Mĩka 4:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Nasyayira oyũkatsokondaya eribya basĩgalira, nʼoyo wahigawa eribya ekihanda kyʼamaka; nʼOmwami Mukulu asyatabalirabo oko kitwa kyʼeSĩonĩ erĩtsũka lino erĩhĩka kera na kera.

Mĩka 4:7 Iomraidhean Croise

Esyonyimbo 2:6

Ati, Nabĩrĩsĩngya omwami wage, Oko kitwa kyage kĩbũyĩrĩre kyʼeSĩonĩ.

Ĩsaya 16:5

Ekĩtũmbĩ kyʼobwami kyasyahanganĩbwa omwʼisasira. Omũtswerĩ asyĩkala kukyo omwʼitendiregula, omo hema ya Dawĩdĩ, kandi asyasondasonda erĩbanza libuya, nʼerianguha erikola eritunganene.

Ĩsaya 24:23

Oko mugulu oyo, omukera asyahemuka, nʼeryuba lyasyakwa esĩsonĩ, kusangwa Omwami Mukulu wʼemilondo asyatabala oko Kitwa kyʼeSĩonĩ, nʼeYerũsalema, nʼolukengerwa luwe lwasyabya embere syʼabakulu buwe.

Ĩsaya 6:13

Nĩkwa hasyabya erĩgabo liguma lyʼokwʼĩkũmĩ mukyo, nalyo lyasyabya ekyangahĩsĩbwa, ngʼomuti wʼeterebĩntĩ, nʼomuti wʼomũalonĩ nʼendĩna yago ĩkasĩgala omugulu akakondawa embuto ĩbũyĩrĩre nĩ ndĩna yago.

Ĩsaya 60:22

Omuke asyabya kihanda, Omuke kutsibu asyabya kihanda kĩkalĩre. Ĩngye Mwami Mukulu, nasyangũhyabyo oko mugulu wabyo.

Ĩsaya 66:8

Nindi abĩrĩowa ekĩnywa ngʼekĩ kwehĩ? Nindi wabirilola oko myatsi ngʼeyĩ kwehĩ? Ekihugo kyanganabutwa kiro kiguma kwehĩ? Ekihanda kyanganabutwa iguma kwehĩ? Kusangwa omugulu Sĩonĩ akunda, Mwabuta bagala buwe nibya.

Ezekĩelĩ 43:7

Naye mwambwira ati, Omugala wʼomundu, hano ni mwanya wʼekĩtũmbĩ kyage kyʼobwami, nʼomwanya wʼebisando byage, aho nasyĩkala omo katĩkatĩ kʼabana ba Ĩsraelĩ kera na kera. Nʼekihanda kya Ĩsraelĩ sĩkyendĩsyaswatsandya erĩna lyage lĩbũyĩrĩre, kutse ibo, kutse abami babo, omo bũsĩngĩrĩ bwabo, nʼomo bĩnda byʼabami babo omugulu bakahola,

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Danĩelĩ 7:14

Naye mwahabwa eritabala, nʼolukengerwa, nʼobwami, abandu bosĩ nʼebihanda, nʼemĩbũge bamukolere; eritabala liwe ni ʼtabala lya kera na kera, eritendisyahwaho, nʼobwami buwe ni bwami obũtendĩsyaherĩbwa.

Danĩelĩ 7:27

Nʼobwami nʼobutabale nʼobukulu bwʼamami eyĩkwa wʼamatũkũ gosĩ, byasyahabwa oko bandu ba Nyamuhanga Owendata Kutsibu. Obwami buwe ni bwami bwa kera na kera, nʼamatabale gosĩ asyamukolera nʼerimukenga.

Hosea 1:10

Nĩkwa emiganzo yʼabana ba Ĩsraelĩ yasyabya ngʼomusege wʼengetsi, owate angatoka erirengwa kutse eriganzwa; neryo kyasyabya, aho bakabwirawa, ambu Simuli bandu bage, basyabwirwa, muli bagala ba Nyamuhanga oyuliho.

Yoelĩ 2:32

Neryo obuli mundu oyukalakira erĩna lyʼOmwami Mukulu asyalamĩbwa; kusangwa omo kitwa kyʼeSĩonĩ nʼomo Yerũsalema mwasyabya bandu abakabala, ngoko Mwami Mukulu abĩrĩbũga, nʼomo katĩkatĩ kʼabandu abasĩgaliraho abo Mwami Mukulu akabirikira.

Yoelĩ 3:17

Litya mwasyaminya ko ndi Mwami Mukulu Nyamuhanga wenyũ, erĩĩkala eSĩonĩ ekitwa kyage kĩbũyĩrĩre; oko mugulu oyo, eYerũsalema yasyabya nyĩbũyĩrĩre, kandi sihendisyabya owʼehandi oyukalaba mugo kandi.

Obadĩa 1:21

Nʼabakalamaya basyahetukira oko kitwa eSĩonĩ eritswera ekitwa kya Esaũ; nʼobwami bwasyabya bwʼOmwami Mukulu.

Mĩka 2:12

Uwe Yakobo, kwenene nasyabahĩndanĩa ĩnywe bosĩ, kwenene nasyahĩndanĩa abasĩgalira ba Ĩsraelĩ; nasyahĩrabo haguma ngʼesyombũlĩ omo nyũmba, ngʼekihangulo omo lũlĩsĩryo lwasyo; basyahĩra olukanda lunene busana nʼabandu.

Mĩka 2:13

Oyukatulirabo enzira abirihetuka embere syabo; babĩrĩlũamo nʼerilaba omo lũkyo, ibabirihulukira eyĩhya. Nʼomwami wabo abirilaba embere syabo, nʼOmwami Mukulu akaberabo embere.

Mĩka 5:3

Busana nʼekyo asyalekabo erĩhĩka oko mugulu oyo, oyukakunda amabibuta omwana, neryo abasĩgalira bʼoko bagala babo basyasuba oko bana ba Ĩsraelĩ.

Mĩka 7:18

Nindi yo Nyamuhanga nga we, oyukabuyira ebibi, nʼerikiruka okwʼihona lyʼamasĩgalira wʼabandu buwe kwehĩ? Sialibika erihitana liwe kera na kera, kusangwa akatsemera obubuya bʼolwanzo.

Zefania 3:13

Neryo abasĩgalira ba Ĩsraelĩ sibendisyakola ebibi, kutse erĩbũga amabehĩ; kutse omo muno wabo simwendisyabanika olulimi lwʼeriteba; kusangwa basyalya nʼerigotsera, isihali oyo wasyatĩtĩmanĩabo.

Zefania 3:20

Omwami Mukulu ati, Nʼoko mugulu oyo nasyabaletamo, nʼoko mugulu oyo nasyabahĩndanĩa haguma; ega, nasyabaha olũkũmayiro nʼeripipwa omo katĩkatĩ kʼebihanda byosĩ byʼekihugo, omugulu nasyabasũbya kʼobuholo bwenyũ embere syʼameso wenyũ.

Luka 1:33

Kandi asyatabalira ekihanda kya Yakobo kera na kera, nʼobwami buwe sibwendisyahwa.

Eribisurirwa 11:15

Neryo omũlaĩka wʼakalinda mwabuha engubi yiwe, neryo emirenge minene-minene omo lubula moyabũga iti, Obwami bwʼekihugo bwabiribya bwami bwʼomukama wetu, nʼobwa Kristo wuwe, naye asyatabala kera na kera!