Mĩka 4:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Nĩkwa sĩbasĩ amalengekanĩa wʼOmwami Mukulu, kandi sibaliminya erĩyĩsũnza liwe; kusangwa abĩrĩhĩndanĩabo ngʼemiganda oko kĩhũmbĩro.

Mĩka 4:12 Iomraidhean Croise

Esyonyimbo 147:19

Akaha Yakobo ekĩnywa kiwe, Akaha Ĩsraelĩ ebihano biwe nʼemigambo yiwe.

Esyonyimbo 147:20

Sialitakolera ebindi bihanda atya; Sĩbasĩ emigambo yiwe. Mupipe Omwami Mukulu!

Ĩsaya 10:7

Nĩkwa sialisonda atya, kutse omutima wuwe sĩalĩganĩraya atya. Nĩkwa kiri omwʼĩyĩsũnza liwe erĩherya, nʼerĩkĩnda ebihanda bingi.

Ĩsaya 21:10

Ĩnywe bandu bage ababĩrĩhũmbwa, nʼabandu bage bʼobũlĩge bʼekĩhũmbĩro kyage! Nabĩrĩbatũlĩra ebyo nowa oko Mwami Mukulu wʼemilondo, Nyamuhanga wa Ĩsraelĩ.

Ĩsaya 29:7

Endeko yʼebihanda byosĩ ebikalwa nʼeArĩelĩ, nʼabosĩ bakalwa naye nʼahakangatĩre huwe, nʼabakamwagalĩranaya, basyabya ngʼerilota nʼobũlĩme bwʼekiro.

Ĩsaya 55:8

Kusangwa amalengekanĩa wage sĩ malengekanĩa wenyũ, kutse esyonzira syenyũ si nzira syage, Omwami Mukulu atya.

Yeremĩa 29:11

Kusangwa Omwami Mukulu ati, Nyĩnasĩ amalengekanĩa ago ngalengekanaya busana nenyũ, amalengekanĩa wʼobuholo, si wʼekibi, eribaha amaha oko biro byenyũ ebikasa.

Yeremĩa 51:20

Omukama akabũga ati, Uwe Babelĩ uli nyondo yʼamalwa yage nʼebindu byage byʼamalwa. Haguma nawe nasyabũnanga ebihanda, kandi haguma nawe nasyaherya amami.

Yeremĩa 51:33

Kusangwa Omwami Mukulu wʼemilondo, Nyamuhanga wa Ĩsraelĩ ati, Omwali wʼeBabelĩ ali ngʼekibuga kyʼerĩhũmbĩrako oko mugulu kikalyatangirirawa. Hakĩsĩya mugulu muke, nʼomugulu wʼerigesa ĩnĩamũhĩkako.

Yoelĩ 3:2

nasyahĩndanĩa ebihanda byosĩ, nasyandagalyabo omo musya wʼeYehosafatĩ; nasyaberererya eyo eritswera kubo busana nʼabandu bage na busana nʼabandu bage ye Ĩsraelĩ, abo bapanza-panza omo katĩkatĩ kʼebihanda: kandi mobagaba ekihugo kyage.

Luka 3:17

Olugale luwe luli omo byala biwe, erĩgũlũkya engano omo kibuga kiwe, nʼerĩhĩra engano omo kigona kiwe; nĩkwa asyahĩsya omusunga omo muliro owatehumbera.