Mĩka 5:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo abasĩgalira uku Yakobo basyabya omo katĩkatĩ kʼabandu ngʼekimi ekĩkalũa oko Mwami Mukulu ngʼembũla oko biti ebiterinda omundu, kutse eriamala oko bagala bʼabandu.

Mĩka 5:7 Iomraidhean Croise

2 Samwelĩ 17:12

Neryo twasyamũhĩkako aho asyabanika, twasyamuwako ngʼekimi ko kikatogongera ahisi; neryo iye nʼabandu bosĩ abali haguma naye, sĩhendĩsyasĩgala nʼomuguma.

Esyonyimbo 110:3

Abandu bawe basyayiha ukʼuwe ekiro wasyalwa nʼesyonzĩgũ syawe. Oko bitwa bĩbũyĩrĩre, ngʼekimi kyʼengyakya-ngyakya, Abalwana bawe basyakũhĩkako.

Esyonyimbo 133:3

Liri ngʼekimi oko Kitwa kyʼeHermonĩ, Ekĩkakĩmĩra oko bitwa byʼeSĩonĩ. Aho Mwami Mukulu alaga eritsumula liwe, Yo ngebe eyitehwa.

Esyonyimbo 72:6

Abye ngʼembũla omo malima, Ngʼembũla yʼobunyenye kwʼikawa oko kitaka.

Emĩsyo 19:12

Erihitana lyʼOmwami liri ngʼeriruruma lyʼendale, Nĩkwa eriganyira liwe liri ngʼekimi oko biti.

Ĩsaya 32:15

Erĩhĩka aho Omũlĩmũ amabyũtũlĩrwa ũkwʼĩtwe erĩlũa endata. Nʼembwarara iyasyabya eririma lĩbogĩre kũndũ, nʼeririma lĩbogĩre eriheta kutsibu.

Ĩsaya 44:3

Kusangwa nasyũtũlĩra amagetsi ũkwʼoyũkwĩre enyota, nʼesyonyũsĩ oko kitaka kyũmĩre. Nasyũtũlĩra Omũlĩmũ wage oko bana bawe, nʼeritsumula lyage oko bitsikulu bawe.

Ĩsaya 55:10

Kusangwa embũla nʼenzururu bĩkalũa elubula, kandi sibyesubayo bite byaheherya ekitaka, nʼerĩlasya kukyo, nʼerĩkondolya kukyo, ibyaha omũherĩ yʼembuto, nʼakalyo oko yukalya.

Ĩsaya 66:19

Nage nasyahĩra ekiminyikalo omo katĩkatĩ kabo, kandi nasyatuma abakabala ba kubo oko bihanda: eTarsisi, ePũlĩ, nʼeLũdĩ, nʼabakakanda obuta, eTũbalĩ, nʼeYawanĩ, oko mĩsĩke yʼengetsi eyiri hali, abatetowa engulu yage kutse erilangira olukengerwa lwage. Nabo basyatũla omwatsi wʼolukengerwa lwage omo katĩkatĩ kʼebihanda.

Yeremĩa 14:22

Omo katĩkatĩ kʼesyosanamu syʼebihanda hane esikaleta embũla kwehĩ? Kutse amatũkũ anganatoka erireta embũla kwehĩ? Si nina we Mwami Mukulu, Nyamuhanga wetu kwehĩ? Neryo tũkahĩra amaha wetu ukʼuwe, kusangwa ni we oyo wabirikola emyatsi eyĩ yosĩ.

Ezekĩelĩ 14:22

Nĩkwa, lebaya, abakabala basyasĩgala mukyo abakandisyahekerwa eyĩhya, abagala nʼabali. Lebaya, basyabahulukira, nenyũ mwasyalangira emikolere yabo nʼemĩbĩrĩ yabo. Nenyũ mwasyakĩranĩbwa busana nʼobubi nabiriretera eYerũsalema, busana nʼebyosĩ ebyo nabirireta kugo.

Ezekĩelĩ 47:1

Neryo mwaswanyireta oko lũyĩ lwʼenyũmba. Neryo lebaya, amagetsi akahuluka eyĩkwa oko kibanza kyʼenyũmba erĩlolya endata kusangwa enyũmba yabya ĩlolĩrye ebwanga bwʼendata. Nʼamagetsi abya akasenda akalũa eyĩkwa, oko luhande lwʼamali, lwʼenyũmba, oko lutambi lwʼeyĩkwa lwʼekiherero.

Ezekĩelĩ 5:5

Omukama Iye Omwami Mukulu ati, Eyĩ nĩ Yerũsalema. Nabĩrĩhĩrago omo katĩkatĩ kʼebihanda, nʼebihugo ebĩtĩmbĩre kugo.

Danĩelĩ 11:32

Neryo omo kĩsehya asyabindula abandu abakakola nabi erĩsĩga endagano ati sibekenga Nyamuhanga. Nĩkwa abandu abasĩ Nyamuhanga wabo basyabya nʼamaka nʼerikola ebĩkalĩre.

Hosea 14:5

Nasyabya ngʼekimi uku Ĩsraelĩ; asyasoya ngʼerĩranga, nʼeribanda emĩrĩhĩ yiwe ngʼeLebanonĩ.

Hosea 6:3

Neryo tuminye, tukwamirire eriminya Omwami Mukulu. Erihongoka liwe nĩ kũndũ ngʼomo ngyakya-ngyakya; naye asyatũhĩkako ngʼembũla, ngʼembũla yʼenyũma eyĩkaheheraya ekitaka.

Yoelĩ 2:32

Neryo obuli mundu oyukalakira erĩna lyʼOmwami Mukulu asyalamĩbwa; kusangwa omo kitwa kyʼeSĩonĩ nʼomo Yerũsalema mwasyabya bandu abakabala, ngoko Mwami Mukulu abĩrĩbũga, nʼomo katĩkatĩ kʼabandu abasĩgaliraho abo Mwami Mukulu akabirikira.

Amosĩ 5:15

Mwagalirawe oko bibi, mwanze ebibuya; mũhanganaye erĩbanza litunganene omo lũkyo; Omwami Mukulu Wʼemilondo aganyire amasĩgalira wa Yosefũ.

Mĩka 2:12

Uwe Yakobo, kwenene nasyabahĩndanĩa ĩnywe bosĩ, kwenene nasyahĩndanĩa abasĩgalira ba Ĩsraelĩ; nasyahĩrabo haguma ngʼesyombũlĩ omo nyũmba, ngʼekihangulo omo lũlĩsĩryo lwasyo; basyahĩra olukanda lunene busana nʼabandu.

Mĩka 4:13

Uwe mwali wʼeSĩonĩ, uhangane ũhũmbe; kusangwa nasyayira erĩhembe lyawe mo kyuma, kandi nasyayira ebigere byawe mo miringa; kandi iwatoka erĩtsũtsanga ebihanda bingi mo bitswebitswe; iwatoka eriha Omwami Mukulu endũndĩ yabo nyibi, nʼobũsokĩ bwabo oko Mukama wʼekihugo kyosĩ.

Mĩka 4:7

Nasyayira oyũkatsokondaya eribya basĩgalira, nʼoyo wahigawa eribya ekihanda kyʼamaka; nʼOmwami Mukulu asyatabalirabo oko kitwa kyʼeSĩonĩ erĩtsũka lino erĩhĩka kera na kera.

Mĩka 5:3

Busana nʼekyo asyalekabo erĩhĩka oko mugulu oyo, oyukakunda amabibuta omwana, neryo abasĩgalira bʼoko bagala babo basyasuba oko bana ba Ĩsraelĩ.

Mĩka 5:8

Nʼabasĩgalira uku Yakobo basyabya omo katĩkatĩ kʼebihanda, nʼomo katĩkatĩ kʼabandu bangi, ngʼendale omo katĩkatĩ kʼesyonyama syʼomolĩ, ngʼekyana kyʼendale omo katĩkatĩ kʼebihangulo byʼesyombũlĩ; nayo yamalabamo, ikalyatangirira ahisi, nʼeritulanga-tulanga mo bihande bihande, isihali oyo wangabala.

Mĩka 7:18

Nindi yo Nyamuhanga nga we, oyukabuyira ebibi, nʼerikiruka okwʼihona lyʼamasĩgalira wʼabandu buwe kwehĩ? Sialibika erihitana liwe kera na kera, kusangwa akatsemera obubuya bʼolwanzo.

Zefania 3:13

Neryo abasĩgalira ba Ĩsraelĩ sibendisyakola ebibi, kutse erĩbũga amabehĩ; kutse omo muno wabo simwendisyabanika olulimi lwʼeriteba; kusangwa basyalya nʼerigotsera, isihali oyo wasyatĩtĩmanĩabo.

Zekarĩa 14:8

Neryo oko kiro ekyo, amagetsi wʼengebe asyasenda akalũa eYerũsalema; oluhande lwago erĩlolya oko ngetsi yʼendata, nʼolundi luhande lwago erĩlolya oko ngetsi yʼeyĩkwa; kyasyabya oko mugulu wʼobugoma nʼoko mugulu wʼeritsuku nibya.

Zekarĩa 9:13

Kusangwa nasyakondomya Yũda ngʼobuta bwage, nasyosũlya obuta omo Efũraĩmũ; kandi nasyatsatsũhya abagala bawe uwe Sĩonĩ erilwa nʼabagala bawe, uwe kihugo kyʼAbagĩrĩkĩ, kandi nasyakuyira ngʼomũyalĩ gʼomũlwĩ.

Matayo 28:19

Neryo mugende, muyire abiga oko bihanda byosĩ; mũbatĩsayebo omo lĩna lyʼĨse, nʼeryʼOmugala, nʼeryʼOmũlĩmũ Abũyĩrĩre.

Emibiri 11:15

Neryo omugulu natsũka erĩbũga, Omũlĩmũ Abũyĩrĩre mwandagalira kubo ngoko atwandagalirako erĩmbere.

Emibiri 13:46

Nĩkwa Paũlo na Barnaba mobabũga nʼeritendiubaha bati, Lyabya litolere ekĩnywa kya Nyamuhanga ĩkyatsũka erĩbũgwa ũkwʼĩnywe. Nĩkwa kusangwa mukaganakyo, kandi mũkaganĩraya muti Simutolere engebe yʼerikota, lebaya, tukandibaleka, itwaya oko Bihanda.

Emibiri 16:9

Nĩkwa Paũlo mwalota esyonzolĩ syʼomo kiro. Omundu wʼeMakedonĩa iniahangene akamuhatikana ati, Usokere eMakedonĩa ũtũwatĩkaye!

Emibiri 9:15

Nĩkwa Omukama mwabwira Anania ati, Ugende, kusangwa nabiriyisogaye, erĩmĩnyĩsya erĩna lyage oko bʼEbihanda, nʼabami, nʼabana ba Ĩsraelĩ.

AbanyaRoma 10:20

Ĩsaya sialiubaha erĩbũga ati, Nabiribanika oko batanyĩsondaya, Nabĩrĩyĩkangya oko batabũlaya busana nage,

AbanyaRoma 11:12

Neryo erĩlolo lyʼAbayũda lyamaleta omũyĩsa oko kihugo, nʼeritaluka lyabo lyamaleta omũyĩsa gʼoko Bihanda. Omũyĩsa asyabya munene kwʼaho omugulu Abayũda basyabyaho ndeke.

AbanyaRoma 9:30

Neryo tũbũgekĩ kwehĩ? Abʼebihanda abatekwama eritunganene, mobatũngananĩbwa na Nyamuhanga omo kitunganene ekikabanika busana nʼerĩkĩrĩrya.

1 AbanyaKorinto 3:6

Ĩngye nahera embuto, Apolo mũtũlĩra kuyo kwʼamagetsi, nĩkwa Nyamuhanga yo waleka embuto iyalasa.

Eryibuka Ebihano 32:2

Erĩkangĩrĩrya lyage litogonge ngʼembũla, Erĩbũga lyage ribombe ngʼekimi, Ngʼobunyenye bwʼembũla oko biti bihehere, Kandi ngʼeriwa lyʼembũla oko biti.

Abatswerĩ 6:36

Neryo Gĩdeonĩ mwabũga na Nyamuhanga ati, Wamanza erĩlamya Abaĩsraelĩ omo byala byage, ngoko wabĩrĩbũga,