Mĩka 7:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Suyiketere omũlĩkyenyũ, suyiketere omwĩra wawe. Ũtegaye emĩnywa yawe oko mũkalĩ oyukagotsera oko kĩkũba kyawe.

Mĩka 7:5 Iomraidhean Croise

Esyonyimbo 141:3

Uwe Mwami Mukulu, ũhĩre omũteya oko buno bwage, Kandi ũtegaye olũkyo lwʼemĩnywa yage.

Esyonyimbo 38:14

Inga, nyiri ngʼomundu oyũtesũbĩraya, Kusangwa sĩalĩowa.

Esyonyimbo 41:9

Ega, omwĩra wage mubuya, oyo nayiketera, Oyo walya oko kalyo kage, Abĩrĩnyĩlolya kʼomugongo.

Yeremĩa 9:3

Bakakondomaya olulimi lwabo ngʼobuta bwabo, amabehĩ nʼebite kwenene biri omo kihugo. Kusangwa abakakwamirira ebibi oko bibi, kandi sĩbanyasĩ, Omwami Mukulu atya.

Yeremĩa 9:4

Mũyĩrebaye, obuli mundu na mũlĩkyabo, kandi Simuyiketere mugala wenyũ nomo angabyandi, kusangwa obuli mugala wabo nĩ mũsĩngũlĩ, nʼobuli mũlĩkyabo akagala-ganda busana nʼerirega ogundi.

Ekiriro 1:2

Akalira kutsibu omo kiro, Nʼemĩsonĩa yiwe iri oko matema wuwe. Omo baragane buwe bosĩ, Siawite nʼomuguma wʼerĩmũkĩranĩa. Abĩra buwe bosĩ babirimuteba. Babiribya nzĩgũ siwe.

Matayo 10:16

Lebaya, ngabatuma ngʼesyombũlĩ omo katĩkatĩ kʼesyombwa syʼomolĩ. Neryo mubye nʼamenge ngʼesyonzoka, kandi mubye bandu bolo ngʼehĩrĩkũkũ.

Abatswerĩ 14:17

Naye mwalirira embere siwe ebiro birinda, ebiro bikulu byabo ibikineho; neryo oko kiro kyʼebirinda mwamubwira kusangwa amuhatikana kutsibu; naye mwabwira abana bʼekĩtũnga kiwe endekerano eyo.