Mĩka 3:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Abahanĩ basyahemulwa, nʼabalagũlĩ basyakwa esĩsonĩ; ega, abosĩ basyaswika obuno bwabo; kusangwa Nyamuhanga sĩalĩsũbĩrayabo.

Mĩka 3:7 Iomraidhean Croise

Esyonyimbo 74:9

Ebiminyikalo byetu bibũyĩrĩre byabirigenda; Isihakiri abamĩnyererĩ, Kandi Sĩtwasĩ nga byasyabya bitya erĩhĩka mugulu wahi.

Erĩlũayo 9:11

Nʼabakũmũ mobatatoka erihangana embere sya Musa busana nʼebihute; kusangwa ebihute ebyo mobyabya oko bakũmũ, nʼoko Banya Mĩsĩrĩ bosĩ.

Ĩsaya 44:25

Ngaleka ebiminyikalo byʼabandu abakayihalamba ibyabya busa, nʼeriyira abalagũlĩ mo bakĩrũ, ngaleka abandu bʼamenge erisuba enyũma, nʼeribindula amenge wabo mo bũkĩrũ,

Yeremĩa 18:18

Neryo mobabũga bati, Mwase tuye embĩta yʼamenge erĩĩta Yeremĩa. Kusangwa omugambo siendisyatala oko mũhererĩ, kutse erihana oko bʼamenge, kutse ekĩnywa oko mũmĩnyererĩ! Mwase tũmũswĩraye omo lulimi lwetu, sĩtũhĩre omutima oko bĩnywa biwe nʼekiguma.

Ezekĩelĩ 24:17

Ũsĩmbe bũkũtũ-kũtũ, sumoleke omulenge busana nʼabaholĩ. Ubohe eki­tambara oko mutwe wawe, wambale ebiryato byawe oko bisando byawe, kandi suswike esyonderũ syawe, kandi sulye ebyalya byʼabandu.

Ezekĩelĩ 24:22

Nenyũ mwasyakola ngoko nabirikola. Simwendisyaswika esyonderũ syenyũ, kutse erirya akalyo kʼabandu.

Abalawĩ 13:45

Nʼomuhaga oyũkwĩre obũkonĩ, esyongimba siwe syasyasatangĩbwa, nʼesyonzwiri syʼomutwe wuwe syasyaswikulwa sitya, naye asyaswika esyonderũ syʼomũnywa wuwe wʼendata, nʼerilaka, ati, Indi Mũtsandĩrya! Indi Mũtsandĩrya!

Amosĩ 8:11

Omukama, Omwami Mukulu akabũga ati, Ebiro bikasa, ngandisyatuma enzala omo kihugo; si nzala yʼakalyo, kutse nyota yʼamagetsi, nĩkwa eyʼerĩowa ebĩnywa byʼOmwami Mukulu.

Mĩka 3:4

Neryo basyalakira Omwami Mukulu, nĩkwa siendisyasũbĩryabo; ega, oko mugulu oyo asyabĩsabo obũsũ buwe, kusangwa babirikola emĩbĩrĩ mibi.

Mĩka 7:16

Ebihanda byasyalangira nʼerihemuka busana nʼamaka wabo gosĩ; basyahĩra ebyala byabo oko muno wabo; amatwĩ wabo asyabya bitsiha.

Zekarĩa 13:4

Kandi oko kiro ekyo, abamĩnyererĩ basyakwa esĩsonĩ obuli mundu busana nʼesyonzolĩ siwe omugulu akaminyerera; kandi sibendisyambala erĩkotĩ ryʼobweya busana nʼeriteba:

1 Samwelĩ 14:37

Neryo Saũlo mwabũlya Nyamuhanga, ati, Nyandagale erikwama Abafĩlĩstĩnĩ kwehĩ? Ũnemwendĩhĩrabo omo byala byʼAbaĩsraelĩ kwehĩ? Nĩkwa mwatamũsũbĩrya oko kiro ekyo.

1 Samwelĩ 28:15

Neryo Samwelĩ mwabwira Saũlo ati, Busana nakĩ ũkanyĩlũhaya erĩnyĩhetũkya kwehĩ? Na Saũlo mwabũga ati, Indi omo bũlĩge bunene; kusangwa Abafĩlĩstĩnĩ bakalwa nage, na Nyamuhanga abĩrĩnyĩlũako, sĩakĩnyĩsũbĩraya kandi, kutse omo bamĩnyererĩ, kutse nʼomo nzolĩ; kyo kikaleka inakubirikira, iwatoka erĩnyĩmĩnyĩsya ebyo nangakola.

1 Samwelĩ 28:6

Nʼomugulu Saũlo abũlaya Omwami Mukulu, Omwami Mukulu mwatamũsũbĩrya, kutse nʼomo nzolĩ, kutse omo Ũrĩmũ, kutse nʼomo bamĩnyererĩ.

1 Samwelĩ 9:9

Erĩmbere omo Baĩsraelĩ, omugulu omundu agenda akayabũlya Nyamuhanga, ĩnĩakabũga ati, Wase, tukaya eyiri omũlangĩrĩ; kusangwa oyukahulawa lino mo mũmĩnyererĩ agenda akahulwa mo mũlangĩrĩ.]