Mĩka 5:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Kandi nasyaherya esyosanamu syawe esĩbatsĩre nʼesyondũyĩ syawe omo katĩkatĩ kawe; kandi sĩwendĩsyaswaramya emĩbĩrĩ yʼebyala byawe.

Mĩka 5:13 Iomraidhean Croise

Ĩsaya 2:18

Nĩkwa esyosanamu syasyahwaho kũndũ.

Ĩsaya 2:8

Kandi ekihugo kyabo kyoswĩre mwʼesyosanamu, bakaramaya omũbĩrĩ wʼebyala byabo ĩbobene, ebyo eminwe yabo yakokotaya.

Ĩsaya 27:9

Neryo busana nʼekĩ ebibi bya Yakobo byasyabuyirwa. Ebĩ byo byasyabya enzwere yʼerĩlũsya ebibi biwe omugulu akayira amabwe gosĩ wʼekiherero ngʼamabwe wʼembemba awatũndwĩre. Omugulu oyo, esyosanamu sya Asera nʼebiherero byʼobukwa sibyendisyaswahangana.

Ezekĩelĩ 16:41

Kandi basyahĩsya amanyũmba wawe omo muliro, nʼerikutswera omusango embere syʼabakalĩ bangi. Neryo nasyakũtsĩrĩsya oluteto, kandi siwendisyaswahemba abaragane bawe.

Ezekĩelĩ 36:25

Neryo nasyabatsatsanga kwʼamagetsi owene, nenyũ mwasyera. Nasyaberya oko mĩtĩndũ yenyũ yosĩ, nʼoko syosanamu syenyũ syosĩ.

Ezekĩelĩ 37:23

Kandi sĩbendĩsyaswayĩtsandya omo syosanamu syabo, kutse omo bindu bibi byabo, kutse omo kiguma kyʼamalolo wabo; nĩkwa nasyalamyabo omo myanya yabo eyo bakola ebibi, nasyeryabo. Ko basyabya bandu bage batya, nage nasyabya Nyamuhanga wabo.

Ezekĩelĩ 6:9

Nenyũ abakasyabala mwasyanyibuka omo katĩkatĩ kʼebihanda eyo babirihekwa mo banyegwa, ngoko nabiriagalwa omo mutima busana nʼemitima yabo yʼerĩsĩngĩra, eyabĩrĩnyĩsĩga, na busana nʼameso wabo, awakagendera omwʼĩsĩngĩra lyʼesyosanamu syabo. Nabo basyayĩkwa obusu omo meso wabo busana nʼebibi ebyo babirikola, omo nye syabo syosĩ.

Hosea 10:2

Omutima wabo abirilegula; lino bakandisyaheka omusango wabo. Omwami Mukulu asyatũndũla amaherero wabo, asyaherya esyondũyĩ syabo sĩbũyĩrĩre.

Hosea 14:3

Asũrĩa sĩendĩsyatũlamya; sitwendisyagendera oko syosabayĩrĩ; kutse sitwendisyaswabwira omũbĩrĩ wʼebyala byetu tuti, uwe nyamuhanga wetu. Kusangwa ukʼuwe Mwami Mukulu, engũbĩ ikabana eriganyira.

Hosea 14:8

Uwe Efũraĩmũ ngandiswakolakĩ nʼesyosanamu kwehĩ? Nĩ ngye oyũkasũbĩraya, nʼerikulembera. Nyiri ngʼomuti wʼekĩlagũ kibisi; ebĩgũma byawe bĩkalũa ũkwʼĩngye.

Nahũmũ 1:14

NʼOmwami Mukulu abirihamula busana nawe, erĩna lyawe siryendisyaswakota. Nasyatwa esanamu eyĩbatsĩre nʼesanamu yʼerĩnũnĩa ĩlũe omo nyũmba yʼesyonyamuhanga syawe; nasyakokotya eyisinda yawe, kusangwa uli nye.

Zefania 1:4

Nasyalolya ebyala byage oko Yũda nʼoko syondũlanĩ syosĩ syʼeYerũsalema; nasyabugaho abasĩgalira ba Baalĩ erĩlũa hano, nʼamena wʼabakakolera esyosanamu, haguma nʼabahererĩ.

Zekarĩa 13:2

Neryo oko kiro ekyo, Omwami Mukulu Wʼemilondo ati, Nasyabũlĩranĩa amena wʼesyosanamu omo kihugo, nasyo sisyendisyasyibukwa kandi; kandi nasyalũsya abamĩnyererĩ nʼekĩrĩmũ kĩtĩsĩrĩre omo kihugo.

Eribisurirwa 9:20

Abandi bandu abasaka, abatĩtawa omo malĩge aya mobataleka ebindu ebyo bakokotaya. Kandi mobataleka erĩramya esyombĩnga, nʼesyosanamu syʼesyamagetsi, nʼesyosanamu syʼebĩtsĩpa, nʼesyʼomulinga, nʼesyʼamabwe, nʼesyʼemiti, esitetoka erilangira kutse erĩowa, kutse eribasula.

Abatswerĩ 18:17

Kandi abalume batanu abo abayalinga ekihugo mobahetuka mobingiramo, mobĩmya esanamu eyĩbatsĩre, eyĩbambĩre kwʼebĩtsĩpa nʼeefodĩ, nʼesisumba syʼenyũmba. Nʼomũhererĩ mwahangana oko kyaswa kyʼoko lũkyo haguma nʼabandu magana ndatu abambite ebindu byʼamalwa.