Mĩka 5:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Busana nʼekyo asyalekabo erĩhĩka oko mugulu oyo, oyukakunda amabibuta omwana, neryo abasĩgalira bʼoko bagala babo basyasuba oko bana ba Ĩsraelĩ.

Mĩka 5:3 Iomraidhean Croise

1 Abami 14:16

Kandi asyahiga Abaĩsraelĩ busana nʼebibi bya Yeroboamũ ebyo abĩrĩhalya, nʼebyo abirireka Abaĩsraelĩ ĩbahalyamo.

2 Emyatsi yʼEmigulu 30:7

Kandi Simubye ngʼabotata wenyũ, kandi ngʼabagala benyũ, abalegula busana nʼOmwami Mukulu, Nyamuhanga wʼabotata wabo, kyaleka iniayirabo mo nye, ngoko mukalangira.

Esyonyimbo 67:3

Uwe Nyamuhanga, abandu bakupipe, Abandu bosĩ bakupipe!

Ĩsaya 11:11

Neryo oko kiro ekyo, Omukama omo byala biwe engendo yʼakabiri, asyaswahamba abasĩgalira bʼabandu buwe, abasyasaka erĩlũa eAsũrĩa, nʼerĩlũa eMĩsĩrĩ, nʼerĩlũa ePatĩ-rosĩ, nʼerĩlũa eKũsĩ, nʼerĩlũa eElamũ, nʼerĩlũa eSĩnarĩ, nʼerĩlũa eHamatĩ, nʼerĩlũa oko bitsira byʼengetsi.

Ĩsaya 49:6

Ati, Ni mwatsi muke uwe eribya mugombe wage erĩhanganĩa ebihanda bya Yakobo, nʼerĩsũbya abateyĩbawa ba Ĩsraelĩ. Kandi nasyakuyira eribya ekyakakala busana nʼebihanda, omulamo wage ahĩke oko ndũlĩ yʼekihugo.

Yeremĩa 23:5

Omwami Mukulu ati, Lebaya, ebiro bikasa, nasyahanganĩrya Dawĩdĩ Omutahi owatunganene, naye asyatabala ngʼOmwami nʼerikola nʼamenge, nʼeriyira erĩbanza litunganene omo kihugo.

Yeremĩa 31:1

Omwami Mukulu ati, Oko mugulu oyo nasyabya Nyamuhanga wʼebĩtũnga byosĩ bya Ĩsraelĩ, nabo basyabya bandu bage.

Ezekĩelĩ 34:16

Nasyasondasondya esitere, nʼerĩsũbũlya esyapanzapanzawa, nʼerisenga esyabũnĩka, nʼerĩsĩkya esyabya silwere. Nĩkwa esĩnenehĩre nʼesyʼamaka nasyaheryasyo. Nasyalĩsyasyo omwʼitswera.

Hosea 11:8

Uwe Efũraĩmũ nasyakuleka nyiti kwehĩ? Uwe Ĩsraelĩ, nasyakugana nyiti kwehĩ? Nasyakuyira nga Adama nyiti kwehĩ? Nasyakukola nga Zeboĩmũ nyiti kwehĩ? Omutima wage abĩndwĩrwe omwisi wage, amaganĩryo wage abiriaka haguma.

Hosea 2:14

Busana nʼekyo, lebaya, ngandimukulula, nʼerimuleta omo mbwarara, nʼerĩbũga ndeke naye.

Hosea 2:9

Busana nʼekyo nasyasũbũlya engano yage oko mugulu wayo, nʼebĩnyũ byage bihya-bihya oko kirimo kyabyo, nʼerĩpũra obweya bwage bwʼembũlĩ nʼekĩtanĩ kyage ebyabya byangaswĩkĩre endũmbũ yiwe.

Amosĩ 5:15

Mwagalirawe oko bibi, mwanze ebibuya; mũhanganaye erĩbanza litunganene omo lũkyo; Omwami Mukulu Wʼemilondo aganyire amasĩgalira wa Yosefũ.

Mĩka 4:4

Nĩkwa obuli mundu asyĩkala oko ndĩna yʼomũlĩkĩ wuwe wʼebĩnyũ nʼomo ndĩna yʼomũtĩnĩ wuwe; kandi sihali oyo wasyũbahyabo; kusangwa obuno bʼOmwami Mukulu Wʼemilondo bwabĩrĩbũgakyo.

Mĩka 4:7

Nasyayira oyũkatsokondaya eribya basĩgalira, nʼoyo wahigawa eribya ekihanda kyʼamaka; nʼOmwami Mukulu asyatabalirabo oko kitwa kyʼeSĩonĩ erĩtsũka lino erĩhĩka kera na kera.

Mĩka 5:7

Neryo abasĩgalira uku Yakobo basyabya omo katĩkatĩ kʼabandu ngʼekimi ekĩkalũa oko Mwami Mukulu ngʼembũla oko biti ebiterinda omundu, kutse eriamala oko bagala bʼabandu.

Mĩka 5:8

Nʼabasĩgalira uku Yakobo basyabya omo katĩkatĩ kʼebihanda, nʼomo katĩkatĩ kʼabandu bangi, ngʼendale omo katĩkatĩ kʼesyonyama syʼomolĩ, ngʼekyana kyʼendale omo katĩkatĩ kʼebihangulo byʼesyombũlĩ; nayo yamalabamo, ikalyatangirira ahisi, nʼeritulanga-tulanga mo bihande bihande, isihali oyo wangabala.

Mĩka 6:14

Wasyalya, nĩkwa sĩwendĩsyũgũta; nʼobubi bwawe bwasyabya omo katĩkatĩ kawe; wasyalenga erĩhũmya nĩkwa siwendisyabika; nʼebyo ukabika nasyahabyo oko mũyalĩ.

Mĩka 7:13

Nʼekihugokyasyabyakĩma, busana nʼabĩkalanĩ ba mukyo, busana nʼemikolere yʼemĩbĩrĩ yabo.

Zekarĩa 10:6

Nage nasyaha ekĩtũnga kya Yũda amaka, kandi nasyalamya ekĩtũnga kya Yosefũ, nasyasũbũlyabo; kusangwa nabiriganyirabo; nabo basyabya nga sinditaganabo; kusangwa indi Mwami Mukulu, Nyamuhanga wabo, kandi nasyasũbĩryabo.

Matayo 1:21

Asyabuta omugala, nawe wasyamwahula mo Yesu, kusangwa asyalamya abandu buwe oko bibi byabo.

Matayo 12:50

Kusangwa omundu oyo wasyakola erisonda lya Tata wage oyuli elubula, yo mugala wetu, na mwali wetu, na koyo.

Matayo 25:40

Nʼomwami oyo asyasũbĩryabo ati, Kwenene ngabũga nenyũ nyiti, Ngoko mwakolera omuguma gʼoko bagala betu bake-bake aba, momwakolakyo ũkwʼĩngye.

AbanyaRoma 8:29

Kusangwa abo ayisoga erĩmbere, mwasombolabo kera basose Mugala wuwe, neryo Omugala iniatoka eribya akambere omo bagala babo bangi.