Mĩka 4:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Na lino ukalaka busana nakĩ kwehĩ? Ewawe siri mwami kwehĩ? Kutse omũhanĩ wawe abirihera ati? Eriluma lyabirikuhamba ngʼomũkalĩ oyukakunda kwehĩ?

Mĩka 4:9 Iomraidhean Croise

Ĩsaya 13:8

Kandi basyubaha, amagalĩ nʼamalĩge byasyahambabo, basyayinyola nʼamagalĩ ngʼomũkalĩ oyukakunda, basyasamalirana, nʼerisweka, amũsũ wabo iniabiribinduka mo mubano.

Ĩsaya 21:3

Busana nʼekyo esyombindi syage syamũsũla mwʼamagalĩ. Amagalĩ amanyihamba ngʼamagalĩ wʼomũkalĩ oyukakunda. Namalemwa, kikaleka indatoka erĩowa, namubaha, kikaleka indatoka erilangira.

Ĩsaya 26:17

Ngʼomukule oyũkahĩka hakũhĩ nʼomugulu wuwe wʼeributa, akagalawa inialaka busana nʼobwagalĩ buwe, netu twabya tutya embere syawe uwe Mwami Mukulu.

Yeremĩa 22:23

Uwe ndũlanĩ yʼeLebanonĩ, oyukayira Olutu lwawe omo mĩerezĩ, wasyasĩmba uti omugulu amagalĩ asyakũhĩkako, ngʼamagalĩ wʼomũkalĩ oyukakunda!

Yeremĩa 30:10

Neryo Omwami Mukulu ati, Uwe Yakobo, mugombe wage, Sigubahe. Kutse uwe Ĩsraelĩ, subye nʼengitsi. Kusangwa lebaya, nasyakũlamya inyikine hali, nʼabana bawe omo kihugo kyʼobunyegwa bwabo. Na Yakobo asyasubula, nʼeribya nʼobuholo nʼeriluhuka, isihali omundu wasyamũbahya.

Yeremĩa 4:21

Erĩhĩka omugulu wahi nasyasamalira ebendera, nʼerihulikirira omulenge wʼengubi kwehĩ?

Yeremĩa 4:31

Kusangwa monowa erilaka ngʼeryʼomũkalĩ ukakunda, eriagalwa lyʼoyukabuta omwana wuwe wʼerĩmbere, omulenge wa mwali wʼeSĩonĩ, oyukahumulikana busana nʼomuka, oyukasanza ebyala biwe, ati, Lino, obũlĩge ũkwʼĩngye! Kusangwa omutima wage akalembera embere syʼabĩtĩ!

Yeremĩa 48:41

Kĩrĩotĩ abĩrĩhũngwa, nʼahakongotere habirihambwa, neryo emitima yʼesyombangĩ sya Moabũ ekiro ekyo yasyabya ngʼomutima wʼomũkalĩ omo bwagalĩ bwʼerikunda.

Yeremĩa 50:43

Omwami wʼeBabelĩ amowa engulu yabo, nʼebyala biwe byamogokala. Obwagalĩ bwabirimuhamba, nʼerĩsĩrĩkalira ngʼeryʼomũkalĩ ukakunda.

Yeremĩa 8:19

Lebaya, omulenge wʼekiriro kya mwali wʼabandu bage akalũa omo kihugo kyʼehali kutsibu: Omwami Mukulu siali eSĩonĩ kwehĩ? Omwami wuwe siali mugo kwehĩ? Busana nakĩ babĩrĩnyĩhĩtanĩa omo syosanamu syabo esĩhesĩre, nʼomo syosanamu syʼehandi kwehĩ?

Ekiriro 4:20

Omuka wʼemihuli yetu, omũhakabĩbwa wʼOmwami Mukulu, Amahambwa omo mahya wabo. Oyo twahula tuti, Omwisi wʼekyũtsũtsũ kiwe Twasyĩkala omo bihanda.

Hosea 10:3

Kwenene lino basyabũga bati, Situwite mwami; kusangwa situlikenga Omwami Mukulu; nʼomwami naye, angatukolerakĩ kwehĩ?

Hosea 13:13

Amalĩge wʼomũkalĩ oyukakunda asyamũhĩkako; iye ni mugala utawite menge; kusangwa omugulu amahĩka isiatolere erĩyĩrĩndĩrĩrya ahʼeributira abana.

Hosea 3:4

Kusangwa abana ba Ĩsraelĩ basyĩkala biro bingi butsira mwami, kutse mukulu, kutse erihonga amahere, kutse endũyĩ ĩbũyĩrĩre, kutse efodĩ nʼeterafĩmũ.

Mĩka 5:3

Busana nʼekyo asyalekabo erĩhĩka oko mugulu oyo, oyukakunda amabibuta omwana, neryo abasĩgalira bʼoko bagala babo basyasuba oko bana ba Ĩsraelĩ.

Yoane 16:21

Omũkalĩ omugulu akakunda ali nʼobũlĩge kusangwa endambĩ yiwe yabĩrĩhĩka; nĩkwa omugulu amabibuta omwana, sialisyibuka kandi eriagalwa liwe, nĩkwa akatsema ati, Omwana amabibutwa omo kihugo.

Eribisurirwa 12:2

Omũkalĩ oyo abya mukule, neryo mwalaka nʼerikunda iniakagalawa akabuta.