Mĩka 4:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kusangwa ebihanda byosĩ byasyalendera obuli mundu oko lĩna lya nyamuhanga wuwe; netu twasyalendera kera na kera omo lĩna lyʼOmwami Mukulu Nyamuhanga wetu.

Mĩka 4:5 Iomraidhean Croise

Enzũko 17:1

Neryo omugulu Abramu abya wʼemyaka makũmĩ mwenda nʼomwenda Omwami Mukulu mwamuhulukira, mwabũga naye ati, Ĩngye indi Nyamuhanga Omũtokĩ Wʼebyosĩ. Ulendere embere syage, ũhĩkane.

2 Abami 17:29

Nĩkwa obuli kihanda mokyayĩkokoterya esyonyamuhanga syakyo, mobahĩrasyo omo manyũmba awʼahendata aho Abasamarĩa bayira, obuli kihanda omo mĩyĩ aho babya bĩkere.

2 Abami 17:34

Erĩhĩka mũnabwĩre bakinakola ngʼemibere yʼerĩmbere; sibetubaha Omwami Mukulu, kutse sibekola ngʼemigambo kutse ngʼebilayiro byabo, kutse ngʼemigambo kutse ngʼebihano ebyo Mwami Mukulu ahana bana ba Yakobo, oyo aluka erĩna lya Ĩsraelĩ;

Esyonyimbo 20:6

Lino nyĩnasĩ Omwami Mukulu kwʼakakĩndĩsaya omwami wuwe, oyo ayisoga, Akamũsũbĩraya omo lubula luwe lũbũyĩrĩre, Omo maka wʼerĩlamya wʼebyala biwe byʼamali.

Esyonyimbo 48:14

Muti, Nyamuhanga oyũ ni Nyamuhanga wetu kera na kera; Asyabya mũsondolĩ wetu erĩhĩka oko migulu yosĩ eyasyasa. Obũkĩrũ bwʼeriyiketera ebindu Busana nʼomwĩmbĩrĩrĩ mukulu. Olwimbo lwʼabagala ba Kora.

Esyonyimbo 71:16

Nasyahĩka oko Hekalũ yawe omo bũtokĩ bwawe Mwami Mukulu, Nyamuhanga, Nasyakanganĩa eritunganene ryawe ĩwowene.

Ĩsaya 2:5

Ĩnywe kĩtũnga kya Yakobo mwase, tulendere omo kyakakala kyʼOmwami Mukulu.

Ĩsaya 26:13

Uwe Mwami Mukulu Nyamuhanga wetu, abandi bakama, butsira we, babiritutabalako. Nĩkwa ukʼuwe ĩgowene twasyahula erĩna lyawe.

Ĩsaya 26:8

Ega, erikwama enzira yʼesyonzwere syawe, uwe Mwami Mukulu Ĩtwe twabirikulinda nʼomũhwa. Erĩna lyawe, nʼerikwibuka, ni ʼsonda lyʼemitima yetu.

Yeremĩa 32:40

Nage nasyayira endagano ya kera na kera haguma nabo nyiti, sindiendisyakita okwʼikwamabo erikolerabo ebibuya, kandi nasyahĩra olubahwa lwage omo mitima yabo, ĩbatanyĩsĩganĩa.

Zekarĩa 10:12

Nage nasyahabo amaka omo Mwami Mukulu; nʼOmwami Mukulu ati, Basyalendera omo lĩna liwe.

Emibiri 14:16

Kandi, oko migulu yalaba Nyamuhanga mwaleka Ebihanda byosĩ erigenda omo mibere yabyo.

Eryibuka Ebihano 27:10

Neryo mwasyakenga omulenge wʼOmwami Mukulu Nyamuhanga wenyũ nʼerikola ebihano biwe, nʼemigambo yiwe ebyo ngabahana mũnabwĩre.

AbanyaKolosai 2:6

Neryo, kusangwa mwabiriangirira Kristo Yesu mo Mukama, mumukwame nʼerimatikana naye.

AbanyaKolosai 3:17

Nʼebyosĩ mukakola, omo kĩnywa, kutse omo mũbĩrĩ, mukole ebyosĩ omo lĩna lyʼomukama Yesu, imunemuha ewasĩngya uku Tata Nyamuhanga busana na Yesu.

Yosũa 24:15

Kandi kyamabya kibi omo meso wenyũ erikolera Omwami Mukulu, muyisoge mũnabwĩre oyo mwasyakolera; syamabya esyonyamuhanga esyo abotata-kulu benyũ bakolera eyisirya wʼolũsĩ lwʼeEfũratĩ, kutse esyonyamuhanga syʼAbaamorĩ, eyo mwĩkere omo kihugo kyabo; nĩkwa ĩngye nʼekĩtũnga kyage, twasyakolera Omwami Mukulu.