Mĩka 7:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Nindi yo Nyamuhanga nga we, oyukabuyira ebibi, nʼerikiruka okwʼihona lyʼamasĩgalira wʼabandu buwe kwehĩ? Sialibika erihitana liwe kera na kera, kusangwa akatsemera obubuya bʼolwanzo.

Mĩka 7:18 Iomraidhean Croise

Enzũko 4:7

Wamakola ndeke, sĩwendĩsyalĩgwa kwehĩ? neryo wamatindakola ndeke, ebibi bĩnasũnamĩre oko lũkyo, iwakola ekyo wanzĩre, nĩkwa utabale kubyo.

1 Abami 8:23

Mwabũga ati, Uwe Mwami Mukulu, Nyamuhanga wa Ĩsraelĩ, sihali Nyamuhanga oyuli nga we, omo lubula endata, kutse omo kihugo eyĩkwa; oyũkategaya endagane nʼobubuya bwʼolwanzo busana nʼabagombe bawe, abakalendera embere syawe nʼomutima wabo gosĩ.

2 Emyatsi yʼEmigulu 30:9

Kusangwa mwamasuba oko Mwami Mukulu, abagala benyũ nʼabana benyũ basyabana eriganyirwa embere wʼabahekabo mo banyegwa, nabo ibasuba omo kihugo ekĩ; kusangwa Omwami Mukulu Nyamuhanga wenyũ ni wʼolukogo nʼowʼeriganyira, ĩsĩendĩsyalũsya obũsũ buwe ũkwʼĩnywe, mwamamusubako.

2 Emyatsi yʼEmigulu 6:21

Uhulikirire eriremba-lemba lyʼomugombe wawe, neryo abandu bawe Abaĩsraelĩ, omugulu basyasaba nʼerĩlolya hano; ega, omo bwĩkalo bwawe, elubula, uhulikirire; nʼomugulu ũkowa, ubuyire.

Nehemĩa 9:17

Mobagana erihulikirira, kandi mobatetibuka emĩbĩrĩ yʼeriswekera yawe eyo wakola omo katĩkatĩ kabo, nĩkwa mobakala, nʼomwʼihona lyabo mobayĩhĩrĩra omukulu bati basube omo bukobe bwabo eMĩsĩrĩ. Nĩkwa uwe uli Nyamuhanga wʼeribuyira, owʼeriganyira nʼowʼolukogo, sulihitana lũba, uwite obubuya bwʼolwanzo lunene, kandi mutetasĩganĩabo.

Esyonyimbo 103:13

Ngoko ĩse wʼabana akaganyirabo, Litya Omwami Mukulu akaganyira abandu abakamubaha.

Esyonyimbo 130:4

Nĩkwa uwe ukatubuyira, Itwatoka erikubaha.

Esyonyimbo 35:10

Nasyabwira Omwami Mukulu nʼomutima wage gosĩ, nyiti, Nindi alingene nawe! Uwe ukahanganira abandu bolo oko bandu bʼamaka, Uwe ũkalamaya abera nʼabali nʼobwaga oko yũkamũhũngako!

Esyonyimbo 65:3

Busana nʼebibi byabo. Erĩhalya lyetu lĩkatũkĩnda, Nĩkwa wasyabuyiralyo.

Esyonyimbo 65:4

Obutseme buli ukwʼabo ukayisoga, Abo ukaleta erĩĩkala aho wawe habũyĩrĩre! Twasyũgũta, busana nʼemyatsi yowene yʼenyũmba yawe, Eritsumula lyʼeHekalũ yawe ĩbũyĩrĩre!

Esyonyimbo 71:19

Uwe Nyamuhanga, eritunganene ryawe rĩkahĩka oko kyanya. Wabirikola emyatsi mikulu; Uwe Nyamuhanga, nindi ali nga we kwehĩ?

Esyonyimbo 86:15

Nĩkwa uwe Mukama, uli Nyamuhanga wʼeriganyira, nʼowʼolwanzo. Sulihitana lũba, uli wʼobwenge ebiro byosĩ, Suliregula.

Esyonyimbo 86:5

Uwe Mukama, uli mubuya, kandi ukabwira, Woswĩre mwʼolwanzo olutyusa busana nʼabosĩ abakakulakira.

Esyonyimbo 89:6

Omo lubula sihali mundu ngʼOmwami Mukulu. Nindi yuli ngʼOmwami Mukulu omo katĩkatĩ kʼababũyĩrĩre bʼelubula kwehĩ?

Esyonyimbo 89:8

Uwe Mwami Mukulu, Nyamuhanga Wʼemilondo, sihali mundu wʼamaka nga we; Uwe Mwami Mukulu, omo myatsi yosĩ Suliregula.

