Mĩka 4:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Na lino ebihanda bingi byabĩrĩhĩndana busana nʼerilwa nawe, bakabũga bati, Atsandĩbawe, nʼameso wetu asamalire eSĩonĩ.

Mĩka 4:11 Iomraidhean Croise

Esyonyimbo 129:5

Abosĩ abakakwa eSĩonĩ yʼobusu, Bakĩndawe nʼerĩkũnwa enyũma!

Esyonyimbo 83:5

Bakalĩga oluhota lwabo, Bakahanana erikubambira.

Ĩsaya 10:7

Nĩkwa sialisonda atya, kutse omutima wuwe sĩalĩganĩraya atya. Nĩkwa kiri omwʼĩyĩsũnza liwe erĩherya, nʼerĩkĩnda ebihanda bingi.

Ĩsaya 17:12

Ĩyo-o, olukanda lwʼebihanda bingi! Bakahuha ngʼerihuha lyʼesyongetsi, Nʼeriruruma lyʼebihanda, ebikasenda, ngʼeriruruma lyʼamagetsi akalĩre!

Ĩsaya 29:7

Endeko yʼebihanda byosĩ ebikalwa nʼeArĩelĩ, nʼabosĩ bakalwa naye nʼahakangatĩre huwe, nʼabakamwagalĩranaya, basyabya ngʼerilota nʼobũlĩme bwʼekiro.

Yeremĩa 52:4

Neryo oko mwaka wʼomwenda wʼeritabala liwe, oko mukera wʼerĩkũmĩ, nʼoko kiro kyʼerĩkũmĩ kyʼomukera oyo, Nebũkadeneza omwami wʼeBabelĩ mwasa, iye nʼomulondo wuwe gosĩ, erilwa nʼeYerũsalema, mwahanda endwĩro yoko; kandi mwahĩmba olũhĩmbo lwʼeribambiraho erĩtĩmbaho.

Ezekĩelĩ 26:3

Neryo busana nʼekyo Omukama Iye Omwami Mukulu ati, Lebaya, ngalwa nawe uwe Tĩro, nasyaleta ebihanda bingi erilwa nawe, ngoko engetsi ikaleta ebisunda byayo.

Ezekĩelĩ 38:17

Omukama Iye Omwami Mukulu ati, Uli oyo nahula oko mugulu wa kera busana nʼabagombe bage abamĩnyererĩ ba Ĩsraelĩ, abaminyerera oko biro ebyo busana nʼemyaka mingi ngoko nasyakuleta erilwa nabo kwehĩ?

Obadĩa 1:12

Nĩkwa Susamalire nʼobutseme ekiro kyʼomugala wenyũ, kyo kiro kyʼobũlĩge buwe; kandi Sutseme busana nʼabana ba Yũda oko kiro kyʼerĩherĩbwa lyabo; kutse sũbũge nʼeriyipipa oko kiro kyʼobũlĩge bwabo.

Mĩka 7:10

Neryo enzĩgũ yage yasyasamalirakyo, nʼesĩsonĩ syasyaswika oyo wambwira ati, Omwami Mukulu, Nyamuhanga wawe, ali hahi kwehĩ? Ameso wage asyasamalira; nayo yasyalyatangirirwa ngʼolondo lwʼenzira.

Zekarĩa 12:3

Neryo kyasyabererera oko kiro ekyo nasyayira eYerũsalema mo lĩbwe rĩrĩtohĩre busana nʼebihanda byosĩ; abosĩ abakalĩtoherayo basyahũtalĩbwa kutsibu; nʼebihanda byosĩ byʼekihugo byasyahĩndanĩbwa erilwa nayo.