunyitsemere; nomo nangawa, nasyahangana; omugulu ngĩkala omo mwĩrĩmya, Omwami Mukulu asyabya kyakakala busana nage.

Mĩka 7:8 Iomraidhean Croise

Yobũ 31:29

Sinditatsemera esyonzĩgũ syage omugulu sĩkakwa, Kutse eritsema omugulu ebibi bĩkamwĩta;

Esyonyimbo 112:4

Busana nʼabandu babuya ekyakakala kĩkakoleraya omo mwĩrĩmya, Kandi busana nʼababuya, nʼabʼeriganyira, nʼabʼerĩbanza litunganene.

Esyonyimbo 143:3

Enzĩgũ yage yabĩrĩnyendererya, Yabĩrĩnyĩkĩnda kutsibu; Yabĩrĩnyĩhĩra omo nyũmba yʼomũlĩkĩ ahali omwĩrĩmya, ngʼabandu bahola kera.

Esyonyimbo 20:8

Ibo bakũnama, eritogera ahisi, Nĩkwa ĩtwe twasyahangana, nʼeriimana ndeke!

Esyonyimbo 27:1

Omwami Mukulu ni kyakakala kyage, nʼerilama lyage; Nasyubahandi kwehĩ? Omwami Mukulu akahanganira engebe yage; Sindiendisyubaha mundu.

Esyonyimbo 35:19

Suleke esyonzĩgũ syage, ababehĩ abo, Erinyitsemera omugulu ngakĩndawa! Suleke abakanyĩkwa obusu butsira mwatsi bakanyĩkoherya erĩso lyo nabi!

Esyonyimbo 37:21

Ababi bakayibweka, ĩbataswatũha, Nĩkwa omundu oyutunganene akahĩtaya, kandi ni mwenge.

Esyonyimbo 37:24

Nomo angatoga, sĩendĩsyasĩgalaho, Kusangwa Omwami Mukulu akamuhamba omo byala biwe.

Esyonyimbo 38:16

Suleke esyonzĩgũ syage sikanyitsemera omo bũlĩge bwage; Suleke bakayihalamba omugulu ngatoga!

Esyonyimbo 84:11

Kusangwa Omwami Mukulu Nyamuhanga nĩ mũhanganĩrĩ wage, nʼomwami wʼolukengerwa, Omwami Mukulu akatutsumula nʼobubuya nʼerĩsĩkya. Sialikaga ekindu nʼekiguma kibuya oko bakakola ebitunganene.

Esyonyimbo 97:11

Ekyakakala kĩkakoleraya abatunganene, Nʼobutseme buli oko babuya omo mutima

Ĩsaya 2:5

Ĩnywe kĩtũnga kya Yakobo mwase, tulendere omo kyakakala kyʼOmwami Mukulu.

Ĩsaya 49:9

Nʼeribwira ababohĩre, nyiti, Muhuluke; nʼeribwira abali omo mwĩrĩmya nyiti, Mũyĩkanganaye. Basyalira omo nzira, nʼahendata hosĩ hasyabya obũlĩsĩryo bwabo.

Ĩsaya 50:10

Nindi omo katĩkatĩ kenyũ oyukubaha Omwami Mukulu, oyũkowa omulenge wʼomugombe wuwe kwehĩ? Oyukagenda omo mwĩrĩmya, isiawite ekyakakala kwehĩ? Ayiketere erĩna lyʼOmwami Mukulu, ayisinge Nyamuhanga wuwe.

Ĩsaya 9:2

Abandu abakalendera omo mwĩrĩmya basyalangira ekyakakala kinene. Ababya bĩkere omo kihugo kyʼekyũtsũtsũ kyʼoluholo, ekyakakala kyasyakolerya kubo.

Yeremĩa 48:27

Kandi nawe mũtasekererya Ĩsraelĩ kwehĩ? Kutse mwabanika omo katĩkatĩ kʼabarahĩ kwehĩ? Kusangwa emigulu yosĩ ukamwahula ĩnũkatsĩngaya omutwe.

Yeremĩa 50:11

Abandu bʼeBabelĩ, momwahũnga ekihanda kyage. Nomo mũnatsemĩre nʼeritsanga, mukalendera ngʼenyana eyĩkahũmba engano, kutse ngʼesabayĩrĩ eyikama.

Yeremĩa 8:4

Kandi wasyabwirabo uti, Omwami Mukulu ati, Abandu bakawa nʼeritindaswahangana kwehĩ? Omundu akatswa, ĩnĩatabũnũkala kwehĩ?

Ezekĩelĩ 25:6

Kusangwa Omukama Iye Omwami Mukulu ati, Kusangwa wabirikangatira ebyala byawe, nʼerĩhĩndanga esyongyĩndo syawe nʼeritsema eriniga-niga lyʼomutima wawe oko kihugo kya Ĩsraelĩ,

Ezekĩelĩ 35:15

Ngoko watsemera omwandu wʼekihanda kya Ĩsraelĩ, kusangwa kyabya kĩma, ko nasyakukola nyitya. Nawe wasyabya kĩma, uwe kitwa kyʼeSeĩrĩ, nʼeEdomũ hosĩ, eyosĩ yakyo. Neryo basyaminya ko ndi Mwami Mukulu.