Erĩlũayo 15:11

Uwe Mwami Mukulu, nindi yuli nga we, Omo katĩkatĩ kʼesyonyamuhanga kwehĩ? Nindi yuli nga we owʼolukengerwa nʼomũbũyĩrĩre kwehĩ? Owʼeriubahwa omwʼipipa, erikola ebyʼeriswekera?

Erĩlũayo 34:9

Neryo mwabũga ati, Lino namabana olukogo omo meso wawe, Uwe, Omwami Mukulu, ngakusaba, nyiti, Uleke Omwami Mukulu alabe omo katĩkatĩ ketu; nʼomo bane bandu bʼebĩkya bĩkalĩre; kandi utubuyire amalolo wetu nʼebibi byetu, kandi ũtwĩmaye mo mwandu wawe.

Ĩsaya 1:18

Omwami Mukulu ati, Mwase lino, tũkanaye haguma. Nomo ebibi byenyũ byangabya ngʼengula, byasyabya byeru ngʼenzururu. Nomo byangabya ngʼomunyama, byasyabya ngʼobweya bwʼesyombũlĩ.

Ĩsaya 33:24

Kandi sihali ndũlanĩ eyĩkandĩsyabũga iti, Nyilwere. Abandu abĩkeremo basyabuyirwa ebibi byabo.

Ĩsaya 38:17

Lebaya, busana nʼobuholo monabya nʼerĩsĩrĩkalira lingi. Ni we wabiribika omutima wage eritendibya omo buhya bwa busa. Kusangwa wabirigusa ebibi byage byosĩ enyũma syʼomugongo wawe.

Ĩsaya 40:18

Mwasyalĩngĩrĩranĩa Nyamuhanga nandi kwehĩ? Kutse mwasyamũlĩngĩrĩranĩa nʼekĩsosekanĩo kyahi kwehĩ?

Ĩsaya 40:25

Oyũbũyĩrĩre ati, Mwasyanyĩsosekanĩa nandi, muti inalingirirana naye kwehĩ?

Ĩsaya 43:25

Ĩngye, nĩna ngye, oyukasangula ebibi byenyũ busana nage ĩngyowene. Kandi sindiendisyibuka ebibi byawe.

Ĩsaya 44:22

Nabirisangula ebibi byawe ngʼekĩtũ kinene, nʼamalolo wawe ngʼobuheha bũlĩtohĩre. Unyisubeko, kusangwa nabĩrĩkũtongolya.

Ĩsaya 55:7

Omubi aleke enzira yiwe, Nʼomundu utatunganene aleke amalengekanĩa wuwe. Asube oko Mwami Mukulu, Naye asyamuganyira; Asube ahali Nyamuhanga wetu, Kusangwa asyamubuyira ndeke.

Ĩsaya 57:10

Wabya iwamaluha busana nʼobuli bwʼenzira yawe, nĩkwa mũtabũga uti, Sihakiri maha. Mowabana erisuba lyʼamaka wawe, busana nʼekyo mutalembera.

Ĩsaya 57:16

Kusangwa sindiendisyalwa biro byosĩ, kutse sinangabya ngahitana ebiro byosĩ, kusangwa ekĩrĩmũ kyanganalemberera embere syage, nʼomuka wʼabandu nahangika.

Ĩsaya 62:5

Kusangwa ngoko omũlwana akaherũkaya omumbesa, litya abagala bawe ko basyakũhĩkya batya. Kandi ngoko ĩba wʼomũherũkĩ akatsemera Omũherũkĩ, Nyamuhanga kwʼasyakutsemera atya.

Ĩsaya 64:9

Uwe Mwami Mukulu, suhitane kwilaba olulengo, kutse Siwibuke ebibi kera na kera. Lebaya, usamalire, ĩtwe bosĩ tuli bandu bawe.

Ĩsaya 65:19

Kandi nasyatsemera eYerũsalema, nʼerĩyĩsyandirira omo bandu bage, neryo sĩhendĩsyasyowĩbwa omulenge wʼekiriro nʼomulenge wʼerĩsũsũmanĩa.

Yeremĩa 3:12

Ugende, ũtũle ebĩnywa ebĩ oko luhande lwʼelutambi lwʼendata nʼerĩbũga uti. Omwami Mukulu ati, Ĩsraelĩ, oyukalegula, subula. Omwami Mukulu ati, Sindiendisyakutungerera omwʼihitana, kusangwa indi wʼeriganyira, sindiendisyabika erihitana erĩhĩka kera na kera.

Yeremĩa 3:5

Asyabika erihitana liwe erĩhĩka kera na kera kwehĩ? Asyabikalyo erĩhĩka oko ndũlĩ kwehĩ? Lebaya, wabĩrĩbũga nʼerikola emyatsi mibi, wabirikwama enzira yawe.

Yeremĩa 31:20

Efũraĩmũ ni mwana wage mwanze kwehĩ? Iye ni mwana wʼerĩtsemesya kwehĩ? Kusangwa emigulu yosĩ ngamuhayira, nyikinamwibuka kutsibu. Kusangwa omutima wage akamũkwa olukando. Omwami Mukulu ati, Kwenene nasyamuganyira.

Yeremĩa 31:34

Nabo sĩbendĩsyaswakangĩrĩrya obuli mundu mũlĩkyabo, kutse obuli mundu mugala wabo, bati, Muminye Omwami Mukulu; kusangwa abosĩ basyanyiminya, erĩtsũka oko muke wabo erĩhĩka oko mukulu wa kubo, Omwami Mukulu atya; kusangwa nasyabuyira amalolo wabo, nʼebibi byabo sindiendisyaswibukabyo.

Yeremĩa 32:41

Ega, nasyatsemerabo erikolerabo ebibuya, kandi nasyahandabo kwenene kwenene omo kihugo ekĩ nʼomutima wage gosĩ nʼomo kĩrĩmũ kyage kyosĩ.

Yeremĩa 33:8

Kandi nasyeryabo kwʼebibi byabo byosĩ, ebyo banyĩhalayako. Kandi nasyabuyirabo ebibi byabo byosĩ ebyo banyikolera, nʼebyo banyĩhalayako.

Yeremĩa 38:8

Neryo Ebedĩmelekĩ mwahulukira eyĩhya oko kikali kyʼOmwami, mwabwira omwami ati,

Yeremĩa 50:20

Oko biro ebyo, nʼoko mugulu oyo, Omwami Mukulu ati, ekibi kyʼeĨsraelĩ kyasyasondĩbwa, isikiri, nʼebibi bya Yũda, sibyendisyabanika. Kusangwa nasyabuyira abo nasyasĩga mo bĩsĩgalira.

Yeremĩa 9:24

nĩkwa oyukayihalamba, ayihalambe Ũmwʼekĩ, ati akowa nʼerinyiminya ko nyiri Mwami Mukulu, oyukakola ebibuya nʼerĩbanza libuya, nʼeritunganene omo kihugo. Kusangwa Omwami Mukulu ati, Ngatsema omo myatsi eyĩ.

Ezekĩelĩ 18:23

Omukama Iye Omwami Mukulu ati, Ngatsema busana nʼoluholo lwʼababi kwehĩ? Nĩkwa kumbe angabũnũkala akalũa omo syonzira siwe, iniabyaho.

Ezekĩelĩ 33:11

Ubwirebo uti, Omukama Iye Omwami Mukulu ati, Ngoko nyiriho! Sinditsemera oluholo lwʼababi, nĩkwa nyiti, kumbe ababi bakaleka enzira yabo babyeho. Mũbũnũkale, mũbũnũkale muleke esyonzira syenyũ nyibi! Busana nakĩ uwe kihanda kya Ĩsraelĩ, ukasonda erihola kwehĩ?

Ezekĩelĩ 33:16

Sihali oko bibi biwe ebyo abirikola ebikandisyibukwa ukwʼiye. Abirikola erĩbanza lyʼekwenene, nʼebitunganene. Asyabyaho kwenene.

Danĩelĩ 9:9

Eriganyira nʼeribuyira ni byʼOmwami Mukulu Nyamuhanga wetu; kusangwa twabirimuhonako.

Hosea 14:2

Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Hosea 14:5

Nasyabya ngʼekimi uku Ĩsraelĩ; asyasoya ngʼerĩranga, nʼeribanda emĩrĩhĩ yiwe ngʼeLebanonĩ.

Yoelĩ 2:32

Neryo obuli mundu oyukalakira erĩna lyʼOmwami Mukulu asyalamĩbwa; kusangwa omo kitwa kyʼeSĩonĩ nʼomo Yerũsalema mwasyabya bandu abakabala, ngoko Mwami Mukulu abĩrĩbũga, nʼomo katĩkatĩ kʼabandu abasĩgaliraho abo Mwami Mukulu akabirikira.

Amosĩ 1:11

Omwami Mukulu akabũga ati, Busana nʼamalolo asatu wʼeEdomũ, ega busana nʼawani, sindiendisyakakĩrya erisuyira lyako, kusangwa mwakwama mugala wabo yʼomo mũyalĩ, kandi mwalũmya eriganyira liwe lyosĩ, nʼerihitana liwe molyasatangya emigulu yosĩ, kandi mwabika erihitana liwe ebiro byosĩ.

Amosĩ 7:8

Neryo Omwami Mukulu mwanyibwira ati, Amosĩ, Wamalangirakĩ kwehĩ? Monabũga nyiti, Engohe eyikalenga. Neryo Omwami Mukulu mwabũga ati, Lebaya, nasyahĩra engohe eyikalenga omo katĩkatĩ kʼabandu bage Ĩsraelĩ; sindiendisyaswabalyabo.

Amosĩ 8:2

Neryo mwabũga ati, Amosĩ, Wamalangirakĩ kwehĩ? Nage monabũga nyiti, Ekĩbo kyʼebĩgũma byʼomugulu wʼengarayi. Neryo Omwami Mukulu mwambwira ati, Endũlĩ yamahĩka oko bandu bage Ĩsraelĩ; sĩndĩendĩsyaswabalyabo.

Yona 4:2

Neryo mwasaba Omwami Mukulu, ati, Ngakusaba uwe Mwami Mukulu, ekĩ si kyo nabũga, omugulu nabya inyikine omo kihugo kyʼewetu? Neryo, busana nʼeritindakola ekĩ monatibita eTarsisi, kusangwa nabya nyasĩ kʼuli Nyamuhanga. Owʼeriganyira, ko goswĩre nʼolukogo, isulihitana lũba, iguli wʼerisasira lingi, igukayisubako busana nʼobũhasya.

Mĩka 2:12

Uwe Yakobo, kwenene nasyabahĩndanĩa ĩnywe bosĩ, kwenene nasyahĩndanĩa abasĩgalira ba Ĩsraelĩ; nasyahĩrabo haguma ngʼesyombũlĩ omo nyũmba, ngʼekihangulo omo lũlĩsĩryo lwasyo; basyahĩra olukanda lunene busana nʼabandu.

Mĩka 4:7

Nasyayira oyũkatsokondaya eribya basĩgalira, nʼoyo wahigawa eribya ekihanda kyʼamaka; nʼOmwami Mukulu asyatabalirabo oko kitwa kyʼeSĩonĩ erĩtsũka lino erĩhĩka kera na kera.

Mĩka 5:3

Busana nʼekyo asyalekabo erĩhĩka oko mugulu oyo, oyukakunda amabibuta omwana, neryo abasĩgalira bʼoko bagala babo basyasuba oko bana ba Ĩsraelĩ.

Mĩka 7:14

Ũlĩsaye abandu bawe omo mũtso wawe wʼobwami, ekihangulo kyʼomwandu wawe, abĩkere aho wabo omo mũsĩtũ, omo katĩkatĩ kʼeririma lĩbogĩre, balye eBasanĩ nʼeGĩleadĩ, ngʼomo biro bya kera.

Zefania 3:17

Omwami Mukulu Nyamuhanga wawe ali omo katĩkatĩ kawe, omũlwĩ Oyũkakinda. Asyakutsemera nʼobutseme; asyabasũbya mo bahya-bahya omo lwanzo luwe; asyakutsemera nʼeriimba.

Emiganzo 23:21

Sialitalangira obubi uku Yakobo; Kutse sialitalangira omwaga uku Ĩsraelĩ; Omwami Mukulu Nyamuhanga wuwe ali haguma naye, Nʼobogo bwʼomwami buli omo katĩkatĩ kabo.

Luka 15:32

Nĩkwa lĩwe litolere itwalya nʼeritsema, kusangwa mugala wenyũ oyũ abya aholĩre na lino aneho, kandi abya ĩnĩaherĩre, neryo lino abiribanika.

Luka 24:47

Kandi kiti, Omo lĩna liwe omwatsi wʼeribindula omutima nʼerireka ebibi, nʼeribuyira lyʼebibi litolere ĩbyatũlaganĩbwa oko bihanda byosĩ, erĩtsũka eYerũsalema.

AbanyaRoma 11:4

Nĩkwa Nyamuhanga mwasũbĩrya atĩkĩ kwehĩ? Ati, Nabiriyibikira abandu elfu irinda (7,000), abatetakũkamira Baala.

Eryibuka Ebihano 33:26

Sihali oyulingene na Nyamuhanga wʼeYesũrũnĩ, Oyukagendera oko matũkũ erĩkũwatĩkya, Akalaba omo kyanya omo bukulu buwe.

Yakobo 2:13

Kusangwa Nyamuhanga siendisyaganyira omundu oyukagana eriganyira ogundi. Nĩkwa eriganyira lĩkakĩnda eritswera.

Abatswerĩ 10:16

Kandi mobalũsya esyonyamuhanga syʼehali omo katĩkatĩ kabo, mobakolera Omwami Mukulu; nʼekĩrĩmũ kiwe mokyabya nʼobũlĩge busana nʼobuligo bwa Ĩsraelĩ.