Mĩka 7:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Akandisyaswatuganyira; asyalyatangirira ebibi byetu omwisi wʼebisando; ega, wasyagusa ebibi byabo byosĩ omo mitobero yʼengetsi.

Mĩka 7:19 Iomraidhean Croise

2 Samwelĩ 24:14

Neryo Dawĩdĩ mwabwira Gadĩ, ati, Namabulirwa kutsibu; tuwe lino omo byala byʼOmwami Mukulu; kusangwa eriganyira liwe nĩʼnene; kandi Suleke ngawa omo byala byʼomundu.

Esyonyimbo 103:12

Ngoko endata iri hali kwʼeyĩkwa, Abĩrĩlũsya ebibi byetu byo hali kwĩtwe atya.

Esyonyimbo 130:8

Asyatongolya abandu buwe Abaĩsraelĩ, Kwʼebibi byabo byosĩ.

Esyonyimbo 85:3

Wabĩrĩũmbya erihitana kubo, Kandi Wabirireka erikarama lyawe.

Ĩsaya 33:24

Kandi sihali ndũlanĩ eyĩkandĩsyabũga iti, Nyilwere. Abandu abĩkeremo basyabuyirwa ebibi byabo.

Ĩsaya 38:17

Lebaya, busana nʼobuholo monabya nʼerĩsĩrĩkalira lingi. Ni we wabiribika omutima wage eritendibya omo buhya bwa busa. Kusangwa wabirigusa ebibi byage byosĩ enyũma syʼomugongo wawe.

Ĩsaya 43:25

Ĩngye, nĩna ngye, oyukasangula ebibi byenyũ busana nage ĩngyowene. Kandi sindiendisyibuka ebibi byawe.

Yeremĩa 31:20

Efũraĩmũ ni mwana wage mwanze kwehĩ? Iye ni mwana wʼerĩtsemesya kwehĩ? Kusangwa emigulu yosĩ ngamuhayira, nyikinamwibuka kutsibu. Kusangwa omutima wage akamũkwa olukando. Omwami Mukulu ati, Kwenene nasyamuganyira.

Yeremĩa 31:34

Nabo sĩbendĩsyaswakangĩrĩrya obuli mundu mũlĩkyabo, kutse obuli mundu mugala wabo, bati, Muminye Omwami Mukulu; kusangwa abosĩ basyanyiminya, erĩtsũka oko muke wabo erĩhĩka oko mukulu wa kubo, Omwami Mukulu atya; kusangwa nasyabuyira amalolo wabo, nʼebibi byabo sindiendisyaswibukabyo.

Yeremĩa 33:8

Kandi nasyeryabo kwʼebibi byabo byosĩ, ebyo banyĩhalayako. Kandi nasyabuyirabo ebibi byabo byosĩ ebyo banyikolera, nʼebyo banyĩhalayako.

Yeremĩa 50:20

Oko biro ebyo, nʼoko mugulu oyo, Omwami Mukulu ati, ekibi kyʼeĨsraelĩ kyasyasondĩbwa, isikiri, nʼebibi bya Yũda, sibyendisyabanika. Kusangwa nasyabuyira abo nasyasĩga mo bĩsĩgalira.

Ekiriro 3:22

Ebibuya byʼOmwami Mukulu byalekĩre ĩtũtaherĩbwa, Kusangwa eriganyira liwe sĩrĩrĩũmbaya.

Ekiriro 3:32

Nomo angamwagalĩranĩa, Nĩkwa asyaganyira ngʼobungi bwʼerisasira liwe.

Ezekĩelĩ 18:22

Erĩhalya liwe lyosĩ eryo abirikola siryendisyibukwa ukwʼiye. Busana nʼeritunganana liwe eryo abirikola asyabyaho.

Ezekĩelĩ 39:29

Kandi sĩndĩendĩsyaswabĩsa obũsũ bwage bo kubo, kusangwa nasyũtũlĩra Omũlĩmũ wage oko kihanda kya Ĩsraelĩ Omukama Iye Omwami Mukulu atya.

Danĩelĩ 9:24

Amayenga makũmĩ alinda abirihamulwa busana nʼabandu bawe, nʼoko mũyĩ wawe abũyĩrĩre eribuga amalolo nʼeribuga ebibi, nʼerireta embanulo busana nʼebibi, nʼerireta eritunganene rya kera na kera, nʼerĩhĩra ekĩbohĩ okwʼilota nʼobũmĩnyererĩ, nʼerĩhakabya amagũta ahabũyĩrĩre kutsibu.

Hosea 14:2

Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Hosea 14:4

Ngandĩsyalamya erisuba enyũma lyabo, nasyanzabo ndeke; kusangwa erihitana lyage lyabĩrĩlũa kubo.

Zekarĩa 3:4

Naye mwasũbĩrya mwabũga nʼababya bahangene embere siwe, ati, Mumwambule kwʼesyongimba esĩtũnda-tũndĩre. Neryo mwamubwira ati, Lebaya, Nabirikutendula kwʼamalolo wawe, nage ngandĩkwambalya esyongimba syʼobukama.

AbanyaRoma 6:14

Kusangwa ebibi sibikibawite ko hamũlĩ, kusangwa Simuli oko Migambo nĩkwa oko lukogo lwa Nyamuhanga.

AbanyaRoma 8:13

Kusangwa mwamakwama obũlengekanĩa bwʼomubiri mwasyahola; nĩkwa omo maka wʼOmũlĩmũ mwamĩta emikolere yʼomubiri, mwasyabyaho.

Eryibuka Ebihano 30:3

neryo Omwami Mukulu Nyamuhanga wenyũ asyabasũbya erĩbalũsya oko bunyegwa, nʼeribaganyira, nʼerĩbahĩndanĩa kandi erĩbalũsya omo bihanda byosĩ eyo Mwami Mukulu Nyamuhanga wenyũ abapanza-panzira.

Eryibuka Ebihano 30:6

Kandi Omwami Mukulu Nyamuhanga wenyũ asyabanĩa emitima yenyũ, nʼemitima yʼabana benyũ erianza Omwami Mukulu Nyamuhanga wenyũ nʼomutima wenyũ gosĩ, nʼekĩrĩmũ kyenyũ kyosĩ, imwatoka eribyaho.

Eryibuka Ebihano 32:36

Kusangwa Omwami Mukulu asyakola erĩbanza busana nʼabandu buwe, Nʼeriganyira abagombe buwe; Omugulu akalangira amaka wabo iniahwere, Isihali oyũsĩgere, oyũbohĩrwe kutse oyũtabohĩrwe.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 8:12

Nasyaganyira amalolo wabo, Kandi sindiendisyaswibuka ebibi byabo.

1 Yoane 3:8

Nĩkwa oyukakola ebibi ni wʼeSatanĩ, kusangwa Satanĩ atula akakola ebibi erĩtsũka erĩmbere. Omugala wa Nyamuhanga mwaminyikala busana nʼomwatsi oyũ wʼerĩherya emĩbĩrĩ yʼeSatanĩ.