Ezekĩelĩ 36:5

Neryo, Omukama Iye Omwami Mukulu ati, Kwenene omo muliro wʼobũha bwage nabĩrĩbũga oko bindi bihanda, nʼoko Edomũ yosĩ, abayihambira ekitaka kyage eribya nzĩgalĩbwa haguma nʼobutseme bwʼemitima yabo yosĩ, haguma nʼepono yʼekĩrĩmũ, erĩĩmya obũlĩsĩryo mo bunyegwa.

Amosĩ 9:11

Oko kiro ekyo nasyasingika enyũmba ya Dawĩdĩ eyatera, nʼeririba ebihundu byayo; nasyahanganĩa ahasambukala, nʼerĩswahĩmbayo ngoko yabya kera;

Obadĩa 1:12

Nĩkwa Susamalire nʼobutseme ekiro kyʼomugala wenyũ, kyo kiro kyʼobũlĩge buwe; kandi Sutseme busana nʼabana ba Yũda oko kiro kyʼerĩherĩbwa lyabo; kutse sũbũge nʼeriyipipa oko kiro kyʼobũlĩge bwabo.

Mĩka 4:10

Uwe mwali wʼeSĩonĩ wagalawe, ukunde busana nʼeributa, ngʼomũkalĩ kwʼakakunda; kusangwa lino ũkandĩlũa omo mũyĩ, Wasyĩkala omo kisuki, wasyahĩka eBabelĩ. Eyo wasyalamĩbwa; eyo Omwami Mukulu asyakũtongolya omo byala byʼesyonzĩgũ syawe.

Mĩka 7:10

Neryo enzĩgũ yage yasyasamalirakyo, nʼesĩsonĩ syasyaswika oyo wambwira ati, Omwami Mukulu, Nyamuhanga wawe, ali hahi kwehĩ? Ameso wage asyasamalira; nayo yasyalyatangirirwa ngʼolondo lwʼenzira.

Zekarĩa 12:8

Oko kiro ekyo, Omwami Mukulu asyalwira esyondũlanĩ syʼeYerũsalema; oyuli molo omo katĩkatĩ kabo oko kiro ekyo asyabya nga Dawĩdĩ; nʼekĩtũnga kya Dawĩdĩ kyasyabya nga Nyamuhanga, ngʼomũlaĩka wʼOmwami Mukulu embere syabo.

Malakĩ 4:2

Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo.

Matayo 4:16

Abandu abĩkere omo mwĩrĩmya, Mobalangira ekyakakala kinene! Kandi busana nʼabĩkere omo kihugo nʼomo kyũtsũtsũ kyʼoluholo, Ekyakakala kyamakoleryabo!

Yoane 16:20

Kwenene, kwenene ngabũga nenyũ nyiti, Mwasyalira nʼerilaka, nĩkwa ekihugo kyasyatsema. Mwasyabya nʼobũlĩge, nĩkwa obũlĩge bwenyũ bwasyahinduka mo butseme.

Yoane 8:12

Kandi Yesu mwaswabũga nabo ati, Ingye indi kyakakala kyʼekihugo. Oyukanyikwama siendisyalendera omo mwĩrĩmya, nĩkwa asyabya nʼekyakakala kyʼengebe.

Emibiri 26:18

Ũkandisyalĩbũla ameso wabo, ibatoka eribinduka erĩlũa omo mwĩrĩmya nʼeribindukira ekyakakala, nʼeribinduka erĩlũa oko butabale bwʼeSatanĩ nʼeribindukira Nyamuhanga. Neryo busana nʼerĩnyĩkĩrĩrya babane eribuyirwa lyʼebibi, kandi babane omwanya omo katĩkatĩ kʼabandu abo Nyamuhanga abiriyisoga, nʼabo abirihigula.

2 AbanyaKorinto 4:6

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.

2 AbanyaKorinto 4:9

Tũkendererĩbawa, nĩkwa sĩtwesĩganĩbawa ĩtwebene; tũkahũnzawa, nĩkwa sĩtũlĩtogotĩbawa.

Eribisurirwa 21:23

Kandi omũyĩ oyo siali nʼobwaga bwʼeryuba kutse omukera byʼerĩkolerya mugo, kusangwa olukengerwa lwa Nyamuhanga lũkakolerayago nʼetala yago ni Kyana kyʼEmbũlĩ.

Eribisurirwa 22:5

Neryo sĩbwendĩsyĩra kandi eyo, kandi sibendisyabya nʼobwaga bwʼekyakakala kyʼetala, kutse ekyakakala kyʼeryuba, kusangwa Omukama Nyamuhanga asyakoleryabo, basyatabala kera na kera.