Mĩka 5:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Omwami Mukulu asyabya buholo bwetu. Omugulu Omũsũrĩa asyabya akasa omo kihugo kyetu, nʼomugulu asyalyatangirira ebikali byetu, neryo twasyamũhanganĩrya abalĩsya balinda nʼabandu bakulu munani.

Mĩka 5:5 Iomraidhean Croise

Yobũ 5:19

Asyakũlamya oko malĩge ngendo ndatu, Ega, nʼerikubika oko malĩge alinda, isihali ebibi byasyakũtũlako.

Esyonyimbo 72:7

Ekitunganene kikanye omugulu akabyaho, Nʼomugaso abyeho omugulu omukera akĩnakoleraya.

Emĩsyo 30:18

Hali emyatsi ĩsatu yĩkanyĩswekaya kwilaba, Ega, ĩnĩ eyo ndasĩ:

Emĩsyo 30:29

Hali bindu bisatu ebikagenda ndeke, Ega, ni bini ebiwite olugendo lubuya.

Emĩsyo 6:16

Hali emyatsi ndatu eyo Mwami Mukulu akakwa obusu; Ega, hali irinda eyikabya nye oko mutima wuwe.

Omũgambũlĩ 11:2

Ugabire erĩgabo oko balinda, kutse oko munani, kusangwa Sĩwasĩ obubi bwahi obukandisyabya oko kihugo.

Ĩsaya 14:25

Nyiti nasyabũnanga Asũrĩa omo kihugo kyage, kandi nasyamulyatangirira oko bitwa byage. Neryo engomo yiwe yasyalũsĩbwa kubo, nʼomuheke wuwe asyalũsĩbwa oko kitigo kyabo.

Ĩsaya 44:28

Nĩ ngye ngahula Kĩro, nyiti, Nĩ mũlĩsya wage! Asyaberererya ebyosĩ ebĩkanyĩtsemesaya. Nʼeriahula eYerũsalema ati, Asyahĩmbwa; na busana nʼehekalũ ati, Ekibanza kyawe kyasyahalwa.

Ĩsaya 59:19

Neryo basyubaha batya erĩna lyʼOmwami Mukulu erĩtsũka eyo eryuba likalengera, nʼolukengerwa luwe erĩtsũka eyo eryuba likahuluka, kusangwa asyasa ngʼomũgũmba wʼolũsĩ olo erihunga lyʼOmwami Mukulu lĩkakũna.

Ĩsaya 65:8

Omwami Mukulu ati, Ngʼebĩnyũ bihya-bihya bikabanika omo kĩkũto, nʼomundu muguma ĩnĩabũga ati, Sũtsandayekyo, kusangwa endũndĩ iri mukyo, ko nasyakola nyitya busana nʼabagombe bage, ĩsĩnangaheryabo abosĩ.

Ĩsaya 7:14

Busana nʼekyo Omukama ĩyowene asyabaha ekiminyikalo: lebaya, omumbesa asyaheka obukule, naye asyabuta omugala, neryo asyahula erĩna liwe mo Emanũelĩ.

Yeremĩa 33:15

Oko biro ebyo, nʼoko mugulu oyo, nasyalasĩrya Dawĩdĩ Omutahi atunganene. Naye asyakolesya erĩbanza nʼekitunganene omo kihugo.

Amosĩ 1:3

Omwami Mukulu akabũga ati, Busana nʼamalolo asatu wʼeDamasekĩ, ega busana nʼawani, sĩendĩsyakakĩrya erisuyira lyako; kusangwa babĩrĩhũmba eGĩleadĩ yʼomo mĩhũmbo yʼebyuma.

Amosĩ 1:6

Omwami Mukulu akabũga ati, Busana nʼamalolo asatu wʼeGaza, ega, busana nʼawani, sindiendisyakakĩrya erisuyira lyabo; kusangwa mobatwala abandu bosĩ mo banyegwa, erihabo oko Edomũ.

Zekarĩa 10:11

Omukama asyalaba omo ngetsi yʼamalĩge, kandi asyaswĩrya ebisunda omo ngetsi, nʼemirindi yʼolũsĩ lwʼeNĩlĩ yasyuma; nʼeriyiheka lyʼeAsũrĩa lyasyakĩmĩbwa, nʼomũtso wʼobwami bwʼeMĩsĩrĩ asyalũaho.

Zekarĩa 10:3

Erihitana lyage lyʼamaka oko balĩsya, kandi nasyasuyira esyombaya; kusangwa Omwami Mukulu Wʼemilondo abĩrĩlebya endeko yiwe, ekĩtũnga kya Yũda, asyayirabo ngʼesabayĩrĩ yiwe yowene omo malwa.

Zekarĩa 12:6

Oko kiro ekyo nasyayira abakulu bʼeYũda ngʼoluyo omo katĩkatĩ kʼesyongwĩ, kandi ngʼoluseke olukaka omo katĩkatĩ kʼemiganda; neryo basyabuga ebihanda byosĩ oko mbande syosĩ, oko mali nʼoko malembe; omugulu esyondũlanĩ syʼeYerũsalema basyĩkala kandi aho wabo eYerũsalema.

Zekarĩa 9:10

Nasyabũlĩranĩa egalĩ oko Efũraĩmũ, nʼesabayĩrĩ oko Yerũsalema; nʼobuta bwʼamalwa bwasyabũlĩranĩbwa; naye asyabũga Obuholo oko bihanda; nʼeritabala liwe lyasyabya erĩlũa oko ngetsi erĩhĩka oko yindi ngetsi, nʼerĩlũa oko Lũsĩ lwʼeEfũratĩ nʼerĩhĩka oko syondũlĩ syʼekihugo.

Zekarĩa 9:13

Kusangwa nasyakondomya Yũda ngʼobuta bwage, nasyosũlya obuta omo Efũraĩmũ; kandi nasyatsatsũhya abagala bawe uwe Sĩonĩ erilwa nʼabagala bawe, uwe kihugo kyʼAbagĩrĩkĩ, kandi nasyakuyira ngʼomũyalĩ gʼomũlwĩ.

Luka 2:14

Olukengerwa uku Nyamuhanga oyuli ahendata kutsibu! Nʼobuholo oko kihugo oko bandu bakamũtsemesaya!

Yoane 14:27

Obuholo ngabasĩgĩra, ngabaha Obuholo bwage. Ngabahabo, butsira ngʼekihugo ko kikaha. Sĩmũhangahangaye emitima yenyũ, kandi simubahe.

Yoane 16:33

Namababwira emyatsi eyĩ imwabana Obuholo busana nʼerimatikana nage. Omo kihugo mwasyabana erĩendererĩbwa. Nĩkwa muhande emitima! Nabĩrĩkĩnda ekihugo!

Eribisurirwa 17:14

Aba basyalwa nʼEkyana kyʼEmbũlĩ, nĩkwa Ekyana kyʼEmbũlĩ, haguma nʼabakamukwama, ababirikirawa buwe, nʼabayisogawa, nʼabateregula buwe, basyakĩndabo, kusangwa iye ni Mukama wʼabakama, nʼOmwami wʼabami.

Eribisurirwa 19:14

Neryo emilondo yʼelubula moyamukwama, ibambite ekĩtanĩ kĩbũyahĩre, kandi ibakagenda oko syosabayĩrĩ nyeru-nyeru.