Mĩka 4:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Uwe mwali wʼeSĩonĩ, uhangane ũhũmbe; kusangwa nasyayira erĩhembe lyawe mo kyuma, kandi nasyayira ebigere byawe mo miringa; kandi iwatoka erĩtsũtsanga ebihanda bingi mo bitswebitswe; iwatoka eriha Omwami Mukulu endũndĩ yabo nyibi, nʼobũsokĩ bwabo oko Mukama wʼekihugo kyosĩ.

Mĩka 4:13 Iomraidhean Croise

Esyonyimbo 24:1

Ekihugo nʼebyosĩ ebiri mukyo ni byʼOmwami Mukulu, Ekihugo nʼabosĩ abĩkere mukyo ni biwe.

Esyonyimbo 68:29

Aho abami bakakuletera esyonzũnzo, Ahali eHekalũ yawe eYerũsalema.

Esyonyimbo 72:10

Abami bʼEspanĩa nʼabami bʼoko bitsira basyamuha esyonzũnzo, Abami bʼeArabĩa nʼabʼeEtĩopĩa basyamuletera omuhako.

Ĩsaya 18:7

Oko mugulu oyo Omwami Mukulu wʼemilondo asyaleterwa olũsũnzo lwʼerimukenga lũkalũa oko bandu bali-bali nʼabatendere, Kĩkalũa oko bandu bakũbahaya ehosĩ ekihanda kyʼamaka nʼekĩkanũbaya, nʼekihugo kyabo kĩgabĩrwe nʼesyonyũsĩ, erĩhĩka oko mwanya wʼerĩna lyʼOmwami Mukulu wʼemilondo, yo kitwa kyʼeSĩonĩ.

Ĩsaya 21:10

Ĩnywe bandu bage ababĩrĩhũmbwa, nʼabandu bage bʼobũlĩge bʼekĩhũmbĩro kyage! Nabĩrĩbatũlĩra ebyo nowa oko Mwami Mukulu wʼemilondo, Nyamuhanga wa Ĩsraelĩ.

Ĩsaya 23:18

Endũndĩ yiwe nʼobukumbi buwe bwʼomũmalaya byasyahigulwa oko Mwami Mukulu. Sĩbyendĩsyahĩrwa omo kigona kutse eribikwa; nĩkwa endũndĩ yiwe yasyabya kalyo kangaho nʼesyongimba syowenenga busana nʼabandu abakĩkala embere syʼOmwami Mukulu.

Ĩsaya 5:28

Emisoha yabo ĩtwĩre, nʼamata wabo gosĩ akũnyĩrwe, nʼebigere byʼesyosabayĩrĩ syabo bikasosa ngʼamabwe wʼemitero, nʼebĩrĩngo byabo byʼegalĩ bikasosa akanyabungu.

Yeremĩa 51:20

Omukama akabũga ati, Uwe Babelĩ uli nyondo yʼamalwa yage nʼebindu byage byʼamalwa. Haguma nawe nasyabũnanga ebihanda, kandi haguma nawe nasyaherya amami.

Yeremĩa 51:33

Kusangwa Omwami Mukulu wʼemilondo, Nyamuhanga wa Ĩsraelĩ ati, Omwali wʼeBabelĩ ali ngʼekibuga kyʼerĩhũmbĩrako oko mugulu kikalyatangirirawa. Hakĩsĩya mugulu muke, nʼomugulu wʼerigesa ĩnĩamũhĩkako.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Hosea 10:11

Neryo Efũraĩmũ ni nyana eyakangĩrĩrĩbawa, eyikanza eriryatangirira engano; nĩkwa nasyahĩka oko bĩkya bibuya byayo omo ngomo; nasyahĩra omũgendya uku Efũraĩmũ; Yũda asyalima, Yakobo asyatulanga ebirongwe biwe.

Mĩka 5:7

Neryo abasĩgalira uku Yakobo basyabya omo katĩkatĩ kʼabandu ngʼekimi ekĩkalũa oko Mwami Mukulu ngʼembũla oko biti ebiterinda omundu, kutse eriamala oko bagala bʼabandu.

Habakũkĩ 3:12

Mowatwangana omo kihugo omwʼihitana; Mowalyatanga ebihanda omwʼihitana.

Zekarĩa 12:3

Neryo kyasyabererera oko kiro ekyo nasyayira eYerũsalema mo lĩbwe rĩrĩtohĩre busana nʼebihanda byosĩ; abosĩ abakalĩtoherayo basyahũtalĩbwa kutsibu; nʼebihanda byosĩ byʼekihugo byasyahĩndanĩbwa erilwa nayo.

Zekarĩa 12:6

Oko kiro ekyo nasyayira abakulu bʼeYũda ngʼoluyo omo katĩkatĩ kʼesyongwĩ, kandi ngʼoluseke olukaka omo katĩkatĩ kʼemiganda; neryo basyabuga ebihanda byosĩ oko mbande syosĩ, oko mali nʼoko malembe; omugulu esyondũlanĩ syʼeYerũsalema basyĩkala kandi aho wabo eYerũsalema.

Zekarĩa 4:14

Neryo mwabũga ati, Aba ni bagala babiri bahakabĩbwe amagũta, abakahangana oko mũsĩke wʼOmukama wʼekihugo kyosĩ.

Zekarĩa 6:5

Neryo omũlaĩka mwasũbĩrya mwambwira ati, Ebĩ nĩ bĩrĩmũ bini byʼelubula, ebikagenda bĩkalũaho byamabihangana embere syʼOmukama wʼekihugo kyosĩ.

1 AbanyaKorinto 16:2

Oko buli kiro kyʼeyenga, obuli mundu abike ekihande kyʼendũndĩ akabana, butsira erĩlabya ekĩbo ekiro nasyahĩka.

Eryibuka Ebihano 33:25

Esyongomo syawe syasyabya syʼebyuma nʼemiringa; Kandi ebiro byawe ko bingana, akagala kawe ko kasyabya katya.

Yosũa 6:19

Nĩkwa ebĩtsĩpa byosĩ, nʼesyamagetsi, nʼebindu byʼemiringa nʼebyʼebyuma, bĩbũyĩrĩre oko Mwami Mukulu; byasyahĩka omo kigona kyʼOmwami Mukulu.