Mĩka 5:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Nʼabasĩgalira uku Yakobo basyabya omo katĩkatĩ kʼebihanda, nʼomo katĩkatĩ kʼabandu bangi, ngʼendale omo katĩkatĩ kʼesyonyama syʼomolĩ, ngʼekyana kyʼendale omo katĩkatĩ kʼebihangulo byʼesyombũlĩ; nayo yamalabamo, ikalyatangirira ahisi, nʼeritulanga-tulanga mo bihande bihande, isihali oyo wangabala.

Mĩka 5:8 Iomraidhean Croise

Enzũko 49:9

Yũda ni kyana kyʼendale; Uwe mugala wage wabirihangana ũkalũa omo buhiyi; Akũnama, akakangama ngʼendale, Ngʼendale yʼobũkalĩ nindi wasyasĩsĩryayo?

Esyonyimbo 104:20

Mowayira ekiro, neryo nĩ mwĩrĩmya Esyonyama syʼomolĩ sikahuluka.

Esyonyimbo 44:5

Omo bũtokĩ bwawe twasyakĩnda esyonzĩgũ syetu, Omo lĩna lyawe tukandisyalyatira ahisi abakalwa netu.

Esyonyimbo 50:22

Neryo mũganĩraye ebĩ, ĩnywe mukibirirawa Nyamuhanga, Ngasyabaherya, isihali oyo wasyabalamya.

Emĩsyo 30:30

Endale, eyĩrengĩre esyonyama syosĩ syʼamaka, Sirisegerera eyindi nyama;

Ĩsaya 5:29

Eriruruma lyabo lyasyabya ngʼendale yʼobũkalĩ, basyaruruma ngʼebyana byʼendale, ega, basyaruruma omugulu ikahamba enyama, nʼeritwalayo, isihali oyo wanganyegũlyayo.

Ezekĩelĩ 39:10

Neryo isibendisyasenya esyongwĩ omolĩ, kutse erikuma-kuma esyongwĩ omo mũsĩtũ, kusangwa basyakya omuliro gʼomo bindu byʼamalwa ebyo. Kandi basyahũnga abahũngabo, nʼerinyega abanyegabo, Omukama Iye Omwami Mukulu atya.

Hosea 5:14

Kusangwa nasyabya uku Efũraĩmũ ngʼendale, nʼoko kĩtũnga kya Yũda nasyabya ngʼomusuko wʼendale; ĩngye, nĩna ngye, nasyatulanga mo bitswe nʼerĩlũaho; nasyahekabo, isihendisyabya mundu oyo wasyalamya.

Mĩka 2:12

Uwe Yakobo, kwenene nasyabahĩndanĩa ĩnywe bosĩ, kwenene nasyahĩndanĩa abasĩgalira ba Ĩsraelĩ; nasyahĩrabo haguma ngʼesyombũlĩ omo nyũmba, ngʼekihangulo omo lũlĩsĩryo lwasyo; basyahĩra olukanda lunene busana nʼabandu.

Mĩka 4:13

Uwe mwali wʼeSĩonĩ, uhangane ũhũmbe; kusangwa nasyayira erĩhembe lyawe mo kyuma, kandi nasyayira ebigere byawe mo miringa; kandi iwatoka erĩtsũtsanga ebihanda bingi mo bitswebitswe; iwatoka eriha Omwami Mukulu endũndĩ yabo nyibi, nʼobũsokĩ bwabo oko Mukama wʼekihugo kyosĩ.

Mĩka 4:7

Nasyayira oyũkatsokondaya eribya basĩgalira, nʼoyo wahigawa eribya ekihanda kyʼamaka; nʼOmwami Mukulu asyatabalirabo oko kitwa kyʼeSĩonĩ erĩtsũka lino erĩhĩka kera na kera.

Mĩka 5:3

Busana nʼekyo asyalekabo erĩhĩka oko mugulu oyo, oyukakunda amabibuta omwana, neryo abasĩgalira bʼoko bagala babo basyasuba oko bana ba Ĩsraelĩ.

Mĩka 7:18

Nindi yo Nyamuhanga nga we, oyukabuyira ebibi, nʼerikiruka okwʼihona lyʼamasĩgalira wʼabandu buwe kwehĩ? Sialibika erihitana liwe kera na kera, kusangwa akatsemera obubuya bʼolwanzo.

Zekarĩa 10:5

Nabo basyabya ngʼesyombangĩ, bakalyatangirira ahisi enzĩgũ omo londo lwʼesyonzira omo malwa; kandi basyalwa, kusangwa Omwami Mukulu asyabya haguma nabo; nʼabakagenda oko syosabayĩrĩ basyahemulwa.

Zekarĩa 11:6

Kusangwa Sindiendisyaganyira kandi esyondũlanĩ syʼekihugo, Omwami Mukulu atya; nĩkwa lebaya, nasyahĩra abandu obuli muguma omo bũtokĩ bwa mũlĩkyabo, nʼomo bũtokĩ bwʼomwami wuwe; nabo basyĩta ekihugo, nage sindiendĩsyalamyabo omo bũtokĩ bwabo.

Zekarĩa 12:3

Neryo kyasyabererera oko kiro ekyo nasyayira eYerũsalema mo lĩbwe rĩrĩtohĩre busana nʼebihanda byosĩ; abosĩ abakalĩtoherayo basyahũtalĩbwa kutsibu; nʼebihanda byosĩ byʼekihugo byasyahĩndanĩbwa erilwa nayo.

Zekarĩa 14:18

Kandi ekĩtũnga kyʼeMĩsĩrĩ kyamatendisvahetukirayo, kutse eriingirayo, neryo sihali mbũla yasyawa kubo; kyasyabya kĩhũnzo ekyo Mwami Mukulu akaswĩrayamo ebihanda ebitahetukirayo oko biro bikulu byʼEbitalikirire.

Zekarĩa 9:15

Omwami Mukulu Wʼemilondo asyalwirabo; nabo basyalya, nʼeriryatangirira amabwe wʼerigusa; basyapũlya nʼeritamira ngʼomo bĩnyũ, basyũsũla ngʼekibindi kyʼerihonga, eritsapa ngʼesyonũnga syʼekiherero.

Malakĩ 4:3

Kandi mwasyalyatangirira ababi ahisi; kusangwa bakandisyabya ngʼerĩbũ omwisi wʼobulyatiro bwʼebisando byenyũ oko kiro ekyo ngategeka, Omwami Mukulu Wʼemilondo atya.

Emiganzo 24:9

Akũnama, akabundama ngʼendale, Ngʼebuguma yʼendale; nindi wasyamũbũkya kwehĩ? Atsumulawe obuli mundu oyukakutsumula, Kandi atakirawe obuli mundu oyukakutakira.

Matayo 10:14

Nʼomundundi oyutebakokaya, kutse erĩowa ebĩnywa byenyũ, omugulu mũkalũa omo nyũmba eyo kutse omo mũyĩ oyo, mukungute olũtũtũ lʼoko bisando byenyũ.

Emibiri 18:6

Nĩkwa omugulu balwa naye nʼeritsuma, Paũlo mwakungutirabo esyongimba siwe ati, Omusasi wenyũ abye oko mitwe yenyũ! Sindi ko lubanza lwenyũ. Erĩtsũka lino ngaya oko Bihanda.

AbaEbrania 12:25

Mũlebaye simugane oyũkabũga. Abagana erĩowa oyo wabũga ekĩnywa kya Nyamuhanga oko kihugo, mobatabala. Kwilaba aho netu sitwendisyabala twamagana erĩowa omulenge wʼoyo wʼelubula.

AbaEbrania 2:3

Netu twasyabala tuti twamapona erilama linene ringaha kwehĩ? Omukama mwatsũka erĩtũla engulu yʼerilama erĩ, neryo abamowa mobahanganĩayo ndeke.