Mĩka 6:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Omulenge wʼOmwami Mukulu akabirikira omũyĩ, kandi ni menge eriubaha erĩna lyawe. Wowe, uwe kihanda! Nindi abĩrĩhĩra omugulu wakyo kwehĩ?

Mĩka 6:9 Iomraidhean Croise

2 Samwelĩ 21:1

Neryo mohabya enzala oko biro bya Dawĩdĩ oko myaka ĩsatu ikwamirirene; neryo Dawĩdĩ mwasonda-sonda Omwami Mukulu. Neryo Omwami Mukulu mwabũga ati, Ni busana na Saũlo, na busana nʼekĩtũnga kiwe kyʼolubanza lwʼomusasi, kusangwa mwĩta Abagĩbeonĩ.

Yobũ 10:2

Ngandibwira Nyamuhanga, nyiti, Sunyitswere lubi, Ũnyĩkangaye ekikaleka iwalwa nage.

Yobũ 23:14

Kusangwa akaberereraya ekyahamulawa busana nage. Nʼeyindi myatsi mingi ngʼeyĩ iri haguma naye.

Yobũ 5:17

Lebaya, omundu oyo Nyamuhanga akakunga ali nʼobutseme. Neryo supone erikunga lyʼOmũtokĩ Wʼebyosĩ.

Esyonyimbo 107:43

Abʼamenge baganĩraye emyatsi eyĩ; Basĩme amenge wʼolwanzo olutyusa lwʼOmwami Mukulu.

Esyonyimbo 48:10

Uwe Nyamuhanga ukapipawa nʼabandu ehosĩ-hosĩ; Kandi engulu yawe, nibya, ĩkahĩka oko ndũlĩ yʼekihugo. Ebyala byawe byʼamali bikatabala mwʼerĩbanza litunganene.

Esyonyimbo 83:18

Neryo baminye kʼuli inina we musa Omwami Mukulu, Omũtabalĩ mukulu wʼekihugo kyosĩ!

Esyonyimbo 9:16

Omwami Mukulu abĩrĩyĩmĩnyĩsya, busana nʼeritswera liwe ritunganene, Kandi ababi babirihambwa omo kitego kyʼemĩbĩrĩ yabo.

Emĩsyo 22:3

Omundu mũgerekanĩa amalangira ebibi akayĩbĩsa; Nĩkwa abakĩrũ bakatwangana ibahutala busana nabyo.

Ĩsaya 26:11

Uwe Mwami Mukulu ebyala byawe bĩyĩsũmbĩre, nĩkwa sibelangirabyo. Nĩkwa bakalangira omũhwa wawe busana nʼabandu, bakahemuka. Ega, omuliro asyabuga esyonzĩgũ syawe.

Ĩsaya 27:10

Kusangwa omũyĩ owakongotere ali ĩgowene, ahʼerĩĩkala ahalekawa nʼerĩsĩganĩbwa, ngʼembwarara. Eyo ekyana kyʼende kyasyalira, nʼeyo kyasyabundama, nʼerirya emitahi yago.

Ĩsaya 30:27

Lebaya erĩna lyʼOmwami Mukulu likasira hali; erihitana liwe likaka, nʼomũkĩ wuwe ni mungi. Emĩnywa yiwe yoswĩre nʼerihitana, nʼolulimi luwe luli ngʼomuliro owakabugirira.

Ĩsaya 66:6

Omulenge wʼolukanda lũkalũa eka! Omulenge akalũa omo Hekalũ, Ni mulenge wʼOmwami Mukulu oyukaliha endĩhĩ yʼesyonzĩgũ siwe.

Ĩsaya 9:13

Nĩkwa abandu sibebũnũkalira oyo wĩtabo, kandi sibesonda-sonda Omwami Mukulu wʼemilondo.

Yeremĩa 26:18

Mĩka wʼeMoratĩ mwaminyerera oko biro bya Hezekĩa omwami wʼeYũda. Mwabwira abandu bosĩ bʼeYũda ati, Omwami Mukulu wʼemilondo akabũga ati, eSĩonĩ yasyalimwa ngʼeririma, nʼeYerũsalema yasyabya kĩhĩnga, nʼekitwa kyʼenyũmba ikyabya ngʼehitwa omo mũsĩtũ.

Yeremĩa 26:6

neryo nasyayira enyũmba eyĩ ngʼeSĩlo, kandi, nasyayira omũyĩ oyũ mo kĩtsũmĩ oko bihanda byosĩ byʼekihugo.

Yeremĩa 47:7

Asyatoka eribya bũkũtũ ati, Omwami Mukulu amabya abirihanago ekihano kwehĩ? Abirihana omũyalĩ busana nʼerilwa nʼeAskelonĩ na busana nʼomũsĩke wʼengetsi yʼeyo abirihamulago.

Ezekĩelĩ 7:9

Erĩso lyage siryendisyakuganyira, kutse sindiendisyakusasira. Nasyakuliha ngʼesyonzira syawe ko siri omugulu esyonye syawe siri omo katĩkatĩ kawe. Nenyũ mwasyaminya kwʼindi nĩ ngye Mwami Mukulu, ngaswĩraya.

Hosea 13:16

ESamarĩa yasyaheka omusango wako; kusangwa abirihona uku Nyamuhanga wuwe; basyawa omo mũyalĩ; abana babo basyaguswa mo bitswe, nʼabakalĩ babo abakule, basyatulwa.

Hosea 14:9

Omundu oyũ wʼamenge iniatoka eriminya emyatsi eyĩ; nʼoyukaminyerera, aminyeyo. Kusangwa esyonzira syʼOmwami Mukulu situnganene, nʼabatunganene basyalendera musyo; nĩkwa abʼamalolo basyatwĩkala musyo.

Amosĩ 2:5

Nĩkwa nasyatuma omuliro oko Yũda, nago asyatogotya ebikali byʼeYerũsalema.

Amosĩ 6:1

Obũlĩge oko bakayĩsyandira eSĩonĩ, nʼoko bandu bĩkere buholo omo kitwa kyʼeSamarĩa, abandu abaminyikere ni bakulu bʼekihanda kĩlabĩre ebindi, abo ekihanda kya Ĩsraelĩ kĩkahĩkako.

Mĩka 3:12

Neryo busana nenyũ, eSĩonĩ yasyakwangurwa ngʼeririma, nʼeYerũsalema yasyabya ngʼekĩhĩnga, nʼekitwa kyʼenyũmba yʼeHekalũ kyasyabya ngʼahʼendata hʼomũsĩtũ.

Mĩka 6:10

Omo nyũmba yʼababi mukine ebindu byʼebibi kwehĩ? Nʼakalengĩ katahĩkene kʼesyonye kakinemo kwehĩ?

Mĩka 6:8

Uwe mundu, abĩrĩkũkangya kihi kyo kibuya; Omwami Mukulu akakusonda ko kihi kwehĩ, lye nʼerikola erĩbanza litunganene, nʼerianza obwenge, nʼerirendera na Nyamuhanga wawe nʼerĩyĩkehya.

Zefania 3:2

Mwatakenga omulenge nʼomuguma; mwatalĩga erĩkangĩrĩrya; mwatayiketera Omwami Mukulu; mwatayĩtũnda hakũhĩ na Nyamuhanga wuwe.

Eribisurirwa 3:19

Ngakunga nʼerisuyira abosĩ abo nyanzĩre. Neryo ubye nʼomũhwa, ubindule omutima wawe erireka ebibi.