Mĩka 6:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Kwenene nabalũsaya omo kihugo kyʼeMĩsĩrĩ, monabatongolya erĩlũa omo nyũmba yʼomũlĩkĩ; monatuma Musa, na Harũnĩ, na Mĩrĩama embere syenyũ.

Mĩka 6:4 Iomraidhean Croise

2 Samwelĩ 7:23

Kandi ni kihandakĩ muna-kihugo ekiringene nʼabandu bawe, nga Ĩsraelĩ kwehĩ? abo Nyamuhanga ayayĩtongoleraya ĩyowene-wene eribya kihanda, nʼeriyibanira erĩna, nʼeribakolera emyatsi minene, nʼemyatsi yʼerĩũbahya busana nʼekihugo kyawe, embere syʼabandu bawe, abo wayĩtongoleraya erĩlũa eMĩsĩrĩ erĩlũa omo bihanda nʼomo nyamuhanga syabo kwehĩ?

Esyonyimbo 77:20

Mowasondola abandu bawe ngʼomũlĩsya wʼekihangulo, Omo byala bya Musa na Harũnĩ. Nyamuhanga nʼabandu buwe Olwimbo lwa Asafũ lwʼamenge.

Erĩlũayo 12:51

Neryo oko kiro ekyo kisa-kisa, Omwami Mukulu mwalũsya abana ba Ĩsraelĩ omo kihugo kyʼeMĩsĩrĩ omo milondo yabo.

Erĩlũayo 20:2

Ĩngye indi Mwami Mukulu Nyamuhanga wawe, oyo wakũlũsaya omo kihugo kyʼeMĩsĩrĩ, erĩlũa omo nyũmba yʼobukobe.

Erĩlũayo 3:10

Na lino Wase ngandikutuma ewa Farao, iwatoka erĩlũsya abandu bage abana ba Ĩsraelĩ erĩlũa eMĩsĩrĩ.

Erĩlũayo 4:10

Na Musa mwabwira Omwami Mukulu ati, Uwe Mukama, erĩtsũka na kera Sĩnyasĩ erĩbũga, kutse na lino omugulu wamabĩbũga nʼomukobe wawe; Ĩsĩnyasĩ erĩbũga kusangwa sĩnyangũhĩre erĩbũga, kandi indi wʼomũtetũ.

Erĩlũayo 4:16

Naye asyabya mbũyĩrĩrĩ yawe oko bandu, asyabya ngʼobuno busana nawe, nawe Wasyabya nga Nyamuhanga busana naye.

Erĩlũayo 6:27

Aba bo babũga na Farao Omwami wʼeMĩsĩrĩ, erĩlũsya abana ba Ĩsraelĩ erĩlũa eMĩsĩrĩ: aba ni Musa na Harũnĩ oyo.

Yeremĩa 32:21

Mowalũsya abandu bawe Ĩsraelĩ bʼomo kihugo kyʼeMĩsĩrĩ nʼebiminyikalo, nʼebyʼeriswekera, omo byala bĩkalĩre nʼomo kuboko kũyĩsũmbĩre nʼomo erĩũbahya lĩnene.

Amosĩ 2:10

Omwami Mukulu ati, Kandi nĩna ngye nibya nabĩrũkaya erĩbalũsya omo kihugo kyʼeMĩsĩrĩ, monabasondola emyaka makũmĩ ani omo mbwarara, erĩsĩgalya ekihugo kyʼOmũamorĩ.

Emiganzo 12:1

Mĩrĩamũ na Harũnĩ mobatonga Musa yo nabi busana nʼomũkalĩ Mũkũshĩ oyo ahĩkaya; (kusangwa abya ĩnĩabĩrĩhĩkya omũkalĩ Mũkũshĩ).

Emiganzo 33:1

Olũ lo lugendo lwʼabana ba Ĩsraelĩ, omugulu balũa omo kihugo kyʼeMĩsĩrĩ omo milondo yabo omo byala bya Musa na Harũnĩ.

Emibiri 7:36

Omundu oyo mwasondola Abaĩsraelĩ erĩlũsyabo eMĩsĩrĩ, iniakakola ebyʼeriswekera, nʼebitiko-tiko omo myaka makũmĩ ani, omo kihugo kyʼeMĩsĩrĩ, nʼomo Ngetsi yʼeNgula, nʼomo mbwarara.

Eryibuka Ebihano 15:15

Kandi mwasyibuka ngoko mwabya bakobe omo kihugo kyʼeMĩsĩrĩ, neryo Omwami Mukulu mwabatongolya; kikaleka inabahana omwatsi oyũ go mũnabwĩre.

Eryibuka Ebihano 24:18

Nĩkwa wasyibuka ko wabya mukobe eMĩsĩrĩ, kandi Omwami Mukulu mwakũtongolyayo; kikaleka inakuhana erikola omwatsi oyo.

Eryibuka Ebihano 4:20

Nĩkwa Omwami Mukulu abĩribĩmya, nʼerĩbalũsya omwʼĩsĩngo ĩnene lyʼebyuma, erĩlũa eMĩsĩrĩ, eribayira mo bandu bʼenzĩgalya yiwe, ngoko kiri mũnabwĩre.

Eryibuka Ebihano 4:34

Kutse hali nyamuhanga oyo wabirirenga erĩyĩmĩrya ekihanda omo katĩkatĩ kʼekindi kihanda, omo malĩge, nʼomo biminyikalo, nʼomo byʼeriswekera, nʼomo malwa, nʼomo byala byʼamaka, nʼomo kuboko kũyĩsũmbĩre, kandi omo byʼerĩũbahya binene, ngʼebyosĩ ebyo Mwami Mukulu Nyamuhanga wenyũ abakolera omo Mĩsĩrĩ embere syʼameso wenyũ kwehĩ?

Eryibuka Ebihano 5:6

Ĩngye indi Mwami Mukulu Nyamuhanga wawe, oyo wabalũsaya omo kihugo kyʼeMĩsĩrĩ, omo nyũmba yʼobukobe.

Eryibuka Ebihano 7:8

Nĩkwa kusangwa Omwami Mukulu mwabanza, kandi kusangwa asonda erĩberererya eriyisema liwe eryo alahĩrĩraya abotata-kulu benyũ, ekyo kyo kyaleka Omwami Mukulu ĩnĩabalũsyayo omo byala bĩkala-kalĩre, nʼerĩbatongolya omo nyũmba yʼobukobe, omo byala bya Farao omwami wʼeMĩsĩrĩ.

Eryibuka Ebihano 9:26

Nage monasaba Omwami Mukulu, nyiti, Uwe Mwami Nyamuhanga, sũheraye abandu bawe, bo mwandu wawe, abo wabĩrĩtongolya omo bukulu bwawe, abo wabĩrĩlũsya eMĩsĩrĩ omo byala byʼamaka.

1 Samwelĩ 12:6

Neryo Samwelĩ mwabwira bandu, ati, Omwami Mukulu yo wahĩra Musa na Harũnĩ, kandi yo walũsaya abotata-kulu wenyũ omo kihugo kyʼeMĩsĩrĩ.