Mĩka 3:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Nĩkwa ĩngye nyoswĩre nʼamaka, nyoswĩre nʼOmũlĩmũ wʼOmwami Mukulu, nʼerĩbanza, nʼobulume-lume erĩtũlĩra Yakobo amalolo wuwe na Ĩsraelĩ ebibi biwe.

Mĩka 3:8 Iomraidhean Croise

Yobũ 32:18

Kusangwa nyoswĩre nʼebĩnywa; Ekĩrĩmũ ekiri omwisi wage kĩkanyĩkũna.

Ĩsaya 58:1

Mulake kutsibu, sĩmũkakĩrayego. Musumbe omulenge wenyũ ngʼengubĩ, mubwire abandu bage amalolo wabo, mubwire ekĩtũnga kya Yakobo ebibi byakyo.

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Ĩsaya 61:2

erĩtũlago oko mwaka wʼolukogo lwʼOmwami Mukulu, nʼekiro kyʼerĩkĩsya kya Nyamuhanga wetu, erĩkĩranĩa abosĩ abakalira,

Yeremĩa 1:18

Kusangwa lebaya, nabirikuyira mũnabwĩre ngʼomũyĩ akongotere, nʼendũyĩ yʼekyuma, nʼesyombĩmbo syʼemiringa, oko kihugo kyosĩ, nʼoko bami bʼeYũda, nʼoko banya-mwami bayo, nʼoko bahererĩ bayo, nʼoko bandu bʼekihugo.

Yeremĩa 20:9

Nĩkwa namabũga nyiti sindiendisyamwibuka, kutse erĩswabũga kandi omo lĩna liwe, neryo hali omo mutima wage ngʼomuliro owakagulumira owabohere omo makũha wage, nage namaluha erĩyĩyĩnĩa, sinditoka eriyibombeka.

Yeremĩa 6:11

Kikaleka mũsũla nʼerihitana lyʼOmwami Mukulu. Namaluha busana nʼerĩyĩyĩnĩa. Gũteryo oko bana abali omo nzira, nʼoko ndeko yʼabalwana eyĩhĩndene, kusangwa omulume asyahambwa na mũkalĩwe haguma, nʼomukulu haguma nʼomukulu kutsibu.

Ekiriro 2:14

Abamĩnyererĩ bawe babirilangira busana nawe Erilota eryʼamabehĩ nʼesyonzolĩ ngyĩrũ. Mobatakũnũngũla obubi bwawe, Busana nʼerĩsũbũlya obunyegwa bwawe, Nĩkwa babirilangira busana nawe Emyatsi yʼamabehĩ nʼemyatsi yʼerĩkũtalya.

Ezekĩelĩ 16:2

Omugala wʼomundu, ũmĩnyĩsaye eYerũsalema esyonye syago,

Ezekĩelĩ 20:4

Wasyatswerabo, uwe mugala wʼomundu, wasyatswerabo kwehĩ? Ũmĩnyĩsayebo esyonye syʼabotata wabo.

Ezekĩelĩ 22:2

Nawe, mugala wʼomundu, wasyatswerago, wasyatswera omũyĩ oyũ wʼomusasi kwehĩ? Neryo ũmĩnyĩsayego esyonye syosĩ syago.

Ezekĩelĩ 23:36

Kandi, Omwami Mukulu mwambwira ati, Omugala wʼomundu, wasyatswera Ahola na Aholĩba kwehĩ? Neryo ũtũlĩrebo esyonye syabo.

Ezekĩelĩ 3:14

Neryo Omũlĩmũ mwanyisumba nʼerinyitwala ehandi. Nage monagenda omo bukali, nʼerĩhũka-hũka lyʼekĩrĩmũ kyage, nʼebyala byʼOmwami Mukulu mobyanyikalako nʼamaka.

Ezekĩelĩ 43:10

Nawe, omugala wʼomundu, ũkangaye eHekalũ oko kihanda kya Ĩsraelĩ ibatoka erihemuka busana nʼebibi byabo, kandi balenge olulengo lwayo.

Matayo 7:29

Kusangwa abya akakangĩrĩrya ngʼoyuwite hamũlĩ, butsira ngʼabakangĩrĩrya babo bʼemigambo.

Mariko 3:17

na Yakobo nʼomugala wabo ye Yoane, abagala ba Zebedayo, (Yesu mwahabo erĩna Boanerge, eribindula liti, Abagala bʼomũlũmo);

1 AbanyaKorinto 2:4

Neryo ekĩnywa kyage nʼerĩtũlago lyage, sibyabya byʼekĩsehya kyʼebĩnywa byʼamenge wʼabandu, nĩkwa byabya ĩbakakangaya obũtokĩ bwʼOmũlĩmũ wa Nyamuhanga